Olíu­verð hefur hríð­fallið í dag, og nemur lækk­unin tæp­lega 8 pró­sent­um, þegar horft er til verðs á tunn­unni af hrá­ol­íu. Það er nú 50,3 Banda­ríkja­dal­ir, en fyrir rúmum sex vikum fór það yfir 80 Banda­ríkja­dali. 

Á vef Wall Street Journal segir að aukin fram­leiðsla í Sádí-­Ar­ab­íu, og liðkun fyrir olíu­við­skiptum Íran, hafi leitt til þess fram­boð hafi auk­ist umtals­vert, og því hafi heims­mark­aðs­verðið lækkað skarpt að und­an­förn­u. 



Hluta­bréfa­verð hefur einnig fallið nokkuð í Banda­ríkj­unum að und­an­förnu, og hélt sú þróun áfram í dag. S&P 500 vísi­talan er nú nei­kvæð um rúm­lega 6 pró­sent fyrir síð­ustu tólf mán­uði, en vísi­talan lækk­aði um 0,66 pró­sent í dag. 

Í umfjöllun Wall Street Journal kemur fram að horfur í heims­bú­skapnum hafi versn­að, og útlit fyrir minni hag­vöxt en áður var talið. 



Lækkun olíu­verðs­ins hefur sínar góðu hlið­ar, og er ein þeirra sú að Ísland nýtur góðs af lágu olíu­verði. Lækk­unin að und­an­förnu ætti að draga úr verð­bólgu­þrýst­ingi og flug­iðn­að­ur­inn nýtur einnig góðs af lágu olíu­verði.