Íslandspóstur fjárfest fyrir milljarða í rekstur á samkeppnismarkaði

Íslandspóstur hefur varið nær sex milljörðum í fjárfestingar í fasteignum, tækjum og bifreiðum frá árinu 2006. Fyrirtækið hefur farið fram á 1,5 milljarða neyðarlán frá ríkinu. Íslandspóstur er opinbert hlutafélag en starfar á samkeppnismarkaði.

img_3075_raw_1807130200_10016381175_o.jpg
Auglýsing

Frá árinu 2006 hefur Íslands­póstur varið rúm­lega 5,8 millj­örðum króna í fjár­fest­ingar í fast­eign­um, lóð­um, áhöld­um, tækjum og bif­reið­um. Á móti hafa eignir fyrir rúmar 600 millj­ónir króna verið seld­ar. Nettófjár­fest­ing á tíma­bil­inu er því rúmir fimm millj­arðar króna. Þetta má lesa úr árs­skýrslum Íslands­pósts frá árinu 2006 til dags­ins í dag og frá þessu er greint í umfjöllun Frétta­blaðs­ins í dag.

Ef síð­ustu tvö ár eru skoðuð má sjá að nettófjár­fest­ingar tíma­bils­ins nema rúmum millj­arði króna. Við það bæt­ast á þessu ári minnst 700 millj­ónir króna vegna stækk­unar flutn­inga­mið­stöðvar fyr­ir­tæk­is­ins að Stór­höfða. Langstærstan hluta fjár­fest­inga und­an­far­inna ára má rekja til nýrra tækja og bif­reiða sam­kvæmt umfjöllun Frétta­blaðs­ins

Á árunum 2005 og 2006 tók Íslands­póstur ákvarð­anir um að stækka hlut­deild fyr­ir­tæk­is­ins á almennum flutn­inga­mark­aði en fyr­ir­tækið er einnig í sam­keppni þegar kemur að dreif­ingu aug­lýs­inga­blaða, bæk­linga og sölu á prent­vörum og ýmiss konar smá­vöru. Sam­tímis þessu hafa stöðu­gildi Íslands­póst fjölgað um tæp­lega níu­tíu stöðu­gildi frá árinu 2014, þar af um rúm­lega fjöru­tíu milli áranna 2016 og 2017, og launa­kostn­aður hækkað um 1,4 millj­arða króna.

Auglýsing

Benda á tap Íslands­pósts vegna láns til dótt­ur­fé­laga 

­Meiri­hlut­i fjár­laga­nefndar lagði til að Íslands­pósti yrði veitt neyð­ar­lán upp á 1,5 millj­arð króna sem var millj­arða við­bót­ar­lán við þeim 500 millj­ónum sem félagið hafði nú þegar fengið vil­yrða fyr­ir. Við­skipta­banki Íslands­póst hafði lokað á frekar skamm­tíma­lán­veit­ingar og lán rík­is­ins átti að koma í veg fyrir að fyr­ir­tækið færi í þrot. Til­kynnt hefur verið að bág ­rekstr­ar­staða ­fé­lags­ins megi rekja til sam­dráttar í tekjum af al­þjón­ust­u og hversu langan tíma það hefur tekið fyrir Póst- og fjar­skipta­stofnun að taka ákvarð­anir um gjald­skrár­breyt­ing­ar. Sú breyt­ing­ar­til­laga meiri­hluta fjár­laga­nefndar var hins vegar dregin til baka og liggur nú til skoð­unar í fjár­laga­nefnd.

Í umfjöllun Frétta­blaðs­ins kemur hins vegar fram að eft­ir­lits­að­ilar hafa bent á að slæma rekstr­ar­stöðu Íslands­pósts sé ekki aðal­lega að rekja til auk­ins kostn­aðar við alþjón­ustu. Í athuga­semdum Póst- og fjar­skip­sta­stofn­unnar við skýrslu um rekstr­ar­skil­yrði Íslands­pósts, frá árinu 2014, er meðal ann­ars bent á að hund­ruð millj­óna hafi tap­ast vegna lán­veit­inga til dótt­ur­fé­laga Íslands­pósts í sam­keppn­is­rekstri. Íslands­póst­ur, m.a. vegna fjár­fest­ingu í prent­smiðju Sam­skipta og láns til ePósts dótt­ur­fé­lags Íslands­póst­s. 

Vill úttekt á Íslands­pósts

Fram­kvæmda­stjóri Félags atvinnu­rek­enda, Ólafur Steph­ens­sen, telur nauð­syn­legt að unnin verði óháð úttekt á því hvernig sam­keppn­is­rekstri Íslands­pósts ohf. hefur verið hátt­að. Áður hefur Willum Þór Þórs­son, for­maður fjár­laga­nefnd­ar, sagt að til greina komi að gera slíka úttekt. Ólaf­ur telur að ef ráð­ist verður í úttekt þá yrði að fá utan­að­kom­andi aðila til verks­ins. Hann bendir á að Póst- og fjar­skipta­stofnun telji það ekki sitt hlut­verk að rann­saka slíkt og þá er Rík­is­end­ur­skoðun van­hæf þar sem stofn­unin end­ur­skoði reikn­inga Íslands­pósts.

Ólafur_Stephensen„Við höfum verið gagn­rýnin á þetta mál. Okkur finnst nauð­syn­legt að áður en Alþingi ákveður hvort þessir pen­ingar verða lán­aðir eða lagðir í fyr­ir­tæk­ið, því það er alls óvíst að hægt sé að greiða þá til baka, liggi fyrir hvernig Íslands­póstur hefur hagað sér í sam­keppn­is­rekstri og hve miklu fyr­ir­tækið hefur tapað á þeim ævin­týrum sín­um,“ segir Ólafur Steph­en­sen í sam­tali við Frétta­blaðið

Starf­semi Íslands­póst sem fellur undir sam­keppni er um sex­tíu pró­sent af starf­semi félags­ins en sá hluti starf­semi Íslands­póst lítur ekki gjald­skrár­eft­ir­liti Póst og fjar­skipta­stofn­unar sam­kvæmt athuga­semdum stofn­un­ar­inn­ar. Sam­kvæmt umfjöllun Frétta­blaðs­ins liggur fyrir sátt Sam­keppn­is­eft­ir­lits­ins og Íslands­pósts frá síð­asta ári um aðgerðir til að styrkja sam­keppn­is­að­stæður á póst­mark­aði. Í sátt­inni við­ur­kenndi Íslands­póst engin brot og var ekki gerð sekt af hálfu Sam­keppn­is­eft­ir­lits­ins en þurfti að breyta ýmsu í verk­lagi og nefnd var sett til að hafa eft­ir­lit með sátt­inni. Hana skipa þrír, einn til­nefndur af Íslands­póst og tveir óháð­ir. Annar þeirra óháðu sat á árunum 2014-2017 með Ingi­mundi Sig­ur­páls­syni, for­stjóra Íslands­póst, í stjórn Isa­via og er nú vara­maður í stjórn. Sam­kvæmt Frétta­blað­inu.

„Það er mjög áleitin spurn­ing hvort eig­enda­stefnu rík­is­ins vegna opin­berra hluta­fé­laga sé ekki ábóta­vant. Þar segir að stjórnir slíkra félaga skuli leit­ast við að efla sam­keppni en stjórn Íslands­pósts virð­ist mis­skilja það sem svo að fyr­ir­tækið skuli fara í sam­keppni við allt sem hreyf­ist,“ segir Ólafur og bendir á að fyr­ir­tækið selji sæl­gæti, bækur og minja­vöru, dótt­ur­fyr­ir­tæki þess vinni að hug­bún­að­ar­gerð og annað sé í prent­þjón­ustu. Þá sé fyr­ir­tækið á fullu í frakt-, flutn­inga- og send­la­þjón­ustu.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Fasteignamarkaðurinn að taka aftur við sér
Fasteignaverð tók kipp í októbermánuði og hækkaði vísitala markaðarins um 0,5 prósent frá því mánuðinn á undan.
Kjarninn 19. nóvember 2019
Þjóðskrá afhendir upplýsingar um meðlimi í trú- og lífsskoðunarfélögum
Úrskurðarnefnd um upplýsingamál mat það svo að netföng væru ekki viðkæmar persónuupplýsingar.
Kjarninn 19. nóvember 2019
Heiðrún Lind Marteinsdóttir, framkvæmdastjóri SFS.
SFS segjast gera kröfu til sjávarútvegsins um að starfa heiðarlega og löglega
Samtök fyrirtækja í sjávarútvegi segjast vilja vera fyrirmynd og í fremstu röð í heiminum þegar kemur að sjávarútvegi. Þau ætla að styðja stjórnvöld í aðgerðum sínum sem eru tilkomnar vegna Samherjamálsins.
Kjarninn 19. nóvember 2019
Kristbjörn Árnason
Enn einu sinni springur kapítalisminn í loft upp á græðginni og siðleysinu
Leslistinn 19. nóvember 2019
Árni M. Mathiesen, fyrrverandi sjávarútvegsráðherra.
Fyrrverandi ráðherra á meðal stjórnenda stofnunar sem gerir úttekt á útgerðum
Árni Mathiesen, fyrrverandi sjávarútvegsráðherra, er aðstoðarframkvæmdastjóri fiskveiðisviðs stofnunarinnar sem Kristján Þór Júlíusson, sjávarútvegsráðherra, hefur falið að gera úttekt á viðskiptaháttum útgerða í þróunarlöndum.
Kjarninn 19. nóvember 2019
Kristján Þór Júlíusson, sjávarútvegsráðherra.
FAO vinni úttekt á viðskiptaháttum útgerða í þróunarlöndum
Kristján Þór Júlíusson, sjávarútvegsráðherra mun hafa frumkvæði að því Alþjóðamatvælastofnunin vinni úttekt á viðskiptaháttum útgerða sem stunda veiðar og eiga í viðskiptum með aflaheimildir í þróunarlöndum.
Kjarninn 19. nóvember 2019
Björgólfur úr stjórn Sjóvá „vegna anna“
Björgólfur Jóhannsson hefur ákveðið að víkja tímabundið úr stjórn Sjóvá. Hann var stjórnarformaður félagsins. Björgólfur tók nýverið við forstjórastöðunni hjá Samherja.
Kjarninn 19. nóvember 2019
Julian Assange
Rannsókn gegn Assange felld niður
Samkvæmt WikiLeaks hefur rannsókn á hendur Julian Assange verið felld niður. Ritstjóri miðilsins, Kristinn Hrafnsson, segir að um réttarfarsskandal sé að ræða.
Kjarninn 19. nóvember 2019
Meira úr sama flokkiInnlent