Hluta­bréf hrundu í verði í kaup­höll­inni í dag en fjár­festar tóku frétt­unum um að fallið hefði verið frá kaupum Icelandair á WOW air, illa. Vísi­talan lækk­aði um tæp­lega 3 pró­sent, en flest félög lækk­uðu veru­lega í verði, en mesta lækk­unin varð á bréfum Icelanda­ir, 12,66 pró­sent. 

Óvissa er nú uppi í íslensku efna­hags­lífi, og við­mæl­endur Kjarn­ans á mark­aði sögð­ust skynja það á öllum sem rætt væri við. 

Ljóst er að það gæti orðið mikið högg fyrir íslenskt efna­hags­líf ef WOW air fer í þrot, en Skúli Mog­en­sen, for­stjóri og eig­andi félags­ins, reynir nú að bjarga félag­inu með því að fá nýjan fjár­festi að því, en hann sagði starfs­fólki frá því í morgun að það myndi skýr­ast í næstu viku, hvort að því yrð­i. 

Starfs­fólki hefur verið lofað launum um þessi mán­að­ar­mót, en ljóst er að rekstur félags­ins stendur tæpt, svo ekki sé meira sag­t. 

Kjarn­inn hefur fjallað ítar­lega um þessa atburða­r­ás, und­an­farnar viku og mán­uði. 

Eitt félag hækk­aði í verði, Mar­el, um 0,4 pró­sent. 

Nýjar verð­bólgu­tölur komu síðan frá Hag­stofu Íslands í dag, og mælist verð­bólga nú 3,3 pró­sent og hefur farið stig­hækk­andi und­an­farin miss­eri. Verð­bólgu­mark­mið Seðla­banka Íslands er 2,5 pró­sent.