Bréf til bjargar baráttu tíu kvenna

Árleg herferð Amnesty International, lýstu upp myrkrið, er hafin en hún vekur athygli á undirskriftaherferðinni, Bréf til bjargar lífi, sem í ár er helguð tíu baráttukonum. Meðal þeirra er baráttukonan Nawal Benassi frá Marokkó.

Auglýsing
Ljósainnsetningin, Lýstu upp myrkrið, var vígð í gær Mynd: Íslandsdeild Amnesty International

Árleg her­ferð Am­nesty International, lýstu upp myrkrið, byrj­aði í gær en til­gangur her­ferð­ar­innar er að vekja athygli á und­ir­skrifta­her­ferð Am­nesty International Bréf til bjargar lífi sem í ár er helguð tíu bar­áttu­konum sem sæta grófum mann­rétt­inda­brot­um.

Lýstu upp myrkrið er stærsta gagn­virka ljósainn­setn­ing á Íslandi. Hún fer fram fyrir framan Hall­gríms­kirkju frá 30. nóv­em­ber til 2. des­em­ber. Hug­myndin er sú að gestir geti lýst upp myrkrið sem mann­rétt­inda­brotin eru og tekið þátt í ljósainn­set­ing­unni með því að skrifa undir málin á spjald­tölvu fyrir framan kirkj­una.

Í ár er her­ferðin til­einkuð bar­áttu tíu hug­rakkra kvenna, all­staðar að úr heim­in­um,  sem hætta lífi sínu í þágu betra heims. Kon­urnar tíu eru frá­ Bras­il­íu, Egypta­landi, Ind­land­i, Marokkó, Ken­íu, Suð­ur­-Afr­íku, Íran, Kirgistan, Venes­ú­ela og Úkra­ínu. Þær berj­ast allar fyrir betra sam­fé­lagi á mis­mun­andi hátt í sínu heima­landi, meðal þeirra bar­áttu­mála sem þær berj­ast fyrir eru rétt­indi hinsegin fólks, jafn­rétti kynj­anna, gegn dauða­refs­ingum ásamt fleiru.

Auglýsing

Hund­ruðir dæmd í fang­elsi fyrir frið­sæl mót­mæli 

Á meðal þess­ara kvenna bar­áttu­kon­an Nawal Bena­issa en hún­ er 36 ára, fjög­urra barna móðir frá Marokkó. Í heima­landi sínu berst hún fyrir bættum mann­rétt­indum en í hér­að­inu hennar í Marokkó, búa í­bú­ar við mis­rétti, spill­ingu og van­rækslu af hendi marokkóskra stjórn­valda. Nawal hefur verið ein þeirra sem leitt hefur mót­mælin þar í landi en í byrjun árs hlaut hún tíu mán­aða skil­orðs­bundin dóm fyrir að hvetja til lög­brota á sam­fé­lags­miðl­um.

Mótmæli í Rif Mynd:EPASíð­ustu ár hefur verið róstu­samt í Rif hér­aði, hér­að­inu hennar Nawal. Ber­bar eru þar í miklum meiri­hluta en þeir telja ­sig ekki sitja við sama borð og aðra lands­menn. Mót­mælin hófust í októ­ber 2016, í hafn­ar­borg­inni al-Hoceima eftir að íbúi var drep­inn af rusla­bíl stjórn­valda. Mót­mælin brut­ust hratt út um hér­aðið og síðan landið allt en upp úr þessum jarð­vegi spratt ný, póli­tísk hreyf­ing sem kall­ast Al-Hirak al-s­haabi. 

Hirak hreyf­ingin hefur náð miklum vin­sældum und­an­farin tvö ár í Marokkó en hreyf­ingin berst fyrir upp­bygg­ingu atvinnu­lífs, þróun inn­viða og upp­ræt­ingu spill­ingar í Rif hér­að­inu og mót­mælir spill­ingu stjórn­valda. Í Rif hér­að­inu er atvinnu­leysi yfir 65 pró­sent og mikil þörf á upp­bygg­ingu í heil­brigð­is- og mennta­mál­u­m.­Yfir sum­arið 2017 brut­ust út fjöldi mót­mæla sem stjórn­völd reyndu að banna trekk í trekk. Í yfir­lýs­ingu Am­nesty um málið segir að lög­reglan hafi beitt mót­mæl­endum ofbeldi og að yfir sum­arið hafi stjórn­völd hand­tekið yfir 400 mót­mæl­end­ur, þar á meðal börn. Fjöl­miðla­mað­ur, fyrrum leið­togi og fjöldi ann­arra mót­mæl­enda hafa verið dæmd án rétt­látr­ar­ ­máls­með­ferð­ar. Mann­rétt­inda­sam­tök um allan heim hafa gagn­rýnt stjórn­völd í Marokk­ó ­fyrir að leyfa ekki frið­sæl mót­mæli.

Bar­átta fyrir betra fram­tíð

Nawal er ein þeirra sem gegn­ir ­for­ystu innan Hirak hreyf­ing­ar­innar og sem leið­togi hennar hefur hún staðið fyrir frið­sam­legum mót­mælum og gagn­rýnt stjórn­völd á sam­fé­lags­miðl­u­m. Nawal hefur vakið mikil athygli fyrir bar­áttu sína innan hreyf­ing­ar­innar og Face­book-­síðan hennar er með yfir 80.000 fylgj­end­ur.

„Ég fædd­ist og var alin upp í Rif, svæði þar sem van­ræksla af hálfu stjórn­valda, mis­rétti og spill­ing ræður ríkj­um. Ég tek þátt í frið­sælum mót­mælum af því ég krefst að rétt­inda mín séu virt og stjórn­völd virði rétt­indi íbúa Rifs hér­aðs­ins til heil­brigð­is­þjón­ustu, menntun og vinn­u.“ seg­ir Nawal á Face­book-­síðu sinn­i. 

Nawal Benaissa Mynd: Amnesty International

Sam­kvæmt yfir­lýs­ingu Am­nesty hafa stjórn­völd þar í landi reynt að þagga ­niður í Nawal en hún hefur verið hand­tekin fjórum sinnum á fjög­urra mán­aða tíma­bili. Þar sem hún var meðal ann­ars haldin í varð­haldi og krafin um að loka Face­book- síðu sinni. Á sama tíma hafa örygg­is­sveitir í Marokkó hand­­tekið hund­ruð  mót­mæl­enda fyrir það eitt að tjá stuðn­ing sinn við hreyf­­ing­una á Face­book.

Í febr­úar 2018 hlaut Nawal ­tíu mán­aða skil­orðs­bund­inn dóm og sekt fyrir að „hvetja til lög­brota“ á sam­fé­lags­miðl­um. Yfir sum­arið 2017 hafði hún hvatt íbúa hér­aðs­ins til að mæta á mót­mælin og gagrýnt stjórn­völd fyrir ósann­gjarna með­ferð þeirra á mót­mæl­end­um. Nawal hefur áfrýjað dómnum og flúið til ann­arrar borgar í Marokko til kom­ast hjá stöð­ugu eft­ir­liti en sam­kvæmt Am­nesty halda árásar á hendur henni af hálfu stjórn­valda áfram.

„Að taka þátt í frið­sælum mót­mælum og krefj­ast grunn­mann­rétt­inda er ekki glæp­ur“ segir í yfir­lýs­ingu Amnesty um mál Nawalu. Í yfir­lýs­ing­unni segir einnig að dóm­ur Nawal Bena­issa sé hluti af stór­felldri her­ferð ­stjórn­valda gegn Hirak hreyf­ing­unni og leið­togum henn­ar. Nawal óskar þess að vera frjáls til að heyja bar­áttu sína fyrir betri fram­tíð fyrir sig og börnin sín en með bréfi til bjarg­ar Nawal ­getur þú krafið for­sæt­is­ráð­herra Marokk­ó um að koma í veg fyr­ir­ frekari árásir af hálfu stjórn­valda á Nawal.

Á heima­síðu Ís­lands­deild­ar­ Am­nesty er hægt að lesa um öll tíu mis­mun­andi bar­áttu­mál kvenn­anna og hægt er skrifa undir bréf.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Tara Margrét Vilhjálmsdóttir
Pólitíkin og eiginhagsmunirnir á bak við stríðið gegn offitu – I. hluti
Kjarninn 7. júlí 2020
Kristbjörn Árnason
80 milljarða skattsvik á ári
Leslistinn 6. júlí 2020
Huawei á undir högg að sækja beggja vegna Ermasunds
Kínverski fjarskiptarisinn Huawei hefur mætt andstöðu franskra og breskra yfirvalda í kjölfar viðskiptaþvingana Bandaríkjanna gegn fyrirtækinu.
Kjarninn 6. júlí 2020
Lilja D. Alfreðsdóttir, mennta- og menningarmálaráðherra.
Úthlutar 400 milljónum til einkarekinna fjölmiðla
Mennta- og menningarmálaráðherra hefur undirritað reglugerð um stuðning við einkarekna fjölmiðla.
Kjarninn 6. júlí 2020
Icelandair flutti rúmlega 18 þúsund farþega í júní
Icelandair flutti rúmlega 18 þúsund farþega í júnímánuði, en flutti 553 þúsund farþega í sama mánuði í fyrra. Mun minni samdráttur hefur orðið í fraktflutningum hjá félaginu.
Kjarninn 6. júlí 2020
Katrín Jakobsdóttir, forsætisráðherra.
Katrín: Ég vonast til þess að við finnum lausn á þessu máli
Forsætisráðherrann hefur tjáð sig um þá ákvörðun Íslenskrar erfðagreiningar að hætta að skima fyrir COVID-19 sjúkdómnum.
Kjarninn 6. júlí 2020
Veirufræðideildin ekki í stakk búin til að taka við fyrr en í lok ágúst
Karl G. Kristinsson, yfirlæknir á sýkla- og veirufræðideild Landspítala, segist vonast til þess að Kára Stefánssyni snúist hugur varðandi aðkomu Íslenskrar erfðagreinar að landamæraskimunum. Deildin sé ekki tilbúin til að taka verkefnið að sér strax.
Kjarninn 6. júlí 2020
Kári Stefánsson
Íslensk erfðagreining mun hætta öllum samskiptum við sóttvarnalækni og landlækni
„Okkar skoðun er sú að öll framkoma þín og heilbrigðismálaráðherra gagnvart ÍE í þessu máli hafi markast af virðingarleysi fyrir okkur,“ segir í opnu bréfi Kára Stefánssonar til Katrínar Jakobsdóttur.
Kjarninn 6. júlí 2020
Meira úr sama flokkiInnlent