Guð­mundur Ingi Krist­ins­son, nýr þing­flokks­for­maður Flokks fólks­ins, segir að allir sex þing­menn­irnir sem sátu að drykkju á Klaustri Bar eigi að segja af sér. Þetta kemur fram í frétt RÚV í dag.

Hann segir fram­komu þeirra og orða­val óásætt­an­lega og að hún verði ekki lið­in. Guð­mundur Ingi segir að sér blöskri það hvernig Sig­mundur Davíð Gunn­laugs­son, for­maður Mið­flokks­ins, hafi komið fram við Freyju Har­alds­dótt­ur, fyrr­ver­andi vara­þing­mann Bjartrar fram­tíð­ar. Freyja skrif­ari pistil sem birt­ist á Kjarn­anum í gær­kvöldi þar sem hún lýsir sam­tali hennar og Sig­mund­ar.

Guð­mundur Ingi yfir­gaf fund vel­ferð­ar­nefndar Alþingis í morg­un, sam­kvæmt frétt RÚV. Hann sagði að þar hefði mál­efni Mið­flokks­ins verið til umræðu og því hefði hann ekki talið sér stætt að taka þátt í þeim fundi.

Óásætt­an­leg fram­koma

„Það eru mikil verk­efni framundan og það verður úr mörgu að spila til að koma hlut­unum í lag aft­ur. Við verðum að fara öll að horfa í eigin barm, sér­stak­lega þeir menn sem hafa hagað sér svona, þeir varða að fara að taka sig til og segja af sér,“ segir Guð­mundur Ingi í sam­tali við RÚV.

„Það er held ég eina lend­ing­in. Þetta er alveg ótrú­legt sem er að koma þarna fram, og alltaf að koma meira og meira. Það sem mér blöskrar lang­mest er hvernig þeir koma fram við fatl­aða ein­stak­linga, og þetta nýjasta dæmi með Sig­mund Davíð og hvernig hann kemur fram við Freyju. Þetta er óásætt­an­legt. Við getum ekki liðið þetta,“ segir hann.