Karlar sem hringja í konur

Freyja Haraldsdóttir frábiður sér frekari símtöl þar sem ófatlaður karlmaður í valdastöðu talar niður til hennar og reynir að útskýra fyrir henni hvað fötlunarfordómar séu og hvað ekki.

Auglýsing

Und­an­farnir dagar hafa verið mér erf­ið­ir. Nógu erf­iðir til­ þess að ég treysti mér ekki á Aust­ur­völl í gær en þar kom fram í ræð­u(m) að eng­inn þing­maður sem var gómaður á Klaustri við að líkja mér við sel og upp­nefna mig Freyju Eyju hefði beðið mig afsök­un­ar. Eina leiðin til þess að biðj­ast afsök­unar á þessu ofbeldi af trú­verð­ug­leika og auð­mýkt er, eins og ég hef þegar sagt, að gang­ast við gjörðum sínum og taka ábyrgð á þeim með því að ­segja af sér.

Seinni part­inn í dag hringdi í mig Sig­mundur Davíð Gunn­laugs­son, for­maður Mið­flokks­ins, þing­mað­ur, fyrr­ver­andi for­sæt­is­ráð­herra og sið­ast en ekki síst virkur þátt­tak­andi í ofbeld­is­spjall­inu á Klaustri. Hann hringdi til að biðj­ast afsök­unar og jafn­framt útskýra fyrir mér hvernig ég virt­ist hafa mis­skilið þetta allt. Í stuttu máli útskýrði hann fyrir mér að þau orð sem hefðu verið látin falla væru ekki fötl­un­ar­tengd, eða til þess ætluð að gera grín að fötlun minni, heldur hefðu þau fallið vegna þess að póli­tískar skoð­anir mínar færu mjög í taug­arnar á Gunn­ari Braga Sveins­syni, fyrrum utan­rík­is­ráð­herra, „og fleirum“. En ekki svo mikið í taug­arnar á Sig­mundi sjálfum þó hann væri alls ekki sam­mála þeim. Hann útskýrði að sela­hljóðin hefðu lík­lega verið stóll að hreyfast og að upp­nefnið Freyja Eyja hefði orðið til­ þegar fjar­lægja þurfti vegg (sem hann kall­aði eyju) af skrif­stofu Mið­flokks­ins vegna aðgeng­is. Vegg­ur­inn hefði þá fengið þetta við­ur­nefni. Þetta sagð­ist hann ætla að útskýra fyrir okkur öllum í grein sem hann hefur vænt­an­lega í smíðum í þessum töl­uðu orð­um. Við bíðum öll spennt eftir þeim (hr)út­skýr­ing­um.

Ég benti honum á að þetta upp­nefni á vegg væri mjög ­fötl­un­ar­tengt en þá mald­aði okkar maður í móinn um að það væri nú lík­lega rétt en það hefði verið af góðum hug því um var að ræða aðgeng­isum­bæt­ur. Sam­talið end­aði á þann veg að hann baðst afsök­unar fyrir hönd hóps­ins. Þing­mað­ur­inn sá í lok­in á­stæðu til að nefna við mig að hann bæri virð­ingu fyrir mér og „dugn­aði“ mín­um. Ég er ekki sér­lega mót­tæki­leg fyrir slíku hrósi frá manni sem sat ýmist þegj­andi eða flissandi undir þeim sam­ræðum sem hér um ræð­ir. Ég þakk­aði fyrir sím­talið og sagð­ist þurfa að melta það.

Auglýsing

Eftir meltun vil ég segja eft­ir­far­andi: Að biðj­ast afsök­un­ar en reyna sam­tímis að hrút­skýra, eft­irá­skýra og hrein­lega ljúga til um það sem átti sér stað er ekki afsök­un­ar­beiðni. Að líkja mér við dýr og upp­nefna mig (og vegg) Freyju Eyju í kjöl­far aðgeng­is­breyt­inga er aug­ljós­lega eins fötl­un­ar­tengt og það getur orð­ið. Að taka mig fyrir með þessum hætti vegna þess að póli­tískar skoð­anir mín­ar, sem byggja á fem­inískum gild­um, hug­mynda­fræði mann­rétt­inda og upp­ræt­ingu ableis­ma, fara í taug­arnar á sumum körlum, ER fötl­un­ar­fyr­ir­litn­ing og kven­fyr­ir­litn­ing. Það er líka hlut­gerv­ing. Ég er ekki bara eins og dýr heldur líka dauður vegg­ur. Það er til þús­und og ein leið til þess að tjá skoð­ana­á­grein­ing önnur en að hæð­ast að lík­ama og útliti kvenna. Ég vildi óska þess að ég hefði getað sagt allt ofan­greint við umræddan mann en ég get varla lýst van­mætti mínum og van­líðan meðan á sím­tal­inu stóð.

Ég frá­bið mér frek­ari sím­töl þar sem ófatl­aður karl­maður í valda­stöðu talar niður til mín og reynir að útskýra fyrir mér hvað eru fötl­un­ar­for­dómar og hvað ekki. Eina eðli­lega sím­talið í stöð­unni væri að biðj­ast ein­læg­lega afsök­un­ar, án nokk­urra útskýr­inga eða mála­leng­inga, og segj­ast í ljósi gjörða sinna ætla að axla ábyrgð á ofbeld­inu sem við vorum beittar og segja af sér.

630 milljónum úthlutað í geðheilbrigðisþjónustu
Svandís Svavarsdóttir heilbrigðisráðherra tilkynnti í gær hvernig 630 milljónum króna af fjárlögum ársins verður ráðstafað til að efla geðheilbrigðisþjónustu á landsvísu. Fyrsta stigs þjónusta heilsugæslunnar verður efld með aukinni aðkomu sálfræðinga.
Kjarninn 22. febrúar 2019
Öryggisventillinn
Frumvarp um þjóðarsjóð, sem ávaxtar ávinning íslenska ríkisins af orkuauðlindum, er komið fram og í meðferð á þingi. Málið er umdeilt, og ekki einhugur um það hjá stjórnarflokkunum.
Kjarninn 22. febrúar 2019
Teatime búið að setja Hyperspeed í loftið
Íslenska leikjafyrirtækið Teatime, sem stofnað var af frumkvöðlinum Þorsteini Friðrikssyni, hefur sett nýjan leik í loftið hefur vakið mikla athygli í fjölmiðlum í Bandaríkjunum.
Kjarninn 22. febrúar 2019
Samningnefnd Eflingar samþykkir að kjósa um vinnustöðvun
Atkvæðagreiðslunni skal lokið eigi síðar en kl.22:00, fimmtudaginn 28. febrúar næstkomandi.
Kjarninn 21. febrúar 2019
Segir tal um blaðamenn sem „óvini fólksins“ hættulegt
Útgefandi New York Times segir í bréfi sem birt hefur verið á vef stórblaðsins að hann hafi ítrekað bent Bandaríkjaforseta á að hætta að tala niður frjálsa fjölmiðla og blaðamenn.
Kjarninn 21. febrúar 2019
Aðgerðaáætlun sögð miða að verkföllum í ferðaþjónustu
Í fréttum RÚV kom fram að verkalýðshreyfingin sé að búa sig undir verkföll.
Kjarninn 21. febrúar 2019
Þröstur Ólafsson
Ég er einn af þeim
Kjarninn 21. febrúar 2019
Það verður nóg að gera á skrifstofu ríkissáttasemjara á næstunni.
Starfsgreinasambandið vísar kjaradeilu til ríkissáttasemjara
Ekki verður komist lengri að sinni í viðræðum Starfsgreinasambands Íslands við atvinnurekendur og því hefur kjaradeilu þeirra verið vísað til ríkissáttasemjara.
Kjarninn 21. febrúar 2019
Meira úr sama flokkiAðsendar greinar