Katrín: Rangt að ég hafi verið upplýst um skipan Geirs H. Haarde

Forsætisráðherra segir það rangt að hún hafi verið upplýst um skipan Geirs H. Haarde fyrirfram. Hún segir að Gunnar Bragi Sveinsson hafi hins vegar upplýst um skipan Árna Þórs Sigurðssonar sem sendiherra.

Katrín Jakobsdóttir, forsætisráðherra.
Katrín Jakobsdóttir, forsætisráðherra.
Auglýsing

Katrín Jak­obs­dóttir for­sæt­is­ráð­herra segir það rangt að hún hafi verið upp­lýst um skipan Geirs H. Haarde fyr­ir­fram. Hún segir að Gunnar Bragi Sveins­son hafi hins vegar upp­lýst um skipan Árna Þórs Sig­urðs­sonar sem sendi­herra en að hann hafi ekk­ert minnst á Geir í því sam­hengi. Þetta kemur fram á Face­book-­síðu hennar í dag. 

Vísar hún með þessum orðum í hljóð­upp­töku af drykkju­fundi sex þing­manna Flokks fólks­ins og Mið­flokks­ins þann 20. nóv­em­ber síð­ast­lið­inn.

„Gunnar Bragi hafði þá þegar tekið ákvörðun um skipan Árna Þórs en hann var þá þing­maður Vinstri-grænna. Ég kom ekki að þeirri ákvörðun og sótt­ist ekki eftir þessu starfi fyrir hönd Árna Þórs Sig­urðs­son­ar. Ég taldi að ákvörðun þáver­andi utan­rík­is­ráð­herra að upp­lýsa mig um ákvörðun sína hefði fyrst og fremst verið almenn kurt­eisi og mér til upp­lýs­ingar vegna stöðu Árna Þórs sem starf­andi þing­manns í þing­flokki Vinstri grænna. Skipan þess­ara sendi­herra var á ábyrgð utan­rík­is­ráð­herra eins og lög gera ráð fyr­ir,“ segir hún. 

Auglýsing

„Í þessum sam­ræðum sagð­ist Gunnar Bragi Sveins­son líka hafa átt við­skipti með sendi­herra­stöður í tengslum við sendi­herra­skipan Árna Þórs Sig­urðs­sonar og Geirs H. Haarde árið 2014 þegar hann gegndi emb­ætti utan­rík­is­ráð­herra. Þar dró hann mitt nafn inn í þá umfjöll­un. Rétt er að halda því til haga að Gunnar Bragi hefur lýst því yfir í kjöl­farið að þarna hafi ekki verið rétt greint frá máls­at­vikum en þeirri spurn­ingu hefur verið hreyft á opin­berum vett­vangi hver mín aðkoma og afstaða hafi verið til þessa máls.

Þó að eðli sam­tals­ins á Klaust­ur­barnum hafi verið þannig að ég bygg­ist ekki endi­lega við að þurfa að svara fyrir nokkuð af því sem þar kom fram er svarið ein­falt. Það var rangt með farið hjá Gunn­ari Braga Sveins­syni á Klaust­ur­barnum að ég hafi ekki gagn­rýnt skipan Geirs H. Haarde þar sem ég gerði það á sínum tíma opin­ber­lega eins og auð­velt er að finna með ein­faldri leit á net­inu. Ég taldi sér­stakt að hann hefði verið skip­aður sendi­herra á vegum íslenskra stjórn­valda sem hann átti þá í mála­ferlum við. Aðrir þing­menn og full­trúar Vinstri-grænna tjáðu sig reyndar líka um þessi mál,“ segir hún í færslu sinn­i. 

Um fátt hefur verið meira rætt að und­an­förnu en sam­tal nokk­urra þing­manna á Klaust­ur­barnum þann 20. nóv­em­ber...

Posted by Katrín Jak­obs­dóttir on Monday, Decem­ber 3, 2018


Greta Thunberg biðlar til þingmanna að vera í liði með vísindum
Greta Thunberg heimsótti franska þingið í morgun. Hún biðlaði til þingmanna að hlusta á vísindi og láta börn ekki ein bera ábyrgðina á því að breyta stefnum ríkja í loftslagsmálum.
Kjarninn 23. júlí 2019
Vinna að viðbragðsáætlun í kringum leikskóla á „gráum dögum“
Reykjavíkurborg vinnur nú að viðbragðsáætlun til að auka loftgæði í kringum leik- og grunnskóla í borginni. Áætlunin byggir á tillögu frá fjórum umhverfisverndarsamtökum sem leggja til að ökutæki verði ekki leyfð í kringum leikskóla á ákveðnum tímum.
Kjarninn 23. júlí 2019
Ró­bert Wessman
Ró­bert Wessman í stjórn jap­anska lyfja­fyr­ir­tæk­is­ins Fuji Pharma
For­stjóri Al­vo­gen og stjórn­ar­formaður Al­votech var í vik­unni kos­inn í stjórn jap­anska lyfja­fyr­ir­tæk­is­ins Fuji Pharma en fyrirtækið keypti 4,6 pró­sent eign­ar­hlut í Alvot­ech fyrir síðustu áramót.
Kjarninn 23. júlí 2019
Dagur Bollason
Útþenslu höfuðborgarsvæðisins er langt því frá lokið
Kjarninn 23. júlí 2019
Kristbjörn Árnason
Kemur engum á óvart
Leslistinn 23. júlí 2019
Hundruð þúsunda mótmæla í Púertó Ríkó
Mótmælin hafa staðið yfir í rúmlega viku og beindust í fyrstu að ríkisstjóra Púertó Ríkó í kjölfar uppljóstrunar afar ósmekklegra samskipta hans við vini og samstarfsmenn.
Kjarninn 23. júlí 2019
Trump segir Boris munu verða frábæran forsætisráðherra
Forseti Bandaríkjanna óskaði Boris Johnson til hamingju með kjörið sem næsti forsætisráðherra Bretlands. Trump og Johnson hafa lengi átt í vinalegum samskiptum.
Kjarninn 23. júlí 2019
Jeremy Corbyn
Corbyn telur að Bretar eigi að velja forsætisráðherrann
Formaður Verkamannaflokksins í Bretlandi segir að Boris Johnson hafi ekki unnið sér inn stuðning landa sinna og að Bretar eigi að kjósa um hver verði forsætisráðherra landsins.
Kjarninn 23. júlí 2019
Meira úr sama flokkiInnlent