WOW air og Indigo Partners hafa fundað síð­ustu daga um mögu­lega fjár­fest­ingu Indigo Partners í WOW air í kjöl­far þess að hafa und­ir­ritað vilja­yf­ir­lýs­ingu í síð­ustu viku. 

Bill Franke, stofn­andi félags­ins og helsti eig­andi, og fleiri frá Indigo Partners hafa varið tveimur dögum hér á landi til þess að „kynn­ast félag­inu og fara yfir fram­tíð­ar­tæki­færi þess“ segir í til­kynn­ing­u. 

„Þetta er liður í áfram­hald­andi áreið­an­leika­könnun sem mun liggja til grund­vallar fjár­fest­ing­unn­i.  Báðir aðilar vilja ljúka samn­ingum eins fljótt og auðið er. Áður en hægt er að ljúka samn­ingum þarf að liggja fyrir nið­ur­stöður varð­andi leið­ar­kerfi WOW air, flug­véla­leigu­samn­inga ásamt samn­ingum við skulda­bréfa­eig­endur félags­ins,“ segir í til­kynn­ing­unni.

Í yfir­lýs­ing­unni segir Bill Franke að þetta hafi verið afkasta­miklir dag­ar. „Þetta voru tveir afkasta­miklir dagar þar sem rætt var um fram­tíð­ar­rekstur flug­fé­lags­ins. Stjórn­enda­teymi WOW air er sterkt, vöru­merkið öfl­ugt og félagið hefur mikil tæki­færi,“ segir Bill Franke.

„Við erum mjög ánægð með heim­sókn Indigo Partners og ljóst er að mikið má læra af Bill Franke og hans öfl­uga teymi um hvernig má byggja upp far­sælt lággjalda­flug­fé­lag. Það er leitun að betri og reynd­ari sam­starfs­að­ila til þess að efla rekstur og tryggja fram­tíð félags­ins,“ segir Skúli Mog­en­sen stofn­andi og for­stjóri WOW air í til­kynn­ing­unni.

Það er Plane View Partners LLC sem veitir WOW air ráð­gjöf í samn­ings­ferl­inu.