Sigmundur Davíð segist tilbúinn að mæta fyrir siðanefnd og segja frá einkasamtölum þingmanna

Sigmundur Davíð fór yfir Klaustursmálið í Bítinu á Bylgjunni í morgun. Hann segist tilbúinn að lýsa einkasamtölum fyrir siðanefnd Alþingis en hann segist vanur því að vinna með fólki sem kalli hann öllum illum nöfnum.

Sigmundur
Auglýsing

Sig­mundur Davíð Gunn­laugs­son for­maður Mið­flokks­ins segir að ef siða­nefnd vilji kalla eftir upp­tökum af sam­ræðum þing­manna til að rann­saka, þá seg­ist hann skilja það sem svo að nefndin vilji fá allar upp­tökur af sam­tölum þing­manna sem til eru. Þetta kom fram í Bít­inu á Bylgj­unni á morgun þar sem rætt var við Sig­mund Davíð og Önnu Kol­brúnu Árna­dótt­ur. 

„Ég skal segja þér bara fyrir mitt leyti að ef það er vilji nefnd­ar­innar að allt sem menn hafa sagt í einka­sam­tölum um félag­ann, sem eru hlutir sem eru fyrir neðan allar hell­ur, komi fram þá skal ég mæta  fyrir nefnd­ina og lýsa því nákvæm­lega.“

Sig­mundur segir að ef siða­nefnd ætlar að kalla eftir upp­tök­um, þá hljóti upp­tökur af sam­töl­u­m ann­ara að skila sér til hennar líka. Hann seg­ist ekki eiga slíkar upp­tökur sjálfur enda segir hann það óheim­ilt að taka menn upp í leyf­is­leysi án þeirra vit­undar en svarar því ekki hvort hann viti af til­vist slíkra upp­taka hjá öðr­um. „Ég skal bara svara þess­ari spurn­ingu almennt. Ef þessi siða­nefnd núna vill kalla eftir upp­tökum þá vænt­an­lega er hún að biðja um allar þær upp­tökur sem menn eiga af slíku og ég hugsa að þær muni þá ein­hverjar skila sér“ segir Sig­mund­ur.

Þessi orð áttu ekki hafa neinar afleið­ingar

Sig­mundur var einnig spurður um hvað hann teldi að íslenskir stjórn­mála­menn þurfi að gera af sér til að segja af sér. Hann svar­aði því að hlut­irnir þyrftu að vera settir í sam­hengi, það sé munur á aðgerðum og orðum og munur á orðum sem sögð eru opin­ber­lega og í einka­sam­töl­u­m. „Þarna var um að ræða orð, ekki aðgerð­ir. Það var um að ræða orð sem þeir sem þau sögðu, sögðu í hugs­ana­leys­ingi eða æsing­i“ 

Sig­mundur seg­ist vera sam­mála því að þau ummæli sem látin voru falla á Klaustur bar séu ófyr­ir­gef­an­leg en bendir þó á að þessi orð áttu ekki hafa neinar afleið­ing­ar. „Já algjör­lega en orð sem áttu ekki að hafa neinar afleið­ing­ar. Svo getum við skoðað gjörðir manna og orð sem þeir hafa opin­ber­lega með það að mark­miðið að þau hafi afleið­ing­ar. Hvernig þing­menn og reyndar miklu fleiri leyfa sér sumir að tala opin­ber­lega. Hvað þeir leyfa sér að segja á Face­book og hvað þeir gera því margir hafa auð­vitað gert ýmis­legt sem, af því þú nefnir útlönd, erlendis myndi leiða til afsagnar.“

Auglýsing

Nota mis­tök til að bæta sig

Aðspurður sagð­ist Sig­mundur Davíð ekki ætla að segja af sér vegna Klaust­ur­máls­ins, heldur trúi hann því að menn geti notað mis­tök til þess að bæta sig.

„Ef við tökum fót­bolta­sam­lík­ingu; sá sem er búinn að skora sjálfs­mark hefur mestan hvata af öllum leik­mönn­unum að bæta sig og gera bet­ur. Og þetta er gríð­ar­lega sterkur hvati sem við höfum til þess að bæta okkur og fara yfir lið­inn veg. Við þing­menn­irnir höfum ein­sett okkur að þetta verði til þess að við verðum til fyr­ir­myndar í allri fram­komu, í því hvernig við tölum við fólk, hvernig við tölum um fólk, hvernig við högum okkur í tengslum við hluti eins og skemmt­an­ir. Og von­andi kemur út úr því eitt­hvað gott því mis­tök geta annað hvort brotið mann niður og orðið til þess að menn gef­ist upp, eða þá að það er hægt að snúa þeim upp í að verða eitt­hvað gott, grunnur að ein­hverju góð­u,“ segir hann. 

Varð­andi mál Gunn­ars Braga og Berg­þórs Óla­sonar sem báðir hafa tekið sér leyfi frá þing­störfum segir Sig­mundur þetta sam­tal ekki spegla þeirra innra mann og hann treysti þeim til að vinna úr sínum mál­u­m. „Öl er annar maður er stundum sagt og það á sann­ar­lega við í þessu sam­heng­i.“ 

Fólk kallað hann ein­ræð­is­herra og líkt honum við fjöldamorð­ingja

Sig­mundur tók undir það að klaust­urs­at­vikið væri ekki til þess fallið að bæta ímynd Alþingis en sagð­ist sjálfur allt of oft hafa setið við svip­aðar aðstæður og fylgst með umræð­um. „Jafn­vel bara haldið þeim gang­andi og fylgst með því hvernig hlut­irnir þró­uð­ust til að fylgj­ast sem mest með því hvað menn eru að segja um náung­ann.“ 

Aðspurður hvernig þetta hafi áhrif á störf þings­ins og sam­starf hans við aðra þing­menn seg­ist Sig­mundur hafa verið kall­aður öllum illum nöfnum á sínum póli­tíska ferli. Hann seg­ist hafa langa reynslu af að vinna með fólki sem hafi meðal ann­ars kallað hann ljót­an, feitan og geð­veik­an. Hann segir að þetta hafi líka átt sér stað í sumum til­vikum opin­ber­lega. „Kallað mig ein­ræð­is­herra, líkt mér við fjöldamorð­ingja. Sagt ótrú­lega rætna hluti í einka­sam­tölum í aðdrag­anda flokks­þing, hringt í kjör­dæmið mitt og bert út sögur um mið. Heyrt brand­ara sem eru sagðir um mig í öðrum flokkum sem margir hverjir eru neð­an­beltis og mjög svart­ir,“ segir Sig­mund­ur.

Hefð að fara á bar­inn þegar fjár­lög eru rædd

Gagn­rýnt hefur verið að þegar sex­menn­ing­arnir á Klaustri ræddu málin sín á milli voru þá stóð þing­fundur enn yfir. Sig­mundur segir eðli­legt að fólki þyki það ein­kenni­legt en þetta sé ein af venjum alþing­is. „Það hefur verið síðan ég byrj­aði á þing­inu og eflaust mikið lengur í tengslum við fjár­laga umræðu það er tími sem menn skipta sér á vakt­ir. Ein­hverjir rölta út á þing­flokks­skrif­stofur eða stað eins og þennan og ræða málin á mjög öðrum nótum svo ekki sé meira sagt. Ég held ég hafi set­ið, því ég nefndi það áðan að ég hafi oft setið undir svona tali áður að ég hafi oft setið með þing­mönnum úr öðrum flokk­um.“ Hann segir þetta þó einn af þeim hlutum þurfi að breyt­ast og segir að hann muni ekki klikka á ein­hverju svona aft­ur. 

Þurfi hug­rekki til að segj­ast kjósa Mið­flokk­inn

­Spurður um kann­anir sem birst hafa síð­ustu daga þar sem Mið­flokk­ur­inn mælist ekki með mann inn á þingi og mik­ill meiri­hluti vill að sex­menn­ing­arnir segi af sér gefur Sig­mundur lítið fyrir það.

„Án þess að ég geri lítið úr þessu en ef maður hefði alltaf átt að fylgja könn­unum hvern dag fyrir sig þá hefði orðið lítil þróun hjá mér í póli­tík­inni. Það þarf gríð­ar­legan kjark, gríð­ar­legt hug­rekki til að líta út frá sím­anum eða Face­book eða sýn­ingu í Borg­ar­leik­hús­inu í fyrra­dag til að svara í sím­ann og segj­ast ætla kjósa Mið­flokk­inn,“ segir hann.

„Að sjálf­sögðu mun fólk sem kynni hugs­an­lega að vera til­búið til að kjósa okkar vilja sjá að okkur sé alvara og við séum ein­læg í því til að nota þessi mis­tök til að verða betur og læra af þeim. Ég er sann­færður um að við getum það því við höfum áður lent í erf­ið­leik­um.“

Kanntu vel við Kjarnann?

Við á Kjarnanum þökkum lesendum fyrir það traust sem þeir sýna með því að styrkja Kjarnann. 

Frjáls framlög frá lesendum hafa vaxið jafnt og þétt síðustu árin og eru mikilvæg tekjustoð undir reksturinn. Þau gera okkur kleift að halda áfram að taka þátt í umræðunni og greina kjarnann frá hisminu. 

Við tökum hlutverk okkar sem fjölmiðill í þjónustu almennings alvarlega. Kjarninn birti 409 fréttaskýringar og 2.367 fréttir á árinu 2019. Kjarninn er vettvangur umræðu og á nýliðnu ári voru 539 skoðanagreinar birtar, stærstur hluti þeirra aðsendar greinar. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari.

Já takk, ég vil styrkja Kjarnann!
Ísold Uggadóttir og Auður Jónsdóttir
Himinhrópandi mistök í máli Maní
Kjarninn 20. febrúar 2020
Haraldur Johanessen var enn ríkislögreglustjóri þegar samkomulagið var gert. Hann lét af störfum skömmu síðar
Samkomulag ríkislögreglustjóra hækkaði laun yfirmanna um 48 prósent
Þeir yfirmenn hjá ríkislögreglustjóra sem skrifuðu undir samkomulag við embættið í fyrra hækkuðu samtals grunnlaun sín um 314 þúsund krónur á mánuði og sameiginlegar lífeyrisgreiðslur um 309 milljónir.
Kjarninn 20. febrúar 2020
Samninganefnd starfsgreinasambandsins.
Starfsgreinasambandið nær samkomulagi við ríkið um nýjan kjarasamning
Starfsgreinasambandið og ríkið náðu í gær saman um útlínur á nýjum kjarasamningi á fundi hjá ríkissáttarsemjara.
Kjarninn 20. febrúar 2020
Sólveig Anna Jónsdóttir, formaður Eflingar.
Efling fordæmir Dag fyrir að vilja ekki eiga samtal við sig
Efling segir borgarstjórann í Reykjavík tala niður kjara- og réttlætisbaráttu félagsins. Framsetning hans á tilboðum Reykjavíkurborgar um launahækkanir til félagsmanna Eflingar sé í þeim „tilgangi að fegra mögur tilboð borgarinnar.“
Kjarninn 20. febrúar 2020
Sonja Ýr Þorbergsdóttir, formaður BSRB.
Verkföll hjá BSRB hefjast að óbreyttu í byrjun mars
Verkföllin munu hafa mikil áhrif á almannaþjónustuna enda munu þau ná til starfsfólks í heilbrigðisþjónustunni, þar með talið á Landspítalanum, og í skólum, leikskólum og á frístundaheimilum.
Kjarninn 20. febrúar 2020
Hillur verslana eru í dag fullar af fersku brauði.
Uppþot vegna brauðsins stormur í vatnsglasi
„Hvenær verður næst brauð viðvörun?“ „Brauð er búið í borginni, líka hvíta brauðið. Fólk ætlar greinilega að leyfa sér þessar síðustu klukkustundir á jörðu.“ Þeir voru margir brandararnir sem fuku í sprengilægðinni í síðustu viku.
Kjarninn 20. febrúar 2020
Traust almennings á dómstólum
Auður Jónsdóttir rithöfundur hitti gamalreyndan lögmann, Ragnar Aðalsteinsson, til að ræða hið svokallaða Landsréttarmál en það vekur upp áleitnar spurningar.
Kjarninn 20. febrúar 2020
Fríða Ísberg og Bergsveinn Birgisson.
Fríða Ísberg og Bergsveinn Birgisson tilnefnd til bókmenntaverðlauna Norðurlandaráðs
Þrettán norrænar skáldsögur, smásagnasöfn og ljóðabækur eru tilnefndar. Verðlaunin verða afhent í Reykjavík í haust.
Kjarninn 20. febrúar 2020
Meira úr sama flokkiInnlent