Hvorki Mið­flokk­ur­inn né Flokkur fólks­ins næði fram­bjóð­endum sínum inn á þing sam­kvæmt nýrri könnun Mask­ínu. Fylgi beggja flokk­anna mælist nú undir fimm pró­sent­um, fylgi Mið­flokks­ins mælist 4,6 pró­sentum og fylgi Flokks fólks­ins 4,4 pró­sent. Könnun fór fram dag­ana 30. nóv­em­ber til 3. des­em­ber 2018. 

Fjórir þing­menn Mið­flokks­ins og tveir þing­menn Flokks fólks­ins tóku þátt í sam­ræðum á Klaust­ur­bar þar sem þing­menn­irnir urðu upp­vísir að því að sví­virða aðra þing­menn, einkum kon­ur, og minni­hluta­hópa á barnum Klaust­ur, þann 20. nóv­em­ber síð­ast­lið­inn. Málið hefur verið áber­andi í fjöl­miðlum að und­an­förnu.

Sam­fylk­ingin stærst 

Sam­fylk­ingin mælist með mesta fylg­ið, eða 19,7 pró­sent. P­íratar mæl­ast með 15 pró­sent og Við­reisn með 13,4 pró­sent.

Af rík­is­stjórn­ar­flokk­unum mælist Fram­sókn­ar­flokk­ur­inn með minnst eða tæp 9 pró­sent, Vinstri græn með 15 pró­sent og Sjálf­stæð­is­flokk­ur­inn 19,3 prósent. 

Innan við helm­ingur þeirra sem kaus Mið­flokk­inn í síð­ustu kosn­ingum myndi kjósa hann aftur

Maskína spurði hvaða flokk fólk myndi kjósa í dag og hvaða flokk það kaus í síð­ustu kosn­ing­um. Innan við helm­ingur þeirra sem segj­ast hafa kosið Mið­flokk­inn í síð­ustu kosn­ingum ætlar að kjósa hann aftur nú, eða tæp­lega 49 pró­sent. Rúm­lega 59 pró­sent þeirra sem kusu Flokk fólks­ins í síð­ustu kosn­ing­um ­myndu kjósa hann aftur nú. 

Aðeins tæp­lega 61 pró­sent þeirra sem kusu Vinstri­hreyf­ing­una – grænt fram­boð síð­ast myndu kjósa flokk­inn aftur nú. 

Hæsta hlut­fall þeirra kjó­senda sem myndu kjósa sama flokk­inn aftur eru kjós­endur Við­reisnar eða rúm­lega 92 pró­sent. Hátt hlut­fall kjós­enda Framsókn­ar­flokks, Sam­fylk­ing­ar, Pírata og Sjálf­stæð­is­flokks­ins ­myndu kjósa þá aftur eða um 82 til 85 pró­sent kjó­senda.

Fyrr­ver­andi kjós­endur Flokks fólks­ins myndu helst kjósa Pírata

Sam­kvæmt könnun Mask­ínu eru þeir kjó­sendur sem ekki ætla kjósa sama flokk og síð­ast frekar ráð­villt­ir en 19 til 25 pró­sent þeirra segj­ast ekki vita hvaða flokk þeir myndu kjósa nú. En af þeim sem vita hvað þeir ætla kjósa í stað­inn þá ætla fyrr­ver­andi kjós­endur Flokks fólks­ins helst að kjósa Pírata, tæp 15 pró­sent, síðan Við­reisn, 11 pró­sent eða Fram­sókn­ar­flokk­inn 7,4 pró­sent. 

Fyrr­ver­andi kjós­endur Mið­flokks­ins myndu helst kjósa Flokk fólks­ins eða Fram­sókn­ar­flokk­inn, bæði 16, 3 pró­sent. Síðan myndu 11,6 pró­sent kjósa Sjálf­stæð­is­flokk­inn.

Fyrr­ver­andi kjó­sendur Vinstri grænna hyggjast, að langstærstum hluta, kjósa Sam­fylk­ing­una eða 21, 5 pró­sent en rúm­lega 10 pró­sent myndu kjósa Pírata.