Lög­maður fjög­urra ein­stak­linga, sem að öllum lík­indum eru fjórir þing­menn Mið­flokks­ins, hefur lagt fram beiðni um vitna­leiðslur og öflun sýni­legra sönn­un­ar­gagna fyrir dómi vegna upp­töku á sam­tölum sem áttu sér stað á Klaust­ur­bar 20. nóv­em­ber síð­ast­lið­inn. Beiðnin byggir á ákvæði laga um með­ferð einka­mála sem fjallar um öflun sönn­un­ar­gagna án þess að mál hafi verið höfð­að. Til­gangur þess er að koma í veg fyrir að mögu­leg sönn­un­ar­gögn spillist.

Þetta kemur fram í bréfi sem Báru Hall­dórs­dótt­ur, kon­unnar sem tók upp sam­ræður þing­mann­anna á Klaust­ur­barnum 20. nóv­em­ber, hefur borist frá hér­aðs­dóm­ara og Bára hefur birt á Face­book. Í stöðu­færslu með bréf­inu segir Bára: „Hefst þá dansinn“.

Í bréf­inu segir enn fremur að beiðnin verði „ekki skilin öðru­vísi en svo að dóms­mál kunni að verða höfðað á hendur þér í kjöl­far umbeð­innar gagna­öfl­un­ar.“

Fengu sér lög­mann og höfðu sam­band við Per­sónu­vernd

Greint var frá því á RÚV í gær að þeir fjórir þing­menn Mið­flokks­ins sem voru teknir upp við að láta niðr­andi og nið­ur­lægj­andi ummæli falla um fjölda fólks á Klaust­ur­bar 20. nóv­em­ber hefðu ráðið sér lög­mann. Sá hefði haft sam­band við Per­sónu­vernd og kraf­ist þess að stofnuni rann­sak­aði hver hefði staðið að því að taka upp sam­töl þing­mann­anna og komið upp­tök­unni til fjöl­miðla. 

Þing­menn­irnir fjórir eru Sig­mundur Davíð Gunn­laugs­son, for­maður Mið­flokks­ins, Gunnar Bragi Sveins­son, vara­for­maður hans, Anna Kol­brún Árna­dótt­ir, rit­ari flokks­ins, og Berg­þór Óla­son, þing­mað­ur.

Um sól­ar­hring eftir að beiðni lög­manns­ins barst Per­sónu­vernd gaf Bára Hall­dórs­dóttir sig fram í við­tali við Stund­ina og opin­ber­aði að hún væri sá ein­stak­lingur sem hefði tekið upp sam­töl­in.