Sanna Magda­lena Mörtu­dótt­ir, borg­ar­full­trúi sós­í­alista hefur ákveðið að styrkja Maí­stjörn­una um 100 þús­und krónur mán­að­ar­lega. Í til­kynn­ing­unni frá­ Sós­í­alista­fé­lag­i Ís­lands segir að með því lækki Sanna í raun laun sín sem borg­ar­full­trúi úr 908 þús­und krón­ur á mán­uði í um 750 þús­und krónur fyrir skatt. Það eru 2,5 föld lág­marks­laun.

„Mér finnst að við eigum að setja mörk á hæstu laun í sam­fé­lag­inu, hversu mikið hærri þau geti verið en lág­marks­laun,“ segir Sanna í til­kynn­ing­unni. „Mér finnst þre­föld lág­marks­laun algjört hámark, til dæmis fyrir borg­ar­stjóra, og setti launin mín því í þrep þar fyrir neð­an.“

Hópar hinna verr settu geta sótt um stuðn­ing 

Maí­stjarnan er sér­stakur sjóður til styrk­ingar hags­muna­bar­áttu verr settra hópa og mun fram­kvæmda­stjórn Sós­í­alista­flokks­ins fara með rekstur sjóðs­ins og úthlut­anir úr hon­um. Fram­kvæmda­stjórnin hefur ákveðið að setja fram­lag Reykja­vík­ur­borgar til flokks­ins, um 900 þús­und krónur í Maí­stjörn­una.  Sam­kvæmt til­kynn­ing­unni má reikna með að á næsta ári verði fram­lagið tvö­falt hærra og á kjör­tíma­bil­inu renni um sjö millj­ónir króna úr borg­ar­sjóði til Maí­stjörn­unn­ar, í gegnum Sós­í­alista­flokk­inn. Fram­lag Sönnu til Maí­stjörn­unnar á kjör­tíma­bil­inu er metið á yfir fjórum millj­ónum króna.

Laufey Ólafs­dóttir gjald­keri fram­kvæmda­stjórnar Sós­í­alista­flokks­ins segir að hug­myndin sé að fólk sem til­heyrir hópum hinna verr settu í sam­fé­lag­inu geti sótt stuðn­ing til að greiða kostnað við upp­bygg­ingu bar­áttu­hópa, félaga eða sam­taka. „Ma­í­stjarnan mun veita skil­yrta styrki til að greiða útlagðan kostnað slíkra félaga, en ekki laun eða þókn­anir til stjórnar eða félags­manna. Það er alla vega ramm­inn til að byrja með. Verk­lag mun þró­ast í sam­starfi við þá hópa sem við vinnum með.“ segir Lauf­ey.

Maí­stjarnan borg­aði fyrir fund­inn 1. des­em­ber

Fyrsta verk­efni Maí­stjörn­unnar var að gang­ast í ábyrgð fyrir allan kostn­aði vegna úti­fund­ar­ins á Aust­ur­velli 1. des­em­ber síð­ast­lið­inn. Heild­ar­kostn­aður var um 140 þús­und krón­ur, Skilta­karl­arnir söfn­uðu í fötur um 106 þús­und krónur upp í kostn­að­inn á fund­inum og Maí­stjarnan mun borga mis­mun­inn, en til fund­ar­ins var boðað af þremur kon­um, Arn­dísi Jón­as­dótt­ur, Júlíu Sveins­dóttur og Alexöndru Krist­jönu Ægis­dótt­ur, sem ofbauð fram­koma þing­manna á Klaust­ur­barn­um.

Maí­stjarnan er fjár­mögnuð með styrkt­ar­fram­lagi Reykja­vík­ur­borgar til Sós­í­alista­flokks Íslands og fram­lögum og gjöfum ein­stak­linga. Í til­kynn­ing­unni segir að reynslan eigi eftir að leiða í ljós hvers kyns hópa, félög og sam­tök Maí­stjarnan styrk­ir.

Sanna Magda­lena hvetur að lokum alla sós­í­alista ­sem geta að leggja fé til Maí­stjörn­unn­ar.  „Mik­il­væg­ustu skrefin í átt að rétt­látu sam­fé­lagi er að þau sem mest líða undan órétt­læti kap­ít­al­ism­ans geti skipu­lagt sig, myndað sam­stöðu sín á milli og nái að byggja upp bar­áttu­tæki til að berj­ast fyrir hags­munum sín­um. Það eru mik­il­væg­ustu stjórn­mál­in, lífs­bar­átta þeirra sem kap­ít­al­ism­inn er að drepa.“ segir í til­kynn­ing­unni að lok­um.