Bæta þarf við rannsóknir á heilsufarsáhrifum loftslagsbreytinga á Íslandi

Umfjöllun um möguleg áhrif loftslagsbreytinga á heilsufar hefur ekki haft mikið vægi í heilbrigðisrannsóknum á Íslandi og þarf verulega að bæta við rannsóknir um þetta efni á næstu árum, samkvæmt sérfræðingi.

co2 kolefni loftslagsmál gróðurhúsalofttegundir verksmiðja ský mengun h_52534332.jpg
Auglýsing

Ný skýrsla vís­inda­nefnd­ar um lofts­lags­breyt­ing­ar, sem kom út síð­ast­liðið vor, bætir ekki miklu við umfjöllun um mögu­leg áhrif lofts­lags­breyt­inga á heilsu­far á Ísland­i. Á­stæða þess er sú að þetta umfjöll­un­ar­efni hefur ekki haft mikið vægi í heil­brigð­is­rann­sóknum á Íslandi. Hlut­verk vís­inda­nefndar er að taka saman fyr­ir­liggj­andi upp­lýs­ingar og ástand þekk­ing­ar, nefndin stundar ekki sjálf­stæðar rann­sókn­ir. Veru­lega þarf að bæta við rann­sóknir um þetta efni á næstu árum svo betur megi tryggja að nauð­syn­leg þekk­ing verði til stað­ar.

Þetta segir Hall­dór Björns­son‚ veð­ur­fræð­ingur á Veð­ur­stofu Íslands, í grein um lofts­lags­breyt­ingar og heilsu­far sem birt­ist í Lækna­blað­inu og kom út í byrjun mán­að­ar­ins. 

Hann bendir á að í skýrls­unni sé þó rætt ítar­legar um hlýnun og frjó­korna­tíma­bil, og hugs­an­lega teng­ingu hlýn­unar og auk­innar tíðni myglu inn­an­dyra vegna meiri loft­raka, en sam­kvæmt erlendum rann­sóknum getur tíðni myglu inn­an­dyra á köldum svæðum auk­ist um 5 til 10 pró­sent við hlýn­un. „Í nið­ur­lagi umfjöll­unar um lofts­lags­breyt­ingar og heilsu­far á Íslandi er end­ur­tekin sam­an­tekt fyrri skýrslna um að miðað við þrótt heil­brigð­is­kerf­is­ins bendi ekk­ert til ann­ars en að það muni ráða við það álag sem breyt­ing­unum kann að fylgja,“ segir Hall­dór. 

Auglýsing

Hann byrjar grein­ina á því að útskýra að frá síð­asta fjórð­ungi lið­innar aldar hafi hlýnað við­stöðu­lítið víð­ast hvar á yfir­borði jarð­ar. Afleið­ingar hlýn­un­ar­innar séu þegar farnar að koma fram í bráðnun jökla, hækk­andi sjáv­ar­stöðu, auk­inni tíðni óveðra, bæði hita­bylgna og aftaka­úr­komu. Bein áhrif á líf­ríki séu nú þegar nokk­ur, og gæti breyt­inga á útbreiðslu dýra- og plöntu­teg­unda, tíma laufg­unar trjáa auk þess sem árs­tíða­bundin hegðan dýra­teg­unda (koma far­fugla, ganga fiski­stofna) hafi breyst með áhrifum á stofn­stærð og víxl­verkun við aðrar teg­und­ir.

Þjóð­fé­lög mis­mun­andi ber­skjölduð

Hall­dór bendir jafn­framt á að mis­mun­andi sé hversu ber­skjölduð þjóð­fé­lög eru fyrir áhrifum lofts­lags­breyt­inga og ráð­ist það af styrk inn­viða, atvinnu­hátt­um, stjórn­ar­háttum og öðrum þjóð­fé­lags­legum þátt­um, – en ekki bara af umfangi lofts­lags­breyt­inga.

Hann segir að ofan­greind upp­taln­ing ætti ekki að koma á óvart, því búið hafi verið að spá þess­ari þróun fyrir nokkru síð­an. Spár um hlýnun jarðar séu nokk­urra ára­tuga gaml­ar, og upp­taln­ing á lík­legum afleið­ingum fyrir vist­kerfi og félags­kerfi margar frá því fyrir síð­ustu alda­mót.

Í fyrr­nefndri skýrslu vís­inda­nefndar er farið yfir þekk­ingu vís­inda á lofts­lags­breyt­ingum og afleið­ingum þeirra á Íslandi. Hall­dór segir að meðal ann­ars komi fram að afleið­ingar hlýn­unar síð­ustu ára­tuga hér á landi séu auð­sæjar og víð­feðm­ar, birt­ist í þynn­ingu jökla, grænkun lands og breyt­ingum á komu­tíma far­fugla og teg­unda­sam­setn­ingu. Skýrslan ræði einnig vænt­an­legar lofts­lags­breyt­ingar á kom­andi öld, en á Íslandi verði hlýnun að jafn­aði nærri hnatt­rænni hlýn­un, þó óvissa um þróun á haf­svæð­unum umhverfis landið sé veru­leg.

„Hversu mikið hlýnar hnatt­rænt fer eftir losun gróð­ur­húsa­loft­teg­unda, verði hún í takt við ákvæði sam­komu­lags­ins sem náð­ist í París 2015 verður hnatt­ræn hlýnun innan við 2°C,“ segir hann. 

Lofts­lags­breyt­ingar hafa lík­lega áhrif á heilsu millj­óna manna

Hall­dor bendir enn fremur á að í skýrslu vís­inda­nefndar frá árinu 2008 sé stutt­lega fjallað um hvaða áhrif lík­legt sé að lofts­lags­breyt­ingar hafi á heilsu­far á hnatt­ræna vísu og sé þar byggt á úttekt milli­ríkja­nefndar Sam­ein­uðu þjóð­anna (IPCC) frá 2007. Þar komi fram að lík­lega muni lofts­lags­breyt­ingar hafa áhrif á heilsu millj­óna manna, einkum hópa sem hafa litla getu til aðlög­un­ar. Meðal helstu áhyggju­efna hafi verið vannær­ing og sjúk­dómar henni tengd­ir, nið­ur­gangs­sóttir og önd­un­ar­færa­sjúk­dóm­ar, slys og sjúk­dómar tengdir nátt­úru­ham­förum, hita­bylgj­um, fár­viðri og flóðum og að lokum hafi verið bent á að smit­leiðir kynnu að breyt­ast og smit­berar að nema ný lönd.

„Skýrslan ræddi einnig stöðu þekk­ingar á heilsu­fars­á­hrifum lofts­lags­breyt­inga á Íslandi, og bent á að helstu áhættu­þættir væru taldir smit­sjúk­dómar og aukin tíðni ofnæm­is­sjúk­dóma, en síð­ari þátt­ur­inn tengd­ist breyt­ingum á gróð­ur­fari. Sjúk­dómar á borð við veiru­heila­himnu­bólgu og Borreli­osis sem tengj­ast smá­maurnum Ixodes ricinus hafa breiðst út í Norður Evr­ópu, og nái maur­inn land­festu kynni slíkt að ger­ast hér. Hlýnun ein og sér nægir þó ekki til því hin fábreytta fána villtra spen­dýra á Íslandi og lít­ill þétt­leiki þeirra vinnur gegn við­komu maurs­ins sem er háður slíkum milli­hýsl­u­m,“ segir Hall­dór. 

Hægt er að lesa grein­ina í heild á vef­síðu Lækna­blaðs­ins. 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Lilja Dögg Alfreðsdóttir mennta- og menningarmálaráðherra.
„Þverpólitísk sátt“ um fjölmiðlafrumvarp í kortunum eftir að Stöð 2 boðaði læstar fréttir
Eftir að Sýn boðaði að fréttum Stöðvar 2 yrði læst virðist hreyfing að komast á frumvarp um styrki til einkarekinna fjölmiðla. Mennta- og menningarmálaráðherra telur að „þverpólitísk sátt“ sé að nást um styrkjakerfi, sem sjálfstæðismenn hafa lagst gegn.
Kjarninn 17. janúar 2021
Sigmundur Davíð Gunnlaugsson formaður Miðflokksins.
Óttast að „tveggja flokka kerfi“ myndist ef flokkar útiloki samstarf við aðra
Sigmundur Davíð Gunnlaugsson og Logi Einarsson eru sammála um að kjósendur eigi að hafa skýra sýn á hverskonar ríkisstjórnir flokkar vilji mynda eftir kosningar. Sigmundur vill þó ekki útiloka samvinnu með neinum og kallar Samfylkingu „útilokunarflokk.“
Kjarninn 17. janúar 2021
Frá dómssalnum á miðvikudaginn
Réttað yfir 355 manns í gömlu símaveri
Nokkuð óvenjuleg réttarhöld hófust á Ítalíu síðastliðinn miðvikudag, en í þeim er stór hluti 'Ndrangheta-mafíunnar, valdamestu glæpasamtaka landsins. Sökum mikils fjölda ákærðra og nýrra sóttvarnarreglna þurfti að sérútbúa dómssal í gömlu símaveri.
Kjarninn 17. janúar 2021
Söngflokkurinn Boney M naut mikilla vinsælda víða um heim undir lok áttunda áratugarins.
Boney M og stolnu lögin
Þegar sönghópurinn Boney M sló í gegn seint á áttunda áratug síðustu aldar með lögunum „Brown Girl in the Ring“ og „Rivers of Babylon“ grunaði engan að í kjölfarið fylgdu málaferli sem stæðu í áratugi.
Kjarninn 17. janúar 2021
Armin Laschet er nýr leiðtogi flokks Kristilegra demókrata, sem hefur tögl og haldir í þýskum stjórnmálum. Kannski tekur hann við af Merkel sem kanslari í haust.
Stormasöm vika í evrópskum stjórnmálum
Mögulegt áframhald „Merkelisma“ í Þýskalandi, barnabótaskandall hjá „teflon Mark“ í Hollandi og stjórnarkreppa af völdum smáflokks á Ítalíu er á meðal þess sem var efst á baugi í evrópskum stjórnmálum í vikunni.
Kjarninn 16. janúar 2021
Birgir Birgisson
Að finna upp hjólið
Kjarninn 16. janúar 2021
Óendurvinnanlegur úrgangur á bilinu 40 til 100 þúsund tonn á ári fram til ársins 2045
Skýrsla um þörf fyrir sorpbrennslustöðvar á Íslandi hefur litið dagsins ljós. Umhverfis- og auðlindaráðherra fagnar úttektinni og segir að nú sé hægt að stíga næstu skref.
Kjarninn 16. janúar 2021
Gauti Jóhannesson er forseti bæjarstjórnar í Múlaþingi og fyrrverandi sveitarstjóri Djúpavogshrepps.
Forseti bæjarstjórnar Múlaþings íhugar alvarlega að sækjast eftir þingsæti
Gauti Jóhannesson fyrrverandi sveitarstjóri á Djúpavogi segir tímabært að Sjálfstæðisflokkurinn eignist þingmann frá Austurlandi og íhugar framboð til Alþingis. Kjarninn skoðaði framboðsmál Sjálfstæðisflokks í Norðausturkjördæmi.
Kjarninn 16. janúar 2021
Meira úr sama flokkiInnlent