Ragnar Þór Ing­ólfs­son, for­maður VR, hefur pantað sér gult vesti sem vísar til mót­mæl­anna í Frakk­landi. Frá þessu greinir hann í stöðu­upp­færslu á face­book-­síðu sinni í dag. 

Mót­­mæli „gulu vest­anna“ hóf­ust fyr­ir fjórum vik­um í Par­ís en þá flykkt­ist fólk út á göt­ur til að mót­­mæla hækk­­un­um á elds­neyt­is­skött­­um. Upp­­haf þeirra má rekja til hækk­­un skatta á elds­neyti en mót­­mæl­in hafa breyst í al­­menn mót­­mæli gegn for­­seta Frakk­lands, Emm­­an­u­el Macron.

„Kjörnir full­trúar stunda hrossa­kaup á börum bæj­ar­ins, eru upp­vísir af ósæmi­legri hegð­un, jafn­vel kyn­ferð­is­legri áreitni. Stjórn­völd lækka veiði­gjöld og hækka fram­lög til stjórn­mála­flokka. Þjóð­ar­sjóður skal stofn­aður fyrir ein­hverja dek­ur­kálfa að gambla með. Kjara­ráð hækkar kjör þeirra um tæp­lega helm­ing um leið og ekk­ert svig­rúm er til kerf­is­breyt­inga eða kjara­bóta fyrir þjóð­ina. Skýrsla um hvít­þvott fjár­mála­kerf­is­ins segir okkur að vanda betur valið á þeim sem fá bank­ana í hend­urnar næst. Upp­bygg­ing inn­viða verða svo fjár­magn­aðir með gjald­töku,“ segir Ragnar í færsl­unn­i. 

Hann bætir því við að ekk­ert sé að marka kosn­inga­lof­orðin eins og venju­lega því stjórn­mála­menn virð­ist ein­göngu hafa hug­sjónir og drif­kraft í að breyta á 4 ára fresti, og þá aðeins í nokkra daga. Í milli­tíð­inni séu þau kyrfi­lega læst í neðstu skúffu rík­is­stjórn­ar­innar með stórum bunka spill­ing­ar­mála, panama­skjala og nýju stjórn­ar­skráni.

Ragnar spyr í lok færsl­unnar hvort hann eigi að panta fleiri vesti.