Hluta­bréf féllu í verði á Wall Street í dag, og er nú ávöxtun S&P 500 vísi­töl­unnar fyrir síð­ustu 14 mán­uði búin að þurrkast út. Vax­andi áhyggjur eru meða fjár­festa um að það gæti verið alþjóð­leg kreppa handan við horn­ið, segir Wall Street Journal. 

Olía hélt áfram að falla í verði en verðið á tunnu af hrá­olíu fór niður fyrir 50 Banda­ríkja­dali, og hefur lækkað hratt að und­an­förnu. Í sept­em­ber síð­ast­lið­inn fór verðið upp undir 85 Banda­ríkja­dali og má segja að verðið hafi hrun­ið. 

Olíu­verð­lækk­unin eru góðar fréttir fyrir íslenskt efna­hags­líf, enda sparar það gjald­eyri fyrir þjóð­ar­búið og kemur sér vel fyrir flug­fé­lög og útgerð­ir, og vita­skuld almenn­ing. Þá má gera ráð fyrir að þessi mikla nið­ur­sveifla á olíu­verð­inu muni líka draga úr verð­bólgu­þrýst­ingi, en hann hefur auk­ist nokkuð und­an­farin miss­eri. Verð­bólga mælist nú 3,3 pró­sent, en verð­bólgu­mark­mið er 2,5 pró­sent. 

Sé horft til síð­ustu þriggja mán­aða þá hefur S&P 500 vísi­talan lækkað um tæp­lega 15 pró­sent, og hafa miklar verð­lækk­anir tækni­fyr­ir­tækja meðal ann­ars verið áber­andi. Í umfjöllun Wall Street Journal segir að áhyggjur fari vax­andi vegna tolla­stríðs Banda­ríkj­anna og Kína, og óvissu um hvort draga muni úr eft­ir­spurn á alþjóða­mörk­uð­u­m.