Íslend­ingar versl­uðu meira á net­inu í ár heldur en í fyrra. Nóv­em­ber­mán­uður er orð­inn mik­ill net­versl­un­ar­mán­uður en korta­velta í inn­lendri net­verslun Íslend­inga var rúm­lega 81 pró­sent meiri í nóv­em­ber síð­ast­liðnum en í mán­uð­inum á und­an. Auk þess jókst inn­lend korta­velta Íslend­inga í net­verslun um 15 pró­sent á milli ára en velta inn­lendra greiðslu­korta Íslend­inga í verslun jókst um 5 pró­sent á sama tíma­bili. Þetta kemur fram í sam­an­tekt Rann­sókna­set­ur­s versl­un­ar­inn­ar. 

Bíða með jólainn­kaupin fram að stóru afslátt­ar­dög­unum í nóv­em­ber

Tölu­verður hluti jóla­versl­unar Íslend­inga fer nú fram í nóv­em­ber sam­kvæmt Rann­sókn­ar­setri versl­un­ar­inn­ar. En með stórum versl­un­ar­dögum að erlendri fyr­ir­mynd, svörtum föstu­degi, degi ein­hleypra og net­mánu­degi, þá fær­ist jóla­verslun sífellt meira fram í nóv­em­ber.

Nokkuð dró úr korta­veltu Íslend­inga í verslun á haust­mán­uðum og var sam­dráttur í októ­ber­mán­uði til að mynda 4 pró­sent, sam­an­borið við októ­ber 2017 en líkt og áður sagði var aukn­ing í nóv­em­ber. Sam­kvæmt Rann­sókn­ar­setri versl­un­ar­innar bendir þetta til þess að neyt­endur haldi í auknum mæli í sér með jólainn­kaupin fram að þessum stóru afslátt­ar­dög­um.

Net­verslun á raf­tækjum jókst um 153,3 pró­sent á milli mán­aða

Sér­stak­lega jókst net­verslun á raf­tækjum í nóv­em­ber en hún jókst um 153,3 pró­sent á milli mán­aða. Net­verslun á raf­tækjum jókst einnig á milli ára en verslun jókst um 21,4 pró­sent ef bor­inn er saman nóv­em­ber 2018 og nóv­em­ber 2017. Hlut­fall net­sölu í raf­tækjum er 13 pró­sent af heild­ar­sölu raf­tækja.

Einnig jókst net­verslun með föt og heim­il­is­búnað í nóv­em­ber. Kaup á fötum á net­inu jókst um 20 pró­sent á milli ára og um 15 pró­sent aukn­ing var í net­verslun á heim­il­is­bún­aði. Svip­aða sögu er að segja af bygg­inga­vöru­versl­un­um, þar sem net­verslun jókst um rúm 27 pró­sent í nóv­em­ber í ár, sam­an­borið við árið í fyrra.