Sól­veig Anna Jóns­dótt­ir, for­maður Efl­ing­ar, segir það mis­skiln­ing að verka­lýðs­forrysta ­leggi áherslu skatta­lækk­an­ir. Hún segir að í stað­inn leggi hún áherslu á rétt­látt skatt­kerfi sem virki í alvöru sem jöfn­un­ar­tæki. Hún leið­rétt­ir mis­skiln­ing­inn í stöðu­færslu á Face­book-­síðu sinni í morgun og vitnar þar í orð Þór­ólfs Matth­í­as­son­ar, pró­fess­ors í hag­fræði við Háskóla Íslands, sem sagði í morg­un­út­varpi Rásar 1 í morgun að nýja verka­lýðs­for­ystan leggi áherslu á skatta­lækk­anir og að það gangi þvert á nor­rænar hug­myndir um skatt­heimt­u. 

Leggja áherslu á að leið­rétta Stóru skatta­til­færsl­una

­Sól­veig segir í stöðu­færslu sinni að „hin svo­kall­aða nýja verka­lýðs­for­ysta“ leggi mikla áherslu á að leið­rétta það sem Stefán Ólafs­son hefur kallað Stóru skatta­til­færsl­una. Sól­veig segir að skatta­til­færslan snú­ist um að skatt­byrði þeirra sem minnst hafi á milli hand­anna hafi verið mark­visst aukin meira og minna síð­ust tvo ára­tugi þannig að ríf­lega 50 pró­sent af lág­marks­launum séu nú skatt­lögð. Ásamt því hafi barna­bætur minnkað veru­lega og þeim sem þær fá fækkað og að sama megi segja um hús­næð­is­bæt­ur. 

Sól­veig segir að þetta hafi verið gert í þeim til­gangi að létta skatt­byrð­i á fjár­magnstekju­eig­endur og þau sem mest hafa á milli hand­anna. Hún segir að þau sem mest hafi á milli hand­anna búi nú við fárán­lega und­an­láts­semi en af fjár­magnstekj­u­m er aðeins greiddur 22 pró­sent skatt­ur. „Þetta eru stað­reyndir og þessu viljum við breyta. Við vilj­u­m td. að fjár­mags­tekju­skatt­ur verði hækk­aður veru­lega svo að hann verði sams­konar og hann er á Norð­ur­lönd­un­um,“ segir Sól­veig enn frem­ur.

„Þannig að það er rangt að við leggjum mikla áherslu á skatta­lækk­an­ir; við leggjum alla áherslu á rétt­látt skatt­kerfi sem virkar í alvöru sem jöfn­un­ar­tæki og gerir líf vinnu­aflsins (og þeirra sem af ein­hverjum ástæðum geta ekki unn­ið) betra og auð­veld­ara og við leggjum alla áherslu á að hin auð­ugu í sam­fé­lag­inu standi eðli­leg skil á sínu til að halda hér uppi vel­ferð­ar­sam­fé­lagi að nor­rænum sið, “ segir Sól­veig að lokum í stöðu­færslu sinn­i.