Hætt við skerðingu á innflutningskvóta fyrir kjötvörur

Atvinnuvega- og nýsköpunarráðuneytið hefur hætt við áform um að umreikna tollfrjálsa innflutningskvóta fyrir kjötvörur frá Evrópusambandinu yfir í ígildi kjöts með beini, en slíkur umreikningur hefði skert tollfrjálsan innflutning um allt að þriðjung.

Kjöt
Auglýsing

Atvinnu­vega- og nýsköp­un­ar­ráðu­neytið hefur hætt við áform um að umreikna toll­frjálsa inn­flutn­ings­kvóta fyrir kjöt­vörur frá Evr­ópu­sam­band­inu yfir í ígildi kjöts með beini. Í til­kynn­ingu frá Félagi atvinnu­rek­enda segir að þetta sé mikið fagn­að­ar­efni fyrir bæði neyt­endur og inn­flytj­endur en slíkur umreikn­ingur hefði skert toll­frjálsan inn­flutn­ing um allt að þriðj­ungi sam­kvæmt félag­in­u. 

Umreikn­ingur til að koma til móts við áhrif tolla­samn­ings við ESB

Íslensk stjórn­völd und­ir­rit­uðu tolla­samn­ing við Evr­ópu­sam­bandið um land­bún­að­ar­af­urðir 17. sept­em­ber 2015. Samn­ing­ur­inn tók gildi 1. maí sl. og tók við af tolla­samn­ingi sem gerður var við Evr­ópu­sam­bandið árið 2007. Í apríl 2016 skip­aði þáver­andi sjáv­ar­út­vegs- og land­bún­að­ar­ráð­herra starfs­hóp sem hafði það hlut­verk að kanna áhrif tolla­samn­ings við ESB, þar sem lagt var mat á hvernig ein­staka búgreinar gætu tek­ist á við afleið­ingar samn­ings­ins. Í starfs­hópnum áttu sæti full­trúar frá Bænda­sam­tökum Íslands og búgreina­fé­lög­um, Sam­tökum iðn­að­ar­ins, utan­rík­is­ráðu­neyt­inu auk full­trúa sjáv­ar­út­vegs- og land­bún­að­ar­ráð­herra. Tveimur mán­uðum síðar skil­aði starfs­hóp­ur­inn af sér skýrslu þar sem fram komu til­lögur í átta lið­u­m. 

Í maí 2018 kom til­kynn­ing frá ráðu­neyt­inu um af þeim átta til­lögum sem starfs­hóp­ur­inn hafði lagt til væru tvær til­lag­anna nú þegar komnar til fram­kvæmda, tvær aðrar langt komnar en um fjórar hafði ekki verið tekin ákvörð­un. Önnur til­lag­anna sem langt var á leið komin var til­laga um að við útreikn­ing á magni toll­kvóta við inn­flutn­ing væri miðað við ígildi kjöts með beini, í sam­ræmi við alþjóð­legar skuld­bind­ing­unni. Sam­kvæmt til­kynn­ing­unni var unnið að því að koma þessu til­ fram­kvæmda í kjöl­far þess að ný­ir ­samn­ingar við ESB hafði tekið gild­i. 

Auglýsing

Tolla­­samn­ing­­ur­inn við ESB, sem sam­­þykktur var í maí á síð­­asta ári, stækkar toll­frjálsa inn­­­flutn­ings­kvóta fyrir kjöt og sam­­kvæmt skýrslu starfs­hóps­ins er til­­lög­­urnar lagðar fram til að koma til­­ ­­móts við áhrif tolla­­samn­ings­ins. Í ofan­greindri til­lögu myndi útreikn­ing­ur­inn virka þannig að ef til dæmis eitt kíló af bein­lausu kjöti væri inn­flutt til lands­ins þá yrði reiknað hversu þungt kjötið væri með beini og sú þyngd tekin af kvóta inn­flytj­anda kjöts­ins, en til að flytja inn kjöt til lands­ins þurfa inn­flytj­endur að kaupa inn­flutn­ings­kvóta. Sam­kvæmt Félagi atvinnu­rek­enda hefði þessi umreikn­ingur skert toll­frjálsan inn­flutn­ing um allt að þriðj­ung.

Félag atvinnu­rek­enda gagn­rýndi áformin um skerð­ing­u kvót­anna með umreikn­ingi í erindi til ráðu­neyt­is­ins í byrjun maí á síð­asta ári. Í til­kynn­ingu frá­ FA ­segir að félagið hafi bent á að hvergi sé kveðið á um að toll­frjálsir inn­flutn­ings­kvótar fyrir kjöt­vöru skuli mið­aðir við kjöt með beini. Samn­ing­ur­inn tæki því til hvort heldur er inn­flutn­ings á úrbein­uðu kjöti eða kjöti með beini. Félagið benti jafn­framt á að slíkir inn­flutn­ings­kvótar fyrir kjöt, byggðir á milli­ríkja­samn­ing­um, hefðu verið í gildi á Íslandi í 23 ár, eða frá því WTO-­samn­ing­ur­inn tók gildi árið 1995. Alla tíð hefði verið miðað við inn­flutn­ing á kjöti hvort heldur er með eða án beins. 

Fram­kvæmd Evr­ópu­sam­bands­ins breytt

Sam­kvæmt Félagi atvinnu­rek­enda bar ráðu­neytið fyrir sig að Evr­ópu­sam­bandið hefði við inn­flutn­ing á íslensku lamba­kjöti á toll­kvóta miðað við kjöt með beini. Í til­kynn­ingu Michaels Mann, sendi­herra Evr­ópu­sam­bands­ins á Íslandi, sem birt­ist á Face­book 14. maí, kom fram að hvað varð­aði allt annað kjöt, sem flutt væri út frá Íslandi til ESB á toll­frjálsum kvót­um, væri miðað við nettó­vigt. Hins vegar væri í gildi und­an­tekn­ing vegna lamba­kjöts sem ætti sér „sögu­legar skýr­ing­ar“. 

Ólafur Stephensen, framkvæmdastjóri Félags atvinnurekanda.Í svari ráðu­neyts­ins við bréfi félags­ins sem barst nú fyrir árs­lok, segir að nýlega hafi feng­ist þær upp­lýs­ingar frá Evr­ópu­sam­band­inu að fram­kvæmd­inni hvað varðar inn­flutn­ing kinda­kjöts hafi verið breytt og sé nú miðað við nettó­vigt í öllum til­vik­um. „Þar af leið­andi gerir ráðu­neytið ekki ráð fyrir því að svo stöddu að fram­kvæmd­inni verði breytt frá því sem verið hefur hvað varðar ofan­grein­t,“ segir í svar­inu.

Ólafur Steph­en­sen, fram­kvæmda­stjóri Félags atvinnu­rek­enda, segir þessa nið­ur­stöðu fagn­að­ar­efni í til­kynn­ingu frá félag­inu „Það er afar jákvætt að Evr­ópu­sam­bandið hefur tekið af allan vafa um fram­kvæmd samn­ings­ins sín megin og þá standa engin rök til þess að breyta fram­kvæmd­inni á Íslandi. Umreikn­ing­ur­inn hefði skert veru­lega hag bæði neyt­enda og inn­flytj­enda. Nú blasir hins vegar við að það aukna fram­boð á inn­fluttu kjöti á hag­stæðu verði, sem samn­ing­ur­inn gaf fyr­ir­heit um, mun ganga eft­ir,“ segir Ólaf­ur.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Ungmenni mótmæla aðgerðum stjórnvalda í loftslagsmálum.
„Loftslagsváin fer ekki í sumarfrí“
Ungmenni á Íslandi halda áfram að fara í verkfall fyrir loftslagið þrátt fyrir COVID-19 faraldur og sumarfrí. Greta Thunberg hvetur jafnframt áfram til mótmæla.
Kjarninn 9. júlí 2020
Afkoma ríkissjóðs jákvæð um 42 milljarða í fyrra
Tekjur ríkissjóðs námu samtals 830 milljörðum króna í fyrra en rekstrargjöld voru 809 milljarðar. Fjármagnsgjöld voru neikvæð um 57 milljarða en hlutdeild í afkomu félaga í eigu ríkisins jákvæð um 78 milljarða.
Kjarninn 9. júlí 2020
Guðmundur Hörður Guðmundsson
Menntamálaráðherra gleymdi meðalhófsreglunni
Kjarninn 9. júlí 2020
Kári Stefánsson, forstjóri ÍE.
„Þetta verður í fínu lagi“
Forstjóri Íslenskrar erfðagreiningar segir að starfsfólk fyrirtækisins muni rjúka til og hjálpa við skimun ef Landspítalinn þurfi á því að halda. Spítalinn sé þó „ágætlega í stakk búinn“ til þess að takast á við verkefnið.
Kjarninn 9. júlí 2020
Þórólfur Guðnason sóttvarnalæknir.
Þórólfur: Erum að beita öllum ráðum í bókinni
Sóttvarnalæknir segist ekki áforma að mæla með rýmkuðum reglum um fjöldatakmörk á samkomum á næstunni. Líklega muni núverandi takmarkanir, sem miða við 500 manns, gilda út ágúst.
Kjarninn 9. júlí 2020
Opnað fyrir umsóknir um stuðningslán
Stuðningslán til smærri og meðalstórra fyrirtækja geta að hámarki numið 40 milljónum króna. Þó geta þau ekki orðið hærri en sem nemur tíu prósentum af tekjum fyrirtækis á síðasta rekstrarári.
Kjarninn 9. júlí 2020
Icelandair mun flytja á annað þúsund manns á milli Kaliforníu og Armeníu
Íslenska utanríkisþjónustan aðstoðaði við sérstakt verkefni á vegum Loftleiða Icelandic.
Kjarninn 9. júlí 2020
Tilraunir með Oxford-bóluefnið í mönnum eru hafnar í þremur löndum, m.a. Suður-Afríku.
Oxford-bóluefnið þykir líklegast til árangurs
Ef tilraunir með bóluefni sem nú er í þróun við Oxford-háskóla skila jákvæðum niðurstöðum á næstu vikum verður hugsanlega hægt að byrja að nota það í haust.
Kjarninn 9. júlí 2020
Meira úr sama flokkiInnlent