Landlæknir telur aldursgreiningar á tönnum samræmast siðareglum lækna

Hér á landi er notast við aldursgreiningar á tönnum til að skera úr um aldur fylgdarlausra barna ef vafi leikur á um hvort viðkomandi sé yngri en átján ára. Landlæknir segir að aldursgreiningar á tönnum séu í samræmi við siðareglur lækna.

Embætti Landlæknis
Embætti Landlæknis
Auglýsing

Land­læknir tel­ur að ald­urs­grein­ing á tönnum sam­ræm­ist siða­reglum lækna. Hún segir að ekki verði annað séð en að þeir sér­fræð­ingar sem sinni ald­urs­grein­ingum á tönnum vinni sam­kvæmt fag­legum kröfum og af virð­ingu við við­kom­andi ein­stak­ling. Land­læknir segir jafn­framt að rétt­ar­lækn­is­fræði­leg­ar ald­urs­grein­ing­ar ­barna og ung­menna bygg­ist á alþjóð­leg­um, vís­inda­lega við­ur­kenndum og gagn­reyndum aðferð­u­m. Þetta kemur fram í svari heil­brigð­is­ráð­herra við fyr­ir­spurn Loga Ein­ars­son­ar, þing­manni Sam­fylk­ing­ar­inn­ar, um ald­urs­grein­ingar og siða­reglur lækna.

Ald­urs­grein­ing­ar á tönnum not­aðar hér á landi

Not­ast er við ald­urs­grein­ingar á tönnum hér á landi til að skera úr um aldur fylgd­ar­lausra barna ef vafi leikur á um hvort við­kom­andi sé eldri eða yngri en átján ára. Fram­kvæmdin hefur aftur á móti þótt umdeild en Barna­hjálp Sam­ein­uðu þjóð­anna, Evr­ópu­ráðið og Rauði kross­inn hafa öll gagn­rýnt slíkar ald­urs­grein­ing­ar. Grein­ing­arnar hafa verið gagn­rýndar fyrir að fela í sér inn­grip og að nið­ur­stöður þeirra séu óáreið­an­legar og óná­kvæm­ar. ­Fylgd­ar­laus börn undir 18 ára aldri njóta mun meiri rétt­inda en hæl­is­leit­endur sem eru eldri en 18 ára. Þau eru sjálf­krafa metin í við­kvæmri stöðu og til dæmis má ekki vísa fylgd­ar­lausu barni úr landi á grund­velli Dyfl­inn­ar­reglu­gerð­ar­inn­ar.

Barna­hjálp Sam­ein­uðu þjóð­anna og fleiri sam­tök hafa talað fyrir heild­stæðu mati á aldri ungra hæl­is­leit­enda sem byggir ekki ein­ungis á lík­ams­rann­sóknum heldur ætti það fyrst og fremst að byggja á fag­legu mati barna­sál­fræð­inga og lækna, og taka þyrfti fullt til­lit til umhverf­is- og menn­ing­ar­legra aðstæðna ung­menn­anna. 

Sendi fyr­ir­spurn um ald­urs­grein­ingar á þrjá ráð­herra 

Logi Ein­ars­son, þing­maður Sam­fylk­ing­ar­inn­ar, sendi fyr­ir­spurn varð­andi ald­urs­grein­ingar á þrjá ráð­herra, dóms­mála­ráð­herra, mennta- og ­menn­ing­ar­mála­ráð­herra og heil­brigð­is­ráð­herra. Í fyr­ir­spurn hans til heil­brigð­is­ráð­herra spyr Logi ráð­herra um hvort hún telji að fram­kvæmd ald­urs­grein­inga á umsækj­endum um alþjóð­lega vernd, þá sér­stak­lega tann­grein­ingu, sam­ræm­ist siða­reglum lækna. Í fyr­ir­spurn­inni er einnig spurt um hvort að heil­brigð­is­yf­ir­völd hafi tjáð sig um afstöðu sína til lík­am­legra ald­urs­grein­inga og hver hún væri ef svo væri. 

Alma Dagbjört Möller Mynd: HeilbrigðisráðuneytiðÍ skrif­legu svari Svan­dís­ar Svav­ars­dótt­ur, heil­brigð­is­ráð­herra, segir að ráð­herra hafi óskað eftir áliti land­læknis um hvort ald­urs­grein­ing á tönnum sam­ræm­ist lögum um heil­brigð­is­starfs­menn. Í umsögn Ölmu Dag­­bjartar Möll­er, land­lækn­is, segir að þeir sér­fræð­ingar sem sinna ald­urs­grein­ingum á tönnum vinni sam­kvæmt fag­legum kröfum og af virð­ingu við við­kom­andi ein­stak­ling. 

Hún segir jafn­framt að rétt­ar­lækn­is­fræði­leg­ar ald­urs­grein­ing­ar ­barna og ung­menna bygg­ist á alþjóð­leg­um, vís­inda­lega við­ur­kenndum og gagn­reyndum aðferð­um. Land­læknir bætir við að nákvæmni ald­urs­grein­inga á tönnum sé umtals­verð en ekki óskeik­ul, frekar en aðrar lækn­is­fræði­legar rann­sókn­ir. Í svari ráð­herra segir að öðru leyti sé ráð­herra ekki kunn­ugt um að heil­brigð­is­yf­ir­völd hafi tjáð sig um afstöðu sína til lík­am­legra aldursgreininga. 

Auglýsing

Logi sendi einnig fyr­ir­spurn á dóms­mála­ráð­herra þar sem ráð­herra var spurður hvort hún telji lík­am­legar ald­urs­grein­ingar sið­ferð­is­lega rétt­læt­an­legar eða nauð­syn­legar í núver­andi mynd og í sam­ræmi við barna­sátt­mála Sam­ein­uðu þjóð­anna. Einnig er leit­ast eftir svörum um hversu mörgum umsækj­endum um alþjóð­lega vernd hefur verið hafnað á grund­velli tann­grein­inga hér á land­i. 

Í fyr­ir­spurn­inni til mennta og menn­ing­ar­ráð­herra snýr fyr­ir­spurnin að því hvort ráð­herra finnst ásætt­an­legt að opin­ber mennta­stofn­un, tann­lækna­deild Háskóla Íslands, fram­kvæmi umdeildar ald­urs­grein­ingar á við­kvæmum hópi umsækj­enda um alþjóð­lega vernd fyrir Útlend­inga­stofnun sem nýt­i ­síðar nið­ur­stöður grein­ing­ar­innar við úrskurði um alþjóð­lega vernd eða dval­ar­leyfi

Háskólas­starfs­menn og dokt­or­snemar hafa mót­mælt tann­grein­ingum á hæl­is­leit­end­um 

Yfir hund­rað starfs­menn og dokt­or­snemar við Há­skóla Ís­lands sendu frá sér yfir­lýs­ingu á síð­asta ári, þar sem tekin var afstaða gegn tann­grein­ingum á hæl­is­leit­endum sem nú fari fram innan Háskóla Ís­lands­. Í sept­em­ber á síð­asta ári greindi Stundin frá því að Háskóli Íslands og Útlend­inga­stofnun ynnu að gerð þjón­ustu­samn­ings um ald­urs­grein­ing­ar á tönnum hæl­is­leit­enda. Hingað til hefur tann­lækna­deild HÍ fram­kvæmt tann­grein­ingar á fylgd­ar­lausum ung­mennum án þess að þjón­ustu­samn­ingur sé fyrir hend­i.  

Háskóli ÍslandsÍ yfir­lýs­ing­unum er bent á að tann­grein­ingar á hæl­is­leit­endum fari gegn vís­inda­siða­reglum skól­ans en þær kveða á um að rann­sak­endur skuli ekki skaða hags­muni þeirra sem til­heyra hópi í erf­iðri stöðu. Þá hafa þeir bent á sam­fé­lags­legt hlut­verk mennta­stofn­ana sem og mik­il­vægi þess að akademískar stofn­anir fram­kvæmi ekki aðgerðir lög­valds á borð við Útlend­inga­stofn­un­ar. 



Í yf­ir­lýs­ing­unum var háskól­inn ein­dregið hvattur til að láta af samn­ings­gerð við Útlend­inga­stofnun um á­fram­hald­and­i t­ann­grein­ingar á aldri hæl­is­leit­enda innan veggja Háskóla Íslands­. Stúd­enta­ráð Háskóla Íslands og Lands­sam­tök íslenskra stúd­enta, hafa einnig sent frá sér sam­bæri­legar yfir­lýs­ing­ar 

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Þríeykið: Þórólfur, Alma og Víðir.
Takk fyrir ykkur
„Í dag er stór dagur,“ sagði sóttvarnalæknir á upplýsingafundi almannavarna í dag. Þar átti hann við enn eitt skrefið í afléttingu takmarkana. Í hugum landsmanna var dagurinn þó ekki síst stór því fundurinn var sá síðasti – í bili að minnsta kosti.
Kjarninn 25. maí 2020
Jón Baldvin Hannibalsson
Um Alaskaarðinn og íslenska arfinn
Kjarninn 25. maí 2020
Katrín Jakobsdóttir, forsætisráðherra.
„Mjög áhugavert að skoða hugmyndir um þrepaskiptan erfðafjárskatt“
Forsætisráðherra sagði á Alþingi í dag að áhugavert væri að skoða hugmyndir um þrepaskiptan erfðafjárskatt en hún var meðal annars spurð út í fram­sal hluta­bréfa­eigna aðaleigenda Samherja til afkomendanna.
Kjarninn 25. maí 2020
Svandís Svavarsdóttir heilbrigðisráðherra.
Svandís þakkar þríeykinu fyrir sitt framlag
Heilbrigðisráðherra þakkaði Ölmu, Þórólfi og Víði á síðasta upplýsingafundi almannavarna í dag. Hún minnti einnig á að baráttunni væri enn ekki lokið.
Kjarninn 25. maí 2020
Þórólfur Guðnason sóttvarnalæknir.
Veiran mögulega að missa þróttinn
Sóttvarnalæknir segir að hugsanlega sé kórónuveiran að missa þróttinn. Þeir sem smitast hafa af COVID-19 undanfarið eru ekki mikið veikir. Aðeins sex smit hafa greinst hér á landi í maí.
Kjarninn 25. maí 2020
Píratar mælast næst stærstir í nýrri skoðanakönnun frá MMR
Sjálfstæðisflokkurinn mælist með 23,5 prósent fylgi í nýrri könnun MMR, en þar í kjölfarið koma Píratar með 14,6 prósent fylgi. Framsóknarflokkurinn væri minnsti flokkurinn sem næði inn þingmanni miðað við þessa könnun og mælist með 6,4 prósent fylgi.
Kjarninn 25. maí 2020
Frá Bræðslunni í fyrra. Næsta Bræðsla verður árið 2021.
„Samfélagsleg skylda“ að aflýsa Bræðslunni
Tónlistarhátíðin Bræðslan fer ekki fram í sumar. Skipuleggjendur hátíðarinnar segja það samfélagslega skyldu sína að aflýsa hátíðinni og vilja koma í veg fyrir alla mögulega smithættu.
Kjarninn 25. maí 2020
Ólafur Arnalds
Gagnsæi og rangsnúnir landbúnaðarstyrkir
Kjarninn 25. maí 2020
Meira úr sama flokkiInnlent