Samn­ing­ur­inn um útgöngu Breta úr Evr­ópu­sam­band­inu, Brex­it, var felldur í breska þing­inu í kvöld með yfir­gnæf­andi meiri­hluta atkvæða. Sam­tals voru 432 á móti samn­ingnum en 202 studdu hann. 

Nið­ur­staðan er áfall fyrir Ther­esu May for­sæt­is­ráð­herra og rík­is­stjórn henn­ar, og setur Brex­it-­samn­inga­við­ræð­urnar á byrj­un­ar­reit á nýjan leik. Sam­kvæmt lögum í Bret­landi eiga Bretar að ganga úr Evr­ópu­sam­band­inu 29. mars næst­kom­andi klukkan 11:00, en Ther­esa May flutti frum­varp í þing­inu sem var sam­þykkt í lög, þegar samn­inga­við­ræð­urnar voru að hefj­ast. 

Hún vildi með því setja skýran tímara­mma fyrir við­ræð­urn­ar. 

Innan Íhalds­flokks­ins breska, flokks for­sæt­is­ráð­herra, hefur verið mikil óein­ing, sem sést einna best á því að 118 full­trúar flokks­ins greiddu atkvæði gegn Brex­it-­samn­ing­um.

Van­traust­til­laga frá Verka­manna­flokknum í stjórn­ar­and­stöðu er lík­leg á næst­unni, en Jer­emy Cor­byn, leið­togi flokks­ins, hefur þegar látið hafa eftir sér að rík­is­stjórn May sé búin að vera. Atkvæða­greiðsla um van­traustið fer fram á morg­un, sam­kvæmt því sem kemur fram á vef BBC.