Hefur verið rætt óformlega að skipa rannsóknarnefnd vegna sendiherramálsins

Formaður stjórnskipunar- og eftirlitsnefndar segist telja að það verði að skoða hvort að skipa þurfi rannsóknarnefnd um sendiherramálið svokallaða, sem snýst um meint pólitísk hrossakaup um sendiherrastöður. Þetta kemur fram í sjónvarpsþættinum 21.

Helga Vala Helgadóttir stýrði fundi stjórnskipunar- og eftirlitsnefndar í morgun.
Helga Vala Helgadóttir stýrði fundi stjórnskipunar- og eftirlitsnefndar í morgun.
Auglýsing

Helga Vala Helga­dótt­ir, þing­maður Sam­fylk­ing­ar­innar og for­maður stjórn­skip­un­ar- og eft­ir­lits­nefndar þings­ins, segir að hún telji að skoða þurfi hvort að skipa þurfi rann­sókn­ar­nefnd Alþingis um sendi­herra­málið svo­kall­aða. „Það hefur verið rætt við mig óform­lega bæði innan og utan þings frá lög­spek­ing­um.“

Auglýsing
Þingið hafi vald til þess að skipa slíkar rann­sókn­ar­nefndir og ef slík yrði skipuð myndi koma í ljós hvort þeir þing­menn sem neit­uðu að mæta fyrir stjórn­skip­un­ar- og eft­ir­lits­nefnd geti sagst ekki ætla að mæta fyrir rann­sókn­ar­nefnd.

Þetta er meðal þess sem fram kemur í við­tali Þórðar Snæs Júl­í­us­son­ar, rit­stjóra Kjarn­ans, við Helgu Völu í sjón­varps­þætt­inum 21 á Hring­braut sem sýndur verður klukkan 21 í kvöld. Hægt er að sjá stiklu úr þætt­inum hér að neð­an.



Fyrr í dag fór fram fundur stjórn­skip­un­ar- og eft­ir­lits­nefnd um sendi­herra­málið svo­kall­aða. Það er angi af Klaust­ur­mál­inu, sem snýst um orð­ræðu sem við­höfð var í drykkju­sam­læti sex þing­­manna Mið­­flokks­ins og Flokks fólks­ins á Klaust­­ur­bar 20. nóv­­em­ber 2018. Eitt þeirra við­fangs­efna sem þar voru rædd voru póli­­tísk hrossa­­­kaup um send­i­herra­­stöð­­ur. Á upp­­­töku Báru Hall­­dór­s­dóttur af sam­tali þing­­mann­anna heyr­ist Gunnar Bragi Sveins­son, fyrr­ver­andi utan­rík­is­ráð­herra og vara­for­maður Mið­flokks­ins, ræða hrossa­­­­­kaup um skipan Árna Þórs Sig­­­urðs­­­son­­­ar, fyrr­ver­andi þing­­­manns Vinstri grænna,  og Geirs H. Haar­de, fyrr­ver­andi for­­­manns Sjálf­­­stæð­is­­­flokks­ins, sem send­i­herra. Gunnar Bragi sagð­ist enn­fremur hafa sagt við Bjarna Bene­dikts­son, for­mann Sjálf­stæð­is­flokks­ins, í kjöl­farið að honum þætti „sann­­­gjarnt að þið horfið til svip­aðra hluta þegar ég þarf á því að halda.“

Á upp­­tök­unum heyr­ist Sig­­mundur Davíð Gunn­laugs­son, for­maður Mið­flokks­ins, stað­­festa þessa frá­­­sögn Gunn­­ars Braga. Eftir að upp­­­tök­­­urnar voru gerðar opin­berar hafi þeir þver­­­tekið fyrir að sagan um lof­orðið hafi verið sönn. Gunnar Bragi sagð­ist hafa verið að ljúga upp á Bjarna Bene­dikts­­son.

Hvorki Gunnar Bragi né Sig­mundur Davíð mættu á fund nefnd­ar­innar í morgun þrátt fyrir að hafa verið boð­aðir á hann. Þess í stað sendu þeir yfir­lýs­ingar þar sem þeir gagn­rýndu málið allt og sér­stak­lega Helgu Völu sem for­mann stjórn­skip­un­ar- og eft­ir­lits­nefnd­ar.

Auglýsing
Helga Vala segir að það að skipa sendi­herra sé ekki lög­brot, óháð því hvort hann komi úr póli­tík eða við­skipta­líf­inu. „Það bara má og þekk­ist bæði hér­lendis og erlend­is. Það að gjalda slíkan greiða eða að fá emb­ætt­is­mann eða ráð­herra, í þessu til­viki Gunnar Braga, til þess að aðhaf­ast eitt­hvað gegn því að hann fái eitt­hvað síð­ar, það er lög­brot­ið.“

Hún segir að það liggi fyrir að Gunnar Bragi lýsi stöð­unni nákvæm­lega þannig á upp­tök­unni frá Klaust­ur­barn­um. „Fyrst sögð­ust þeir ekki hafa sagt þetta. Í yfir­lýs­ingu Sig­mundar Dav­íðs kom fram að hann teldi að átt hefði verið við upp­tök­una, eða að það hefði ekki verið búið að rann­saka hvort að átt hefði verið við upp­tök­una þannig að vænt­an­lega hafi orð verið slitin ein­hvern veg­inn úr sam­hengi eða púsluð ein­hvern veg­inn saman til þess að fá þessa útkomu. Það var að minnsta kosti ekk­ert í orðum þeirra sem mættu í morgun sem benti til þess að þetta lög­brot hefði átt sér stað. Hvert fram­haldið verður veit ég ekki. Að minnsta kosti þeir sem þarna voru hafa verið mjög missaga um þetta allt sam­an.“

Höfuðstöðvar Vísis í Grindavík.
Vísir og Þorbjörn ræða sameiningu
Tvö sjávarútvegsfyrirtæki í Grindavík vilja sameinast. Gangi áformin eftir mun hið sameinaða fyrirtæki vera með um 16 milljarða króna í veltu á ári.
Kjarninn 20. september 2019
Ferðamenn eyddu minna en áður var haldið fram í ágúst síðastliðnum.
Hagstofan leiðréttir tölur í þriðja sinn á nokkrum vikum
Eyðsla útlendinga á greiðslukortum í ágúst 2019 var minni en í ágúst 2018, ekki meiri líkt og Hagstofa Íslands hélt fram fyrir viku síðan. Þetta er í þriðja sinn á örfáum vikum sem Hagstofan reiknar vitlaust.
Kjarninn 20. september 2019
Guðrún Svava, nemandi í bifvélavirkjun.
Enn eykst kynjabilið í starfsnámi á framhaldsskólastigi
Aðeins þrír af hverjum tíu nemendum á framhaldsskólastigi er í starfsnámi hér á landi. Guðrún Hafsteinsdóttir, formaður Samtaka iðnaðarins, segir að það þurfi samstillt þjóðarátak til að fjölga starfsnámsnemum.
Kjarninn 20. september 2019
Hvað er það við Icelandair sem stjórnmálamenn eiga að hafa áhyggjur af?
Prófessor í hagfræði hvatti stjórnmálamenn til að fylgjast með eiginfjárstöðu Icelandair á fundi í gær. Forstjóri Icelandair sagði ummælin ógætileg. Það sem veldur þessum áhyggjum er að eiginfjárhlutfall Icelandair hefur farið hríðlækkandi undanfarið.
Kjarninn 20. september 2019
Molar
Molar
Molar – Mikilvægt að koma vel fram við innflytjendur
Kjarninn 20. september 2019
Bankahöllin sem eigandinn vill ekki en er samt að rísa
Þegar íslensku bankarnir voru endurreistir úr ösku þeirra sem féllu í hruninu var lögð höfuðáhersla á að stjórnmálamenn gætu ekki haft puttanna í þeim.
Kjarninn 20. september 2019
Hrun fuglastofna í Norður-Ameríku vekur upp spurningar
Ný grein í Science greinir frá niðurstöðum viðamikilla rannsókna á fuglalífi í Norður-Ameríku.
Kjarninn 20. september 2019
Amazon lagði inn pöntun fyrir 100 þúsund rafmagns sendibíla
Nýsköpunarfyrirtækið Rivian sem er með höfuðstöðvar í Michigan er heldur betur að hrista upp í sendibílamarkaðnum.
Kjarninn 19. september 2019
Meira úr sama flokkiInnlent