Sigmundur Davíð og Gunnar Bragi mæta ekki á fundinn

Gunnar Bragi Sveinsson segir fund stjórnskipunar- og eftirlitsnefndar vera haldinn til að koma höggi á pólitíska andstæðinga. Sigmundur Davíð Gunnlaugsson segir að enginn siðferðislegur grundvöllur sé fyrir þeirri umræðu sem fari fram á fundinum.

Af fundi nefndarinnar sem nú stendur yfir.
Af fundi nefndarinnar sem nú stendur yfir.
Auglýsing

Sig­mundur Davíð Gunn­laugs­son og Gunnar Bragi Sveins­son, þing­menn Mið­flokks­ins, mættu hvor­ugir á fund stjórn­skip­un­ar- og eft­ir­lits­nefndar um sendi­herra­málið svo­kall­aða sem hald­inn var í dag.

Í upp­hafi fundar voru lesnar yfir­lýs­ingar frá þeim báð­um. Gunnar Bragi sagði í henni að til­efni fund­ar­ins væri ólög­mælt hljóð­ritun af ummælum sem hann hefði látið falla í trún­að­ar­spjalli á veit­inga­stað í borg­inn­i. 

Hann hafi þegar á opin­berum vett­vangi sagt að þar hafi hann farið með rangt mál og við það væru engu að bæta. Gunnar Bragi sagði enn fremur að til fund­ar­ins væri boðað í þeim „ann­ar­lega til­gangi“ að koma höggi á póli­tíska and­stæð­inga.

Auglýsing
Í yfir­lýs­ingu Sig­mundar Dav­íðs sagði hann ófor­svar­an­legt hjá for­manni nefnd­ar­innar að halda fund um óljósar ásak­an­ir. Hann sagði enga við­hlít­andi rann­sókn hafa farið fram á því af hverju farið var í hljóð­upp­tök­urnar af við­ræð­unum á Klaust­ur­bar 20. nóv­em­ber og hvort þær hafi verið klipptar til.

Því væri eng­inn sið­ferð­is­legur grund­völlur fyrir þeirri umræðu sem for­maður stjórn­skip­un­ar- og eft­ir­lits­nefnd­ar, Helga Vala Helga­dótt­ir, boðað til. Þess vegna myndi hann ekki mæta á fund­inn.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Meira úr sama flokkiInnlent