Gleymið tolla­stríði Banda­ríkj­anna og Kína, skulda­vanda síð­ar­nefnda lands­ins er nú þegar orð­inn mun meira áhyggju­efni heldur en tolla­stríð­ið. 

Þetta segir Mich­ael Schuman, pistla­höf­undur Bloomberg, í pistli sem birt­ist á vef frétta­veit­unnar í dag. 

Hann bendir á að nýjar hag­tölur í Kína séu ógn­vekj­andi fyrir hag­kerfið í Kína og raunar heim­inn all­an. 

Hag­kerfið dróst saman á þriðja árs­fjórð­ungi í fyrra um 6,5 pró­sent, miðað við sama tíma­bil árið á und­an, og þá dróst bíla­sala í fyrra saman við við árið und­an, en þær tölur komu mörgum veru­lega á óvart. 

Hag­vaxt­ar­skeiðið í Kína und­an­farna rúmu tvo ára­tugi er það mesta og hrað­asta sem nokk­urt ríki hefur gengið í gegn­um, en nú virð­ist vera farið veru­lega að hægja á, og að mati Schumann eru það skuldir - bæði fyr­ir­tækja og heim­ila - sem vekja ugg. 

Tolla­stríðið sé vissu­lega áhrifa­mik­ið, en vanda­málin í Kína hafi verið löngu farin að magn­ast upp fyrr. 

Það sem tolla­stríðið hafi gert, er að vekja stjórn­völd í Kína upp við vondan draum. Nú þurfi að taka til hend­inni til að afstýra erf­ið­leik­um. 

Schuman segir að það sé lík­legt, að samið verði um við­skipti milli Banda­ríkj­anna og Kína á nýjan leik, en það eitt og sér sé ekki nóg til að róa fjár­festa og mark­að­inn, þegar kemur að því að greina hvað sé að ger­ast í Kína. 

Fast­eigna­verð­hjöðnun á mörgum svæðum í land­inu hefur vakið upp spurn­ing­ar, og einnig hvernig áhættan er í fjár­mála­kerfi lands­ins. Þar er kín­verska ríkið helsta bak­bein, hvert sem litið er, en fjár­fest­ing einka­að­ila hefur þó auk­ist gríð­ar­lega hratt, sam­hliða 6 til 10 pró­sent hag­vexti, á hverju ári í 20 ár. 

Schuman segir að ástæða sé til þess að hafa miklar áhyggjur af því sem sé að ger­ast í Kína, þessi miss­er­in. 

Í Kína búa um 1,4 millj­arðar manna, eða um 20 pró­sent af íbúum jarð­ar.