Sigmundur Davíð segir forseta Alþingis nýta stöðu sína gegn sér

Sigmundur Davíð Gunnlaugsson, formaður Miðflokksins, segir Steingrím J. Sigfússon nýta stöðu sína sem þingforseta til að hefna sín á Sigmundi. Hann segir að með því að skipa nýja forsætisnefnd brjóti Steingrímur blað í sögu Alþingis.

Sigmundur Davíð Gunnlaugsson, formaður Miðflokksins.
Sigmundur Davíð Gunnlaugsson, formaður Miðflokksins.
Auglýsing

Sigmundur Davíð Gunnlaugsson, formaður Miðflokksins, telur að málsmeðferð Alþingis á Klaustursmálinu séu pólitísk réttarhöld í boði Steingríms J. Sigfússonar, forseta Alþingis. Sigmundur segir að Steingrímur eigi harma að hefna og sé nú að nýta stöðu sína sem forseti í þeim tilgangi. Hann gagnrýnir það harðlega að Steingrímur vilji skipa nýja forsætisnefnd til að fjalla um Klausturmálið. Hann segir að þingmennirnir sex hafi nú þegar þolað grimmilegri refsingu en nokkur dómstóll myndi telja viðeigandi. Þetta kemur fram í aðsendri grein Sigmund Davíðs í Morgunblaðinu í dag. 

Markmiðið að vanhæf nefnd gæti beðið vanhæfa undirnefnd um álit

Sigmundur segir í grein sinni með Steingrímur brjóti blað í sögu Alþingis meðþví að skipa nýja forsætisnefnd til að fjalla um samræður sexmenningana á Klaustur bar í fyrra en Sigmundur Davíð var sem kunnugt er einn þeirra sexmenninga. 

For­sætis­nefnd hefur haft til umfjöll­unar erindi átta þing­manna þar sem þess er að óskað, að það verði kannað hvort þing­mennirnir sex sem áttu fund á Klaustur bar hafi brotið gegn siða­reglum með ummælum sínum um ýmsa, þar á meðal sam­starfs­fólk í stjórn­mál­u­m. Öll forsætisnefndin hefur hins vegar þurft að lýsa sig vanhæfa að fjalla um málið efnislega þar sem allir meðlimir hennar, ásamt meirihluta þingmanna, hafa tjáð sig um málið opinberlega. Þá var ákveðið að skipa nýja forsætisnefnd sem skipuð væri tveimur til þremur, eða fleirum, þingmönnnum, sem hefur það eina verkefni að koma Klaustursmálinu til siðanefndar þingsins. Nefndarmenn mega ekki hafa tjáð sig um málið opinberlega, á nokkurn hátt, svo ekki sé hægt að draga hæfi þeirra í efa. 

 „Markmið þingforseta var koma málinu til svo kallaðrar siðanefndar til að geta að því búnu fellt dóm sinn. Siðanefndin er undirnefnd forsætisnefndar Alþingis og henni aðeins til ráðgjafar. Þingforsetinn hefur þegar verið upplýstur um að þar sem forsætisnefndin sé vanhæf sé siðanefndin það einnig. Markmiðið var því að vanhæf nefnd gæti beðið vanhæfa undirnefnd sína um álit.“ segir Sigmundur í grein sinni.

Auglýsing

Segir þingmennina þegar hafa þolað grimmilega refsingu

Sigmundur Davíð segir að Klaustursmálið, eða hlerunarmálið líkt og hann kallar það í grein sinni, eigi ekkert erindi við siðanefndina þar sem einkasamtal á bar sé varla hluti af opinberri skyldu þingmanna. „Í regl­un­um sem starf henn­ar bygg­ist á kem­ur enda skýrt fram að gild­is­svið þeirra nái ein­ung­is til þess sem þing­menn gera sem hluta af op­in­ber­um skyld­um sín­um. Eng­inn skyn­sam­ur maður gæti haldi því fram að einka­sam­tal yfir öldrykkju væri hluti af op­in­ber­um skyld­um þing­manna,“ skrifar Sigmundur Davíð.

Hann segir jafnframt að þingmennirnir sex í Klausturmálinu hafi nú þegar tekið út íþyngjandi refsingu vegna málsins. „Ekki hvað síst þeir sem það gerðu, eins og þeir hafa viðurkennt afdráttarlaust og beðist fyrirgefningar á af einlægni. Fyrir atvikið hafa þeir enda liðið sálarkvalir og þegar þolað grimmilegri refsingu en nokkur dómstóll myndi telja viðeigandi. Í okkar samfélagi telst það ekki til glæps að hugsa ljótar hugsanir, hugsanir sem menn iðrast jafnan, og ekki heldur að missa út úr sér slíkar hugsanir í einkasamtölum, hvort sem þær lýsa einlægri afstöðu eða eru sagðar í hálfkæringi, gríni, kaldhæðni eða til að ganga fram af öðrum.“ segir Sigmundur. 

Hann segir jafnframt að almenningur sé fullfær um að meta hvað sé siðlegt og hvað ekki og þarf því ekki ekki pólitíska sérfræðinga til að segja sér það. „Afstaða slíkrar nefndar, sem skipuð væri á pólitískum forsendum hefði því ekkert gildi og skipti engu mál..“ 

Telur Steingrím eiga harm að hefna 

Í greininni segir Sigmundur jafnframt að margir hafi haft efasemdir um að Steingrímur væri „heppilegur· til gegna hlutverki þingforseta, þar sem fyrri þingforsetar hafa leitast við að vera forsetar allra þingmanna. „Nú kýs hann að renna stoðum und­ir þær efa­semd­ir með af­ger­andi og sögu­leg­um hætti. Viðhorf Stein­gríms til mín er vel þekkt. Hann tel­ur sig eiga harma að hefna og leit­ast nú við að nýta stöðu sína í þeim til­gangi. Þó blas­ir við að ekk­ert af því sem ég sagði í einka­sam­tali sem tekið var upp með ólög­mæt­um hætti jafn­ast á við fjöl­margt sem þing­for­set­inn sjálf­ur hef­ur sagt og gert op­in­ber­lega að yf­ir­lögðu ráði,“ segir Sigmundur. 

Steingrímur J. Sigfússon, þingforseti.Þá segir Sigmundur að mannréttindi hans og hinna fimm sem sátu með honum að Klaustri umrætt kvöld hafi verið brotin, ekki sé þó áhugi fyrir því hjá forseta Alþingis að láta rannsaka slíkt. Hann sé með aðgerðunum sínum í málinu að „svala hefndarþorsta sínum,“. Auk þess segir Sigmundur að ef einkasamtal nokkurra þingmanna eigi erindi til siðanefndar þýði það að mati Sigmundar Davíðs að fjölmörg mál eigi heima á borði nefndarinnar., þar með talið málum sem varða þingforsetann.

Hann segir að Steingrímur hefði frekar átt að biðjast afsökunar á því sem hann hafi sjálfur sagt fremur en að biðjast afsökunar á tali þingmannanna á Klaustur bar í ræðu sinni á Alþingi í fyrra. 

 „Þingforsetinn hefði getað byrjað á að biðjast afsökunar á orðfæri sínu undanfarna áratugi, á því að hafa lagt hendur á ráðherra í þingsal og reyna svo að koma sama manni í fangelsi með pólitískum réttarhöldum, á því að afhenda erlendum hrægammasjóðum íslensku bankana á sama tíma og þúsundir fjölskyldna misstu heimili sín, á því að hafa reynt að láta íslenskan almenning taka á sig skuldir fallinna einkabanka í andstöðu við lög, á því að nýta ekki þau tækifæri sem gáfust til að endurreisa íslenskt efnahagslíf en státa sig í staðinn af hrósi erlendra fjármálastofnana. Verði þingforsetinn kominn á skrið getur hann svo haldið áfram og beðist afsökunar á því sem hann hefur sagt og gert í gleðskap undanfarin ár, meðal annars sem ráðherra.“ segir Sigmundur að lokum. 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Katrín Jakobsdóttir, forsætisráðherra.
„Eðlilegt að draga þá ályktun að verðið hafi hækkað vegna áhuga á útboðinu“
Forsætisráðherra segir að það bíði næstu ríkisstjórnar að ákveða hvort selja eigi fleiri hluti í Íslandsbanka. Salan hafi verið vel heppnuð aðgerð.
Kjarninn 23. júní 2021
Jenný Ruth Hrafnsdóttir
Ísland - Finnland: 16 - 30
Kjarninn 23. júní 2021
Þórólfur Guðnason sóttvarnalæknir.
Engin smit út frá bólusettum með virkt smit – „Hver er þá áhættan? Mikil eða lítil?“
Ellefu bólusettir einstaklingar hafa greinst með veiruna á landamærunum. Engin smit hafa hins vegar greinst út frá þeim. Sóttvarnalæknir segir enn óvíst hvort smithætta fylgi bólusettum með smit en að hún sé „alveg örugglega“ minni en frá óbólusettum.
Kjarninn 23. júní 2021
Benedikt Jóhannesson hefur veifað bless við framkvæmdastjórn flokksins sem hann var aðalhvatamaðurinn að því að stofna.
Hefur sagt sig úr framkvæmdastjórn og segir framgöngu formanns mestu vonbrigðin
Fyrrverandi formaður Viðreisnar telur að atburðarás hafi verið hönnuð til að koma ákveðnum einstaklingum í efstu sætin á lista flokksins á höfuðborgarsvæðinu og halda öðrum, meðal annars honum, frá þeim sætum.
Kjarninn 23. júní 2021
Drífa Snædal, forseti ASÍ.
ASÍ hvetur forsætisráðherra til að beita sér fyrir alþjóðlegum fyrirtækjaskatti
Verkalýðshreyfingin kallar eftir því að lagður verði á 25 prósent skattur á hagnað alþjóðlegra stórfyrirtækja þar sem hann verður til.
Kjarninn 23. júní 2021
Viðskipti hófust með bréf Íslandsbanka í gær.
20 fjárfestar keyptu rúmlega helminginn af því sem selt var í Íslandsbanka
Búið er að birta lista yfir stærstu eigendur Íslandsbanka. Auk ríkisins eiga lífeyrissjóðir og erlendir fjárfestingarsjóðir stærstu eignarhlutina. Margir einstaklingar leystu út hagnað af viðskiptunum í gær.
Kjarninn 23. júní 2021
Engin ákvörðun hefur enn verið tekin um hvort og þá hvenær farið verður að bólusetja börn við COVID-19 á Íslandi.
Ráðleggja óbólusettum – einnig börnum – frá ónauðsynlegum ferðalögum
Sóttvarnarlæknir segir þær ráðleggingar embættisins að óbólusettir ferðist ekki til útlanda gildi einnig fyrir börn. Engin ákvörðun hefur enn verið tekin um almenna bólusetningu barna.
Kjarninn 23. júní 2021
Miklar sveiiflur hafa verið á virði rafmyntarinnar Bitcoin síðasta sólarhringinn.
Kínverjar snúa baki við Bitcoin og verðið fellur
Verð rafmyntarinnar Bitcoin hefur lækkað umtalsvert á undanförnum dögum en náði sér aðeins á strik síðdegis í dag. Kínverjar hafa reynt að stemma stigu við viðskiptum með myntina þar í landi og nýlega var fjölda gagnavera sem grafa eftir myntinni lokað.
Kjarninn 22. júní 2021
Meira úr sama flokkiInnlent