Síð­asta árið hafa um það bil helm­ingur lækna hug­leitt það oft eða stundum að láta af störfum en mik­ill meiri­hluti lækna telja sig vera undir of miklu álagi. Þetta kemur fram könnun á líðan og starfs­að­stæðum læna,  sem unnið var í októ­ber á síð­asta ári. Enn fremur kemur fram í nið­ur­stöð­u­m könn­un­ar­inn­ar að tæp­lega fimm­tíu pró­sent kven­kyns lækna hefur orðið fyrir kyn­ferð­is­legu áreiti ein­hvern tím­ann á starfsæv­inni

Mik­ill meiri­hluti lækna telji sig vera undir of miklu álagi

Jafn­framt kemur fram í könn­unni að mik­ill meiri­hluti lækna telja sig vera undir of miklu álagi með­ til­heyr­andi streitu­ein­kenn­um, trufl­andi van­líðan og sjúk­dóms­ein­kenn­um. Rúm­lega helm­ingur hefur fund­ist að þeir geti ekki upp­fyllt kröfur eða ráðið við streitu í starfi og auk þess eru svefn­trufl­anir á meðal lækna algeng­ar. 

Í til­kynn­ingu frá Lækna­fé­lag­inu segir að því miður virð­ist ein­elti og kyn­bundið ofbeldi innan stétt­ar­innar vera sam­bæri­legt við margar aðrar starfs­stétt­ir. En tæp­lega helm­ingur kven­kyns lækna eða 47 pró­sent, hafa orðið fyrir kyn­ferð­is­legu áreit­i ein­hvern tím­ann  á starfsæv­inni og um 7 pró­sent höfðu orðið kyn­ferð­is­legu áreiti á vinnu­stað á síð­ustu þremur mán­uð­um, sam­kvæmt könn­un­inn­i. ­Sam­bæri­legar tölur hjá körlum voru 1 pró­sent á síð­ustu þremur mán­uðum og 13 pró­sent yfir starfsæv­ina. 

Sjö pró­sent svar­enda í könn­unni taldi sig hafa orðið fyrir ein­elti á síð­ustu þremur mán­uðum og 26 pró­sent ein­hvern tí­mann á starfsævinni.

Yfir 60 pró­sent lækna vilja færa Land­spít­al­ann 

Yfir 60 pró­sent lækna töldu stað­setn­ingu Land­spítala við Hring­braut óheppi­lega og þörf á nýju stað­ar­vals­mati vegna bygg­ingar nýs spítala. Ein­ungis um fjórð­ungur allra starfs­stöðva tald­ist vera hæfi­lega mann­aður en í um 72 pró­sent til­vika þóttu þær vera und­ir­mann­að­ar. Um helm­ingur svar­enda taldi þó að ís­lensk heil­brigð­is­þjónusta væri sam­bæri­leg við það sem þeir þekktu í nágranna­lönd­um.

Í könn­unni skipt­ist afstaða til launa­kjara skipt­ist í tvo álíka stóra hópa. 45 pró­sent svar­enda voru mjög eða frekar ósam­mála því að laun þeirra væru sann­gjörn en aftur á móti svör­uðu 42 pró­sent svar­enda að þau væru því mjög eða frekar sam­mála því að laun þeirra væru sann­gjörn. Að með­al­tali var vinnu­vika um fjórð­ungs þátt­tak­enda á bil­inu 61 til 80 klukku­stundir og 4 pró­sent voru með yfir 80 unnar klukku­stundir á viku. 

Árlegir Lækna­dag­ar eru haldnir í Hörpu í þess­ari viku og í dag verða nið­ur­stöður könn­un­ar­innar kynntar og rædd­ar.