Nefndarmenn starfskjaranefndar Orkuveitunnar fá 25 þúsund krónur á tímann

Starfskjaranefnd Orkuveitu Reykjavíkur ákvarðaði í síðasta mánuði að hækka tímakaup sitt í 25 þúsund krónur á klukkutímann. Formaður nefndarinnar fær 37.500 krónur fyrir hvern unninn klukkutíma. Starfskjaranefnd ákvarðar meðal annars laun forstjóra OR.

Ritstjórn Kjarnans 30. janúar 2019

Stjórn Orkuveitu Reykjavíkur samþykkti í desember á síðasta ári að laun nefndarmanna starfskjaranefndar fyrirtækisins verði 25 þúsund krónur fyrir hvern unninn klukkutíma. Formaður nefndarinnar fær sama tímakaup auk 50 prósent álags eða 37.500 krónur á tímann. Starfskjaranefndin leggur til hver laun nefndarmanna skulu vera. Frá þessu er greint í Fréttablaðinu í dag.

Þriggja manna nefnd sem fjallar um kjör forstjóra

Sigríður Rut Júlíusdóttir, formaður starfskjaranefndar.

Nefndin er þriggja manna nefnd sem hefur það verkefni að fjalla um kjör forstjóra og innri endurskoðanda Orkuveitunnar. Sigríður Rut Júlíusdóttir, formaður starfskjaranefndar OR, lagði fram og kynnti tillögu nefndarinnar um laun nefndarmanna á stjórnarfundi Orkuveitunnar í desember. Geir Guðjónsson, varamaður í stjórn OR, lagði á fundinum fram breytingartillögu um að lækka launin í 10 þúsund krónur fyrir hverja unna klukkustund. Sú tillaga var felld og tillaga nefndarinnar um eigin laun upp á 25 þúsund krónur á tímann var samþykkt.

Í umfjöllun Fréttablaðsins segir að Sjálfstæðismenn í stjórn Orkuveitunnar hafa löngum deilt á starfskjaranefnd og sagt hana óþarfa peningasóun. Kjartan Magnússon, sem setið hefur í starfskjaranefnd, hefur ítrekað bent á það að stjórnarformaður og stjórn Orkuveitunnar geti vel séð um þetta verkefni.

Orkuveita Reykjavíkur er sameignarfyrirtæki í eigu þriggja sveitarfélaga, Reykjavíkurborg á 94 prósent, Akraneskaupstaður 5 prósent og Borgarbyggð 1 prósent. Dótturfélög OR eru Veitur, Orka náttúrunnar og Gagnaveita Reykjavíkur. Orkuveitan starfar á grundvelli laga nr. 139/2001 um stofnun sameignarfyrirtækis um Orkuveitu Reykjavíkur.

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.

Já takk, ég vil styrkja Kjarnann!

Orðafjöldi: 314 Færslan var síðast uppfærð: 30. janúar 2019, kl. 9:11
Færslan birtist fyrst: 30. janúar 2019, kl. 9:00