Skatt­rann­sókn­ar­stjóri hefur hætt rann­sókn á bók­haldi og skatt­skilum Björns Inga Hrafns­son­ar, rit­stjóra Vilj­ans og fyrr­ver­andi borg­ar­full­trúa Fram­sókn­ar­flokks­ins. Hann var til rann­sóknar grun­aður um skattaund­an­skot.

Frá þessu greinir Björn Ingi í stöðu­upp­færslu á Face­book-­síðu sinni í dag en hann fékk bréf þess efnis í gær. 

Bréfið er dag­sett 30. jan­úar 2019 en í því kemur fram að skatt­rann­sókn­ar­stjóri rík­is­ins hafi á árinu 2018 hafið rann­sókn á bók­haldi og skatt­skilum Björns Inga vegna tekju­ár­anna 2014 til og með 2017. „Sú rann­sókn þyk­ir, að svo komnu máli, ekki gefa til­efni til frek­ari aðgerða af hálfu skatt­rann­sókn­ar­stjóra rík­is­ins,“ segir í bréf­inu. Enn fremur kemur fram að með­ferð máls­ins sé þar með lokið hjá emb­ætt­inu.

Björn Ingi segir í stöðu­upp­færsl­unni að fyrir fjög­urra barna fjöl­skyldu­föður sé ekki ein­falt mál að sæta kæru og hafa rétt­ar­stöðu sak­born­ings frammi fyrir alþjóð. Hvað þá að sæta kyrr­setn­ingu allra sinna eigna og geta sig hvergi hrært.

Hann seg­ist ætla að skoða næstu skref með lög­manni sín­um. Und­an­farin miss­eri hafi ekki verið auð­veld fyrir sig og tjónið sé mik­ið.