Drífa Snædal, for­seti ASÍ, fjallar um ömur­leg kjör og aðbúnað fjölda rúm­enskra verka­manna í viku­legum pistli sínum í dag. Þar vísar hún í frétt Stöðvar 2 frá því í gær­kvöldi en í henni kom fram að laun hefðu ekki verið greidd og aðbún­aður væri allur hinn versti. Þeir byggju saman sex í einu her­bergi og ættu ekki pen­inga fyrir nauð­synj­um.

„Þetta er ekki eins­dæmi og því miður ber­ast örugg­lega ekki öll svona mál til okkar því margir fara til síns heima aftur eftir að hafa verið beittir atvinnu­of­beldi. Bar­átta verka­lýðs­hreyf­ing­ar­innar til margra ára gegn félags­legum und­ir­boðum og glæp­a­starf­semi á vinnu­mark­aði er ekki úr lausu lofti gripin og það er hreint hörmu­legt að ekki sé enn komin aðgerð­ar­á­ætlun í mansals­málum og skipu­lagt sam­ræmt eft­ir­lit með öfl­ugri eft­ir­fylgni sem hefur að mark­miði að upp­ræta þessa brota­starf­semi með öllum til­tækum ráðum,“ segir Drífa í pistli sín­um.

Hún segir enn fremur að þegar svona mál komi til stétt­ar­fé­lag­anna bráð­vanti að geta haft sam­band við ein­hvern ábyrgan aðila sem sam­ræmir aðgerðir og mætir þörfum þolenda. Það þurfi að tryggja öryggi fólks, redda hús­næði, mat og stundum heil­brigð­is­þjón­ustu auk þess að skipu­leggja aðgerðir yfir­valda gegn fyr­ir­tækj­um. Allt þetta þurfi að ger­ast fljótt, örugg­lega og fum­laust. 

„Í dag höfum við ekki þetta skipu­lag og glæpa­menn sem eru svo fégráð­ugir að þeim er sama um grund­vallar mann­rétt­indi geta þannig vaðið uppi nán­ast óáreitt­ir. Þessi glæpa­fyr­ir­tæki geta svo boðið lágt verð í fram­kvæmd­ir, jafn­vel á vegum ríkis og sveit­ar­fé­laga því það er sann­an­lega ódýr­ara að fá þræla til verks­ins en fólk sem krefst launa,“ segir hún. 

Drífa leggur áherslu á að stöðva þurfi þetta ástand strax. „Fjár­mögnum aðgerð­ar­á­ætlun gegn mansali, komum á keðju­á­byrgð, stöðvum kenni­tölu­flakk, styrkjum útboðs­skil­yrði og þéttum og sam­ræmum eft­ir­lit og aðgerðir gegn brota­fyr­ir­tækj­um! Ef við grípum ekki til aðgerða getum við allt eins gefið út yfir­lýs­ingu um að okkur sé sama um að hér þrí­fist þræla­hald. Allt þetta og meira til er að finna í til­lögum í tengslum við kjara­samn­inga gegn félags­legum und­ir­boðum og brota­starf­semi á vinnu­mark­aði. En það á ekki að þurfa þrýst­ing sem lausir kjara­samn­ingar bjóða uppá til að taka á grund­vallar mann­rétt­ind­um. Það er mæli­kvarði á sið­menntað sam­fé­lag hvernig við komum fram við þau sem eru í við­kvæm­ustu stöð­unn­i.“

Benda má á ítar­lega umfjöll­un um mál­efni erlendra verka­manna og starfs­manna­leigur í frétta­skýr­ing­ar­þætt­inum Kveik sem birt­ist í haust.