Íslandsbanki segist „mjög stórt fyrirtæki“ og telur laun bankastjóra síns ekki leiðandi

Stjórn Íslandsbanka telur að Birna Einarsdóttir, sem var með 5,3 milljónir króna í mánaðarlaun í fyrra, hafi staðið sig vel í starfi og að horft hafi verið til þess við launaákvörðun. Stjórn telur laun Birnu ekki vera leiðandi né í andstöðu við tilmæli.

Birna Einarsdóttir, bankastjóri Íslandsbanka, ásamt Friðriki Sophussyni, stjórnarformanni bankans, sem ritaði bréfið.
Birna Einarsdóttir, bankastjóri Íslandsbanka, ásamt Friðriki Sophussyni, stjórnarformanni bankans, sem ritaði bréfið.
Auglýsing

Stjórn Íslands­banka telur að launa­kjör Birnu Ein­ars­dótt­ur, banka­stjóra bank­ans, séu í sam­ræmi við setta starfs­kjara­stefnu bank­ans. Stjórnin telur einnig að Birna hafi staðið sig afar vel í starfi og að heild­ar­laun henn­ar, sem voru 5,3 millj­ónir króna á mán­uði í fyrra en 4,8 millj­ónir króna í ár, séu ekki leið­andi eftir að hafa gert sam­an­burð við gögn ann­arra banka­stjóra og for­stjóra á Íslandi sem birst hafi í gögnum úr tekju­blaði Frjálsrar versl­unar og ýmsum árs­reikn­ing­um.

Þetta kemur fram í bréfi sem stjórn Íslands­banka hefur sent Banka­­sýslu rík­­is­ins vegna launa­­mála Birnu. Banka­­sýslan sendi stjórn­inni bréf í síð­­­ustu viku og krafð­ist þar skýr­inga á launa­þróun banka­stjór­ans. Þess var auk þess kraf­ist að svar bær­ist innan viku, eða fyrir lok dags 19. febr­­ú­­ar. Sam­­bæri­­legt bréf var sent til banka­ráðs Lands­bank­ans, sem er einnig í rík­­i­s­eigu og heyrir því undir Banka­­sýslu rík­­is­ins. Það svar­bréf var birt fyrr í dag.

Mjög stórt fyr­ir­tæki

Í bréfi stjórnar Íslands­banka, sem stjórn­ar­for­mað­ur­inn Frið­rik Soph­us­son skrifar und­ir, segir að Íslands­banki sé mjög stórt fyr­ir­tæki á íslenska mæli­kvarða og leið­andi á ýmsum sviðum íslensks atvinnu­lífs. „Bank­inn hefur víð­tækar starfs­heim­ildir skv. lögum um fjár­mála­fyr­ir­tæki og starf­semi bank­ans er marg­þætt og tækni­lega flók­in, sem gerir miklar kröfur til dag­legs stjórn­anda um hæfni og stjórn­un­ar­hæfi­leika. Þá má geta þess að Fjár­mála­eft­ir­litið gengur úr skugga um hæfni og þekk­ingu fram­kvæmda­stjóra með prófum til þess að ganga úr skuffa um að hann upp­fylli þær kröfur og þekk­ingu og hæfni sem lög ger­a.“

Auglýsing
Við ákvörðun launa banka­stjór­ans hafi stjórn meðal ann­ars horft til reynslu banka­stjór­ans, árang­urs, við­skipta­tengsla og hæfni. Mat stjórnar Íslands­banka hafi verið að starfs­ár­angur núver­andi banka­stjóra, Birnu Ein­ars­dótt­ur, hafi verið afar góð­ur. „Hún hefur sinnt starfi sínu af kost­gæfni og verið sterkur leið­togi stjórn­un­arteymis bank­ans, m.a. í stefnu­mótun á umbrota­tím­um. Þá má sér­stak­lega nefnda end­ur­skipu­lagn­ingu lána sem Íslands­banki lauk hraðar en keppi­naut­arn­ir. Á sama tíma tók bank­inn yfir starf­semi tveggja fjár­mála­fyr­ir­tækja og sam­þætti sínum rekstri. Tek­ist hefur með skipu­legum hætti að ná fram slíkri hag­ræð­ingu í starf­semi bank­ans að starfs­menn eru nú færri en þeir voru fyrir sam­ein­ing­arn­ar.“

Stjórnin telur einnig til að fjár­mála­tíma­ritið Euromo­ney hafi valið Íslands­banka besta banka á Íslandi á árinu 2018 og að það væri í fimmta sinn sem bank­inn hlyti þá við­ur­kenn­ingu. Þá hafi ánægja við­skipta­vina Íslands­banka mælst mik­il, hann hlotið Hvatn­ing­ar­verð­laun jafn­rétt­is­mála og bank­inn rekið öfl­ugt fræðslu­starf.

Í svari stjórn­ar­innar segir að starfs­kjara­nefnd og stjórn bank­ans fari reglu­lega yfir sam­an­burð á launa­kjörum banka­stjóra „við launa­kjör for­stjóra á Íslandi og hefur til þess stuðst við gögn úr Frjálsri versl­un, árs­reikn­ingum skráðra fyr­ir­tækja sem og árs­reikn­ingum ann­arra fjár­mála­fyr­ir­tækja. Stjórn telur þann sam­an­burð sýna að laun banka­stjóra séu ekki leið­and­i.“

Bank­anum beri að bjóða starfs­kjör sem séu sam­bæri­leg því sem ger­ist í starfs­um­hverfi bank­ans og nið­ur­staða stjórnar hafi verið sú að stjórnin hafi fylgt starfs­kjara­stefnu bank­ans við ákvörðun á launa­kjörum Birnu „til sam­ræmis við þær óskir sem fram voru settar í bréfi fjár­mála- og efna­hags­ráðu­neyt­is­ins frá 6. jan­úar 2017. Breyt­ing­arnar á launa­kjörum banka­stjóra Íslands­banka eru vel innan við almenna launa­þróun frá þeim tíma.“

Launin voru aldrei í sam­ræmi við ákvörðun kjara­ráðs

Bréf fjár­mála- og efna­hags­ráðu­neyt­is­ins sem vísað er í var sent af Bene­dikt Jóhann­essyni þegar hann stýrði því ráðu­neyti í upp­hafi árs 2017. Í því var til­mælum beint til stjórna rík­is­fyr­ir­tækja að gæta var­kárni við launa­á­kvarð­anir þegar ákvörð­un­ar­vald yfir slíkum færð­ist frá kjara­ráði og yfir til stjórn­anna um mitt ár 2017.

Í jan­úar 2017 úrskurð­aði kjara­ráð að lækka ætti laun Birnu í rúm­lega tvær millj­ónir króna á mán­uði. Sú launa­lækkun kom þó aldrei til fram­kvæmda þar sem Birna var með tólf mán­aða upp­sagn­ar­frest. Ákvörðun um launa­kjör hennar færð­ist svo aftur til stjórnar Íslands­banka um mitt ár 2017 sem ákvað að hækka laun hennar enn frekar frá því sem áður var, en ekki lækka.

Birna óskaði sjálf eftir því að grunn­laun hennar yrðu lækkuð síðla á árinu 2018. Sú breyt­ing tók gildi í byrjun þessa árs. Sam­kvæmt útreikn­ingum Morg­un­blaðs­ins eru heild­ar­laun og hlunn­indi hennar á þessu ári 4,8 millj­ónir króna að með­al­tali á mán­uði. Það er um einni milljón króna meira en laun Lilju Bjarkar Ein­ars­dótt­ur, banka­stjóra Lands­bank­ans, hins rík­is­bank­ans, en laun hennar eru nú 3,8 millj­ónir króna á mán­uði. Þau hafa hækkað um 82 pró­sent frá miðju ári 2017 með vísun í að launin hafi ekki verið sam­an­burð­ar­hæf við önnur í geir­an­um.

Hægt er að lesa bréf stjórnar Íslands­banka til Banka­sýslu rík­is­ins í heild sinni hér.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Notkun tölva gegnir sífellt stærra hlutverki í leik og starfi hjá flestum. Á síðustu misserum hefur margföldun orðið í tilraunum til netsvindls.
Sjö ráð til að koma í veg fyrir netsvindl
Margföldun hefur orðið á tilraunum til netsvindls og reglulega eru fluttar fréttir af nýjum svikapóstum í umferð. Framkvæmdastjóri CERT-IS segir mikilvægt að huga vel að netöryggi og að margar einfaldar lausnir séu í boði í þeim efnum.
Kjarninn 3. júlí 2022
Bryndís Friðriksdóttir svæðisstjóri höfuðborgarsvæðisins og Arndís Ósk Ólafsdóttir Arnalds forstöðumaður verkefnastofu Borgarlínu.
Áskorun að tryggja flæði á meðan það verður grafið og byggt
Á næstu árum fara í hönd miklar samgönguframkvæmdir víða á höfuðborgarsvæðinu. Kjarninn ræddi við svæðisstjóra Vegagerðarinnar og forstöðumann verkefnastofu Borgarlínu um stóru verkefnin sem eru á döfinni og hvernig á að láta umferðina ganga upp á meðan.
Kjarninn 3. júlí 2022
Herlufsholmen var áður munkaklaustur en í aldir var þar rekinn skóli.
Uppnám í elítuskólanum og prinsinn hættur
Herlufsholmskólinn á Sjálandi hefur verið talinn fyrirmynd annarra skóla í Danmörku, skóli hinna útvöldu og ríku. Ný heimildamynd svipti hins vegar hulunni af ýmsu sem tíðkast hefur í skólanum og nú er skólastarfið í uppnámi.
Kjarninn 3. júlí 2022
Katrín Jakobsdóttir, formaður Vinstri grænna og forsætisráðherra.
Fylgi Vinstri grænna hefur aldrei mælst minna í könnun Gallup – 7,2 prósent styðja flokkinn
Píratar hafa næstum því tvöfaldað fylgi sitt frá síðustu kosningum og Samfylkingin hefur aukið sitt fylgi um tæplega 40 prósent. Sjálfstæðisflokkur mælist undir kjörfylgi en Framsókn siglir lygnan sjó.
Kjarninn 2. júlí 2022
Það sem er sérstakt við spjöld þessi er að í stað þess að á þeim séu myndir og upplýsingar um landsliðsmenn í knattspyrnu eru þar að finna sögur verkafólks sem látist hafa við undirbúning mótsins.
Gefa út „fótboltaspil“ með verkafólki sem látist hefur við undirbúninginn í Katar
Þúsunda farandsverkamanna er minnst í átaki sænsku rannsóknarblaðamannasamtakanna Blankspot til að vekja athygli á mannlega kostnaðnum við Heimsmeistaramótið sem hefst í nóvember.
Kjarninn 2. júlí 2022
Alls fóru 0,0002% af fjármagni í COVID-viðbragðsáætlunum í að uppræta kynbundið ofbeldi
Ríki sem eiga sterka femíníska hreyfingu hafa verið talsvert líklegri til að taka tillit til kynjasjónamiða í COVID-19 áætlunum sínum en þau ríki þar sem engin eða veik femínísk hreyfing er við lýði, samkvæmt nýrri skýrslu.
Kjarninn 2. júlí 2022
Heimili eru talin ábyrg fyrir tonnum á tonn ofan af matvælum sem fara í ruslið.
Svona spornar þú við sóun í sumarfríinu
Það vill enginn koma heim í ýldulykt eftir gott frí. Þá vilja eflaust flestir ekki umturnast í umhverfissóða á ferðalaginu. Hér eru nokkur ráð til njóta sumarleyfisins langþráða án þess að koma heim í fýlu.
Kjarninn 2. júlí 2022
Þórður Snær Júlíusson
Partíið er búið
Kjarninn 2. júlí 2022
Meira úr sama flokkiInnlent