Guð­rún­ Nor­dal hefur verið skipuð for­stöðu­maður Stofn­unar Árna ­Magn­ús­son­ar í ­ís­lenskum fræðum í þriðja sinn. Guð­rún tók fyrst við stöðu emb­ætti for­stöðu­manns stofn­un­ar­innar árið 2009. Hún mun gegna emb­ætt­in­u næstu fimm árin en hún tók við skip­un­ar­bréfi þess efnis í gær úr hendi Lilju Alfreðs­dóttur mennta- og menn­ing­ar­mála­ráð­herra. 

Rann­sóknir í ís­lenskum fræðum

Guð­rún­ Nor­dal er pró­fessor í íslenskum bók­menntum fyrri alda og hefur hún einnig gegnt marg­vís­leg­um ­trún­að­ar­störfum í þágu íslensk vís­inda­sam­fé­lags. Þar á meðal verið for­mað­ur­ ­vís­inda­nefndar Vís­inda- og tækni­ráðs og stjórn­ar­for­maður Rann­sókna­sjóðs og Tækja­sjóðs . Auk þess var hún stjórn­ar­for­mað­ur­ Nor­d­for­sk á árunum 2008 til 2014, í stjórn­ E­uropean Sci­ence ­Founda­tion 2006 til 2015 og Fróð­skap­ar­set­urs­ins í Fær­eyjum frá árinu 2017. Hún bauð sig fram til emb­ættis rekt­ors Háskóla Íslands árið 2015 og ­stefnd­i einnig að því að bjóða sig fram til emb­ættis for­seta Íslands árið 2016.

Árna­stofnun er háskóla­stofnun en hlut­verk hennar er að vinna að rann­sóknum í íslenskum fræðum og skyldum fræði­grein­um, einkum á sviði mið­alda­fræða, íslenskrar tungu og bók­mennta, að miðla þekk­ingu á þeim fræðum og varð­veita og efla þau söfn sem henni eru falin eða hún á. ­Staða for­stöðu­manns stofn­un­ar­innar var aug­lýst til umsóknar í októ­ber í fyrra.