Efl­ing lýsir yfir von­brigðum með athuga­semdir SA vegna atkvæða­greiðslu um verk­falls­boðun hót­el­þerna þann 8. mars næst­kom­andi. Þetta kemur fram í til­kynn­ingu frá félag­inu.

Sam­tök atvinn­u­lífs­ins sendu frá sér til­kynn­ingu í morgun þar sem þau skor­uðu á Efl­ingu að stöðva nú þegar atkvæða­greiðslu um verk­­fall sem koma á til fram­­kvæmda 8. mars næst­kom­andi. SA telja ólög­­lega staðið að atkvæða­greiðslu um verk­­fall­ið.

Verði Efl­ing ekki við áskorun Sam­­taka atvinn­u­lífs­ins munu SA höfða félags­­­dóms­­mál gegn stétt­­ar­­fé­lag­inu. Nið­­ur­­staða dóms­ins mun, sam­kvæmt SA, liggja fyrir áður en verk­­falli er ætlað að koma til fram­­kvæmda.

For­maður kjör­stjórnar Efl­ingar þegar svarað SA

Sól­veig Anna Jóns­dóttir for­maður Efl­ingar seg­ist harma afskipti SA og ein­sakra atvinnu­rek­enda af kosn­ing­un­um. „Það er með ólík­indum að sjá hags­muna­að­ila reyna að stöðva þá miklu upp­risu verka­fólks sem nú er í gang­i,“ segir Sól­veig. Hún hefur varið morgn­inum í verk­falls­kosn­inga­bíl Efl­ingar sem ekið hefur milli hót­ela. „Það hefur verið magnað og ótrú­legt að fylgj­ast með und­ir­tektum Efl­ing­ar­fé­laga. Allir eru ólmir að kjósa og mik­ill hugur í fólk,“ segir Sól­veig.

Í til­kynn­ingu Efl­ingar áréttar Viðar að allur und­ir­bún­ingur og fram­kvæmd kosn­ing­anna hafi verið í sam­ræmi við við­eig­andi regl­ur. Þar sé um að ræða lög um stétt­ar­fé­lög og vinnu­deilur nr. 80 frá 1938, lög Efl­ingar og Reglu­gerð ASÍ um leyni­lega alls­herjar atkvæða­greiðslu meðal félags­manna aðild­ar­sam­taka. „Lög­menn okkar og for­maður kjör­stjórnar hafa að sjálf­sögðu yfir­farið þessar reglur mjög vand­lega,“ segir Við­ar. Hann segir Efl­ingu vísa athuga­semdum SA alfarið á bug og að for­maður kjör­stjórnar Efl­ingar hafi þegar svarað SA.