Hanna Birna Krist­jáns­dótt­ir, fyrr­ver­andi borg­ar­stjóri, inn­an­rík­is­ráð­herra og vara­for­maður Sjálf­stæð­is­flokks­ins, verður sér­stakur ráð­gjafi á aðal­skrif­stofu UN Women í New York. Frá þessu greinir hún í stöðu­færslu á Face­book.

Þar seg­ist Hanna Birna spennt, stolt og þakk­lát fyrir „enn eitt tæki­færið til að vinna að jafn­rétti kynj­anna á alþjóða­vett­vang­i.“ 

Hún greinir frá því að hún verði reglu­lega á Íslandi þrátt fyrir hið nýja hlut­verk, þar sem hún leiði áfram und­ir­bún­ing Heims­þings kven­leið­toga í Reykja­vík sem stjórn­ar­for­maður alþjóða­sam­tak­ana Women Polit­ical Leaders (WPL). „New York er nýja aðal­vinnu­borgin mín og ég hlakka mikið til að leggja mitt af mörkum í því mik­il­væga starfi sem UN Women vinnur í þágu kvenna um allan heim,“ segir Hanna Birna í stöðu­upp­færsl­unni.

Hanna Birna hætti í stjórn­málum hér­lendis eftir kosn­ing­arnar sem fram fóru haustið 2016. Hún hætti sem inn­­an­­rík­­is­ráð­herra í lok árs 2014 í kjöl­far leka­­máls­ins og fór í leyfi frá þing­­störfum í kjöl­far­ið. Skömmu síð­­­ar, eða í októ­ber 2015, ákvað hún að hætta sem vara­­for­­maður Sjálf­­stæð­is­­flokks­ins.

Þegar Hanna Birna til­kynni um að hún ætl­aði að hætta í stjórn­málum sagði hún í til­kynn­ingu að ástæðan væri ein­föld: „Mig langar að leita nýrra áskor­ana og nú er ein­fald­­lega komið að þeim tíma­­mótum í mínu lífi að ég tel rétt að nýta reynslu mina, orku og starfs­­krafta ann­­ars staðar en á vett­vangi stjórn­­­mál­anna.“