Lands­virkj­un, sem er að öllu leyti í eigu íslenska rík­is­ins, hagn­að­ist um 14 millj­arða króna, eða 121 milljón dala, á síð­asta ári. Rekstr­ar­tekjur félags­ins hækk­uðu um 50,8 millj­ónir dala á milli ára og námu 533,9 millj­ónum dala, eða 61,9 millj­örðum króna. EBITDA hagn­aður (rekstr­­ar­hagn­aður fyrir fjár­­­magns­­kostn­að, skatta og afskrift­ir) var 45,2 millj­arðar króna og EBITDA hlut­fall fyr­ir­tæk­is­ins var 73 pró­sent af tekj­um.

Þetta kemur fram í árs­reikn­ingi Lands­virkj­unar sem birtur var í dag.

Þar er haft eftir Herði Arn­ars­syni, for­stjóra Lands­virkj­un­ar, að árið 2018 hafi verið gott ár í rekstri fyr­ir­tæk­is­ins. „Tekjur hækk­uðu um 11% milli ára og hafa aldrei verið meiri, en þar mun­aði mestu um aukið selt magn og hækk­andi álverð.

Átj­ánda afl­stöð Lands­virkj­un­ar, Búr­fells­stöð II, var tekin í gagnið á árinu, auk þess sem annar áfangi þeirrar sautj­ándu, á Þeista­reykj­um, hóf rekst­ur. Raf­orku­salan jókst um 430 gíga­vatt­stundir frá fyrra ári og var um 14,8 tera­vatt­stund­ir.

Áfram bætt­ist við hóp við­skipta­vina stórnot­enda hjá fyr­ir­tæk­inu á árinu. Gerðir voru raf­magns­samn­ingar við tvo aðila í gagna­vers­iðn­aði; Advania Data Centers og Etix Everywhere Iceland. Hópur við­skipta­vina er nú fjöl­breytt­ari en nokkru sinni fyrr.“

Skuldir lækka

Lands­virkjun hefur lagt mikla áherslu á að lækka skuldir síð­ustu ár. Nettó skuldir fyr­ir­tæk­is­ins um síð­ustu ára­mót voru um 1.884,6 millj­ónir dala,  218,6 millj­arðar króna, og lækk­uðu um 158 millj­ónir dala í fyrra. Hand­bært fé frá rekstri 295,8 millj­ónum dala, 34,3 millj­örðum króna, sem er hækkun upp á 6,4 pró­sent frá fyrra ár

Hörður segir að eftir fram­kvæmdir síð­ustu ára, sem hafi að mestu verið fjár­magn­aðar með sjóðs­streymi, haldi nettó skuldir nú áfram að lækka. „Hlut­fall nettó skulda á móti EBIT­DA-­rekstr­ar­hagn­aði er nú komið niður í 4,8 og hefur skuld­setn­ing á þennan mæli­kvarða aldrei verið minni í sögu fyr­ir­tæk­is­ins. Nú hafa skap­ast skil­yrði til að auka arð­greiðslur Lands­virkj­unar í skrefum til eig­anda síns, en síð­ast­lið­inn ára­tug hefur fyr­ir­tækið fjár­fest fyrir um einn millj­arð doll­ara í nýjum orku­mann­virkjum og á sama tíma greitt niður skuldir fyrir einn millj­arð doll­ara.“