Óskað hefur verið mán­að­ar­fresti til við­bót­ar, við að klára við­ræður milli WOW air og banda­ríska félags­ins Indigo partners, sam­kvæmt til­kynn­ingu sem birst hefur á vef WOW air.

Í henni segir að reynt verði að ljúka við­ræðum fyrir 29. mar­s. 

Frestur sem skulda­bréfa­eig­endur WOW air gáfu til að ljúka við­ræð­um, átti að renna út í dag.

Fundað hefur verið í allan dag vegna við­ræðna félag­anna tveggja, í höf­uð­stöðvum WOW air, en fjár­fest­ing frá banda­ríska félag­inu er WOW air lífs­nauð­syn­leg. 

Frá því í haust hefur fjár­hags­staða WOW air verið erf­ið, og í des­em­ber greip fyr­ir­tækið til þess að segja upp sam­tals 350 starfs­mönnum til að hag­ræða í rekstri og end­ur­skipu­leggja starf­sem­ina, á meðan við­ræður við hið banda­ríska félag stóðu enn yfir. 

Hinn 81 árs gamli Bill Franke stýrir banda­ríska fjár­fest­inga­fé­lag­inu og má segja að það sé undir honum kom­ið, að fjár­fest­ingin í WOW air nái fram að ganga. 

WOW a­ir tap­aði 33,6 millj­­­ónum dala, sem jafn­­­­­gildir um 4,2 millj­­­arði króna, á fyrstu níu mán­uðum árs­ins í fyrra. Á sama tíma­bili árið á undan nam tap félags­­­ins 13,5 millj­­­ónum dala, jafn­­­virði tæp­­­lega 1,7 millj­­­arða króna miðað við núver­andi gengi.

Mikið er í húfi fyrir íslenskt efna­hags­líf, enda hefur WOW air verið í lyk­il­hlut­verki við upp­gang í ferða­þjón­ustu og efna­hags­lífi lands­ins, á und­an­förnum árum, og flutt til lands­ins 600 til 700 þús­und ferða­menn á ári, með til­heyr­andi marg­feld­is­á­hrifum á efna­hag lands­ins.