Rúmur helm­ingur lands­manna styður fyr­ir­hug­aðar verk­falls­að­gerðir Efl­ing­ar, VR, Verka­lýðs­fé­lags Akra­ness og Verka­lýðs­fé­lags Grinda­víkur í kjara­deilu þeirra við Sam­tök atvinnu­lífs­ins. Tæp­lega þriðj­ungur er þeim hins vegar and­víg­ur. Þetta kemur fram í könnun sem Zenter ­rann­sóknir unnu fyrir Frétta­blað­ið. Könn­unin var fram­kvæmd 28. febr­úar til 1. mars.

Mik­ill stuðn­ingur hjá kjós­endum Flokks fólks­ins, ­Sam­fylk­ing­ar­inn­ar og Pírata

Í könn­un­inni sögð­ust 55,6 pró­sent svar­enda vera frekar eða mjög sam­mála verk­falls­að­gerð­un­um. Tæpur þriðj­ungur eða um 31, 1 pró­sent sögð­ust vera frekar eða mjög ósam­mála þeim. Um 13,3 pró­sent svar­enda sögð­ust vera hvorki hlynntur né and­vígru þeim. Að­gerð­irnar njóta mests stuðn­ings á Reykja­nesi, eða hjá um 73 pró­sentum íbúa. Næst á eftir fylgja íbúar Norð­ur­lands og Aust­ur­lands með rúm 60 pró­sent, sam­kvæmt umfjöllun Frétta­blaðs­ins.

Þeg­ar ­skoð­að­ur­ er stuðn­ingur innan stjórn­mála­flokka þá mælist hann lang­minnstur hjá kjós­endum Sjálf­stæð­is­flokks­ins en aðeins fimmt­ungur þeirra styður aðgerð­irn­ar. Næst­minnstur er stuðn­ing­ur­inn hjá kjós­endum Fram­sóknar og Við­reisn­ar. Hjá kjós­endum Flokki fólks­ins, Sam­fylk­ing­unni og Pírötum mælist stuðn­ingur á bil­inu 70 til 80 pró­sent. ­Rúm 60 pró­sent kjós­enda Vinstri grænna eru einnig hlynnt verk­falls­að­gerð­un­um. Um níu­tíu pró­sent þeirra sem kjósa flokka sem ekki eiga mann á þingi styðja aðgerð­irn­ar.

Verk­falls­að­gerð­irnar ná til yfir 2000 manns

­Síð­asta föstu­dag sam­þykktu félags­­­menn Efl­ingar boðun verk­­falls þann 8. mars næst­kom­andi meðal hrein­­gern­inga­­fólks á hót­­el­u­m. ­Sam­tök atvinn­u­lífs­ins hafa hins vegar höfðað mál fyrir Félags­­­dómi gegn Efl­ingu stétt­­ar­­fé­lagi og kraf­ist að boðað verk­­fall 8. mars næst­kom­andi verði dæmt ólög­­mætt. Þess er einnig kraf­ist að Efl­ing verði dæmt til greiðslu sektar í rík­­is­­sjóð vegna brota á lögum um stétt­­ar­­fé­lög og vinn­u­­deil­­ur.

Fyrir helgi var síðan greint frá því að samn­inga­nefnd Efl­ingar hafði sam­þykkti á fundi  að boða til atkvæða­greiðslu um verk­fall hjá hóp­bif­reiða­fyr­ir­tækjum og á 40 hót­elum á félags­svæði Efl­ing­ar. Sama dag til­kynnt­u VR­ að kosið yrðu hjá félags­mönnum VR um vinnu­stöðvun hjá tutt­ugu hót­elum auk hóp­bif­reiða­fyr­ir­tækja. Verk­föllin dreifast á sex daga hjá verka­lýðs­fé­lög­unum tveimur en þá er boðað til ótíma­bund­innar vinnu­stöðv­unar frá 1. maí. Verk­falls­að­gerð­irn­ar ná til um 850 félaga hjá VR­ og um 1500 hjá Efl­ing­u. 

Samn­inga­við­ræður hjá rík­is­sátta­semj­ara

Á fimmtu­dag­inn verða fjórt­án dagar liðnir frá því að samn­inga­við­ræðum verka­lýðs­fé­lag­anna fjög­urra, Efl­ing­ar, VR, Verka­lýðs­fé­lags Grinda­víkur við Sam­tök at­vinnu­lífs­ins var slit­ið. En sam­kvæmt rík­is­sátta­semj­ara eiga deilu­að­ilar að hitt­ast fjórtán dögum frá við­ræðu­slitum og því er að vænta fund­ar  á fimmtu­dag­inn hjá ofan­greindum aðilum þó ekki sé búið að boða hann form­lega. 

Nóg er um að vera hjá rík­is­sátta­semj­ara þessa dag­ana en Starfs­greina­sam­band­ið, Lands­sam­band íslenskra versl­un­ar­manna og sam­flot iðn­að­ar­manna hafa fundað þar stíft við Sam­tök at­vinnu­lífs­ins síð­ustu daga.