„Það ríkir óvissa í íslensku rétt­ar­kerfi – og það að óþörfu. Lands­rétt­ur, ein dýr­mætasta rétt­ar­bót síð­ari ára, hefur verið settur í upp­nám. Það er því afar erfitt að fylgj­ast með dóms­mála­ráð­herra fara fjalla­baks­leiðir til að tor­tryggja nið­ur­stöðu Mann­rétt­inda­dóms­stóls­ins, sem við Íslend­ingar vel að merkja höfum aldrei áður áfrýj­að,“ segir Þor­gerður Katrín Gunn­ars­dótt­ir, for­maður Við­reisn­ar, í stöðu­upp­færslu á Face­book í dag.

Meiri­hluti Mann­rétt­inda­dóm­stóls Evr­ópu komst að þeirri nið­ur­stöðu sem birt var í morgun að skipan Lands­rétt­ar­dóm­ara bryti gegn 6. grein Mann­rétt­inda­sátt­mála Evr­ópu þar sem kveðið er á um rétt ein­stak­linga til rétt­látrar máls­með­ferðar fyrir dómi.

Sig­ríður Á. And­er­­sen dóms­­mála­ráð­herra telur dóm Mann­rétt­inda­­dóm­stóls Evr­­ópu ekki vera til­­efni til þess að segja af sér en hinir ýmsu þing­menn hafa kraf­ist afsagnar henn­ar. Í hádeg­is­fréttum Bylgj­unnar í dag sagð­ist ­hún áfram njóta trausts hjá rík­­is­­stjórn­­inni allri og hefur því ekki í hyggju að segja af sér­. Hún sagði dóm­inn bæði ver­a ó­væntan og for­­dæma­­lausan og þá komi líka á óvart að dóm­­ur­inn hefði klofnað í afstöðu sinni til máls­ins.

Dóms­­mála­ráð­herra sagði jafn­­framt að verið væri að greina málið en benti á að dóm­­ur­inn væri afar yfir­­­grips­­mik­ill. Hún sagði dóm­inn kunna að hafa áhrif um alla Evr­­ópu. Auk þess sagði Sig­ríður að það væri mat bæði sér­­fræð­inga í dóms­­mála­ráðu­­neyt­inu og hjá rík­­is­lög­­manni að það væri til­­efni til að skoða vand­­lega og alvar­­lega hvort ekki væri hægt að skjóta nið­­ur­­stöð­unni til yfir­­­dóms­ins en slíkt þarf ríkið að gera innan þriggja mán­aða.

Óásætt­an­legt og óaf­sak­an­legt

Þor­gerður Katrín segir á Face­book að nú virð­ist dóms­mála­ráð­herra ætla sér að við­halda óviss­unni í marga mán­uði eða jafn­vel ár með því að halda mál­inu áfram. Það sé óásætt­an­legt og óaf­sak­an­legt. Í stað þess að við­ur­kenna af auð­mýkt grafal­var­lega stöðu máls­ins og ætla sér að gera eitt­hvað í því og það strax.

„Við þurfum að setja almanna­hags­muni framar sér­hags­mun­um. Í því felst að þingið verði þvert á flokka, að koma að mál­inu og vinna það hratt og vel. Til að vernda rétt­ar­rík­ið, láta dóms­kerfið virka og eyða þeirri óvissu sem nú er uppi um Lands­rétt. Þar liggur okkar ábyrgð og er mik­il­væg­asta verk­efni okkar allra á Alþingi núna eftir nið­ur­stöðu dóms­ins. Póli­tískur ein­streng­ings­háttur né skot­grafir eru það ekki. Það þarf að leysa úr mál­inu – og það strax,“ skrifar Þor­gerður Katrín.