Vond staða Boeing versnar

Framkvæmdastjóri verkfræðisviðs Boeing hefur verið látinn fara. Mikill titringur er innan fyrirtækisins vegna rannsóknar á flugslysum í Indónesíu í október og Kenía fyrr í mánuðinum.

MGN+Boeing+737+Max.jpg
Auglýsing

John Hamilton, fram­kvæmda­stjóri verk­fræðis­viðs Boeing, er hættur störfum og má rekja það til rann­sóknar á tveimur flug­slysum, í Indónesíu í októ­ber og Kenía fyrr í mán­uð­in­um, sem leiddi til þess að allir um borð lét­ust í báðum til­vik­um, sam­tals 346.

Eins og greint hefur verið frá þá hefur flug verið bannað á Boeing 737 Max vél­unum á meðan það er rann­sakað hvað olli  því að vél­arar hröp­uðu skömmu eftir flug­tak. Það lét­ust 189 í slys­inu í Indónesíu en 157 í Ken­í­a. 

Spjótin bein­ast að hug­bún­aði í vél­un­um, svoköll­uðu MCAS-­kerfi, sem á að koma í veg fyrir ofris. Sam­kvæmt skrifum Seattle Times hefur upp­færsla á kerf­inu miðað að því að gera það örugg­ara, meðal ann­ars með því að hafa dýpri gagna­grunna að baki skynjara­kerf­inu, svo að það geti ekki farið í gang upp úr þurru og valdið slys­um. Mikið er undir í þess­ari vinnu, eins og gefur að skilja. 

Auglýsing

Seattle Times hefur fjallað ítar­lega um stöðu mála hjá Boeing frá því fyrir slysin bæði, og meðal ann­ars sagt frá mik­illi fram­leiðslu­pressu svo félagið geti staðið við afhend­ingar á nýjum vélum til við­skipta­vina. Ljóst er að það verður mikið vanda­mál hjá félag­inu á meðan ekki hefur feng­ist botn í það hvað nákvæm­lega olli slys­un­um. 

Í slys­inu í Indónesíu náði auka­flug­maður á frí­vakt að koma í veg fyrir slys, sam­kvæmt umfjöllun Bloomberg í dag, degi áður en sama vél hrap­aði með fyrr­greindum afleið­ing­um, með því að slökkva á kerfi vél­ar­innar og taka sjálfur stjórn­ina og lenda vél­inni. Hann greindi flug­mála­yf­ir­völdum frá því að það væri eitt­hvað að vél­inni og að það þyrfti að skoða skynjara sem tengj­ast fyrr­nefndu MCAS-­kerf­i. 

Í umfjöllun Seattle Times hefur komið fram, að blaðið sendi fyr­ir­spurnir til Boeing og flug­mála­yf­ir­valda í Banda­ríkj­un­um, varð­andi upp­færslu á kerf­inu og hvort Boeing hefði fengið að hafa eft­ir­lit með eigin vinnu, til að geta staðið við fram­leiðslu­á­ætl­un. Blaðið sagð­ist hafa heim­ildir fyrir því. Þetta var ell­efu dögum fyrir seinna slys­ið. 

Í dag greindi það frá því að varn­ar­mála­ráðu­neyti Banda­ríkj­anna, Penta­gon, væri farið af stað með sjálf­stæða rann­sókn á því hvort vanda­mál­unum hjá Boeing hefði verið sópað undir teppið hjá banda­rískum flug­mála­yf­ir­völd­um. 

Banda­rísk flug­mála­yf­ir­völd neit­uðu fyrst að banna flug á fyrr­nefndum vélum frá Boeing, en eftir að flest ríki og alþjóða­stofn­anir gerðu það, þá létu bæði Boeing og banda­rísk yfir­völd und­an. Evr­ópu­sam­bandið ítrek­aði í dag að bannið yrði í gildi þar til öllum spurn­ingum hefði verið svar­að.

Boeing er stærsti vinnu­veit­and­inn á Seattle svæð­inu með um 80 þús­und starfs­menn, en í fullum afköstum hefur fyr­ir­tækið verið að koma frá sér yfir 50 vélum á mán­uði til við­skipta­vina, und­an­farin miss­eri.

Í umfjöllun Reuters hefur komið fram að vanda­málin hjá Boeing, og bannið við notkun á 737 Max vél­un­um, hafi leitt til mik­illa vanda­mála hjá mörgum flug­fé­lögum sem eigi erfitt með að halda áætl­unum sín­um, þar sem erfitt er að fá nýjar vél­ar. 

Air­bus, sam­keppn­is­að­ili Boeing, getur ekki annað eft­isp­urn, og því hafa skap­ast aðstæð­ur, þar sem flug­fé­lög hafa ein­fald­lega þurft að fella niður ferðir eða end­ur­skipu­leggja áætl­anir sínar mik­ið, með til­heyr­andi erf­ið­leikum fyrir við­skipta­vini og kostn­að­ar­aukn­ingu í rekstri. 

Icelandair tók þrjár vélar úr notk­un, en seg­ist hafa svig­rúm til skamms tíma til að mæta því með notkun á öðrum vélum í flota sín­um. Til langs tíma miða hins vegar áætl­anir að því að fá nýjar 737 Max vélar frá Boeing.

Upp­fært: 20:26. Banda­ríska alrík­is­lög­reglan FBI hefur einnig hafið rann­sókn á Boeing og sam­bandi þess við banda­rísk flug­mála­yf­ir­völd, að því er Seattle Times greindi frá í kvöld.



Gunnar Hólmsteinn Ársælsson
Út fer Boris með Breta – hvað sem það kostar!
Kjarninn 24. ágúst 2019
Kristbjörn Árnason
Gleðidagur
Leslistinn 24. ágúst 2019
Vonast enn til að selja vörumerkið WOW air
Skiptastjórar WOW air segja að viðræður um að selja vörumerki, lén og bókunarvél félagsins gangi ágætlega.
Kjarninn 24. ágúst 2019
Ásgeir Jónsson, seðlabankastjóri.
„Ég þekki nú fullvel þau víti sem þarf að varast“
Ásgeir Jónsson, nýskipaður seðlabankastjóri, segist hafa verið frekar bláeygður á stöðu bankanna fyrir hrun. Hann álítur þó að sú reynsla sé verðmæt fyrir hann sem seðlabankastjóra þar sem hann þekki nú vel þau víti sem þarf að varast.
Kjarninn 24. ágúst 2019
Netógnir nýrrar aldar: Árásir á lýðræðið
Það er ekki lengur tekist á um það af neinni alvöru að netárásir eru notaðar til að hafa áhrif á hið lýðræðislega ferli og til að grafa undan lýðræðislegum stofnunum. Það hefur gerst í hverju landinu á eftir öðru.
Kjarninn 24. ágúst 2019
Svona geta stjórnvöld orsakað nýtt fjármálaáfall
Gylfi Zoega, prófessor í hagfræði, hefur búið til lista yfir átta aðgerðir sem ríkisstjórn og Seðlabanki gætu gripið til sem gætu leitt að sér nýtt hrun. Hann biður fólk um að krossa við ef aðgerðirnar verði að veruleika.
Kjarninn 24. ágúst 2019
Ná sáttum um stjórnarmenn Lífeyrissjóðs verzlunarmanna
VR hefur náð samkomulagi við Lífeyrissjóð verzlunarmanna um að þeir stjórnarmenn sem nú sitja í stjórninni í nafni VR munu láta af störfum og í stað þeirra munu þeir stjórnarmenn sem VR skipaði í síðustu viku taka sæti í stjórninni.
Kjarninn 23. ágúst 2019
Seldu losunarheimildir til að borga laun fyrir marsmánuð
Skiptastjórar WOW air eru meðal annars búnir að selja skrifstofubúnað og reiðhjólaleigu WOW air til að auka endurheimtir í búið. Félagið hafði selt margar verðmætar eignir, t.d. afgreiðslutíma á flugvelli og losunarheimildir, fyrir gjaldþrot.
Kjarninn 23. ágúst 2019
Meira úr sama flokkiErlent