Lilja Alfreðs­dótt­ir, mennta- og menn­ing­ar­mála­ráð­herra, segir að í ljósi fjórðu iðn­bylt­ing­ar­innar og þeirrar sjálf­virkni­væð­ingar sem sé fyrir dyrum þá þurfi Íslands að takast á við þær áskor­anir að fjölga iðn- og tækni­mennt­uðu fólki.

Hún telur að sjálf­virkni­væð­ingin verði góð fyrir fámenna þjóð eins og Ísland. „Það sem okkur hefur oft­ast skort er vinnu­afl. En núna þegar við erum komin með þessa tækni og við erum að fjár­festa í henni og við erum með mannauð­inn þá á okkur að vegna vel á næstu árum. En þá þurfum við að hafa öfl­ugt mennta­kerfi til að búa til þessa þekk­ingu. Og þess vegna er ég að segja að grunn­ur­inn að þessu öllu eru kenn­ar­arnir í land­in­u.“

Hægt er að sjá stiklu úr þætt­inum hér að neð­an.

Lilja sagði að Íslend­ingar þurfi hik­laust að grípa til aðgerða vegna þessa.

Þegar litið sé á þann fjölda  sem útskrif­ist starfs-, iðn- og tækni­grein­unum þá séu allt önnur hlut­föll hjá okkur en til að mynda á Norð­ur­lönd­unum og önnur ríki sem standi mjög fram­ar­lega í þessum mál­um. „Við ætlum að fjölga iðn­mennt­uðum og þeim sem eru í tækni­greinum og erum búin að vera að for­gangs­raða fjár­munum í þá veru. Við höfum verið að auð­velda aðgengi með því að fella niður efn­is­gjöld í þessum grein­um. En þarna þurfum við að gera meira.“