Rúmlega helmingur landsmanna andvígur innflutningi á fersku kjöti

Kjósendur Framsóknar, Miðflokks og Vinstri grænna eru mest á móti innflutningi á fersku kjöti frá Evrópu. Landsbyggðin er mun harðari í afstöðu sinni en íbúar á höfuðborgarsvæðinu. Bann á innflutningnum verður að óbreyttu afnumið síðar á þessu ári.

Kjöt, ostur og egg.
Auglýsing

Alls segj­ast 55 pró­sent aðspurðra í nýrri könnun MMR vera and­vígir inn­flutn­ingi á fersku kjöti frá löndum Evr­ópska Efna­hags­svæð­is­ins (EES) til Íslands. Alls sögð­ust 27 pró­sent vera fylgj­andi slíkum inn­flutn­ingi. 17 pró­sent aðspurðra tók ekki afstöðu.

And­staðan er lang­mest á meðal kjós­enda Fram­sókn­ar­flokks (81 pró­sent), Mið­flokks­ins (80 pró­sent) og Vinstri grænna (78 pró­sent). Auk þess var rúmur helm­ingur kjós­enda Sjálf­stæð­is­flokks­ins and­vígur slíkur inn­flutn­ingi, eða 55 pró­sent.

Kjós­endur VIð­reisnar voru mest fylgj­andi inn­flutn­ingi á fersku kjöti (68 pró­sent) og þar á eftir komu kjós­endur Sam­fylk­ing­ar­innar (51 pró­sent). Kjós­endur Pírata voru með ólíkar mein­ing­ar, en 46 pró­sent þeirra voru fylgj­andi inn­flutn­ingi, 14 pró­sent tóku ekki afstöðu og 40 pró­sent voru á móti.

Auglýsing

Eldra fólk var mun lík­legra til að vera andsnúið inn­flutn­ingi en það yngra. Þannig voru 70 pró­sent 68 ára og eldri and­vígir honum en 49 pró­sent 30-49 ára.

And­staðan við inn­flutn­ing á fersku kjöti var mun meiri á lands­byggð­inni en á höf­uð­borg­ar­svæð­inu. Alls sögð­ust 69 pró­sent lands­byggð­ar­fólks vera and­víg inn­flutn­ingnum en and­staða mæld­ist hjá 48 pró­sent höf­uð­borg­ar­búa. Þar sögð­ust 33 pró­sent vera fylgj­andi og 20 pró­sent tóku ekki afstöðu á meðan að ein­ungis 17 pró­sent íbúa lands­byggð­ar­innar studdu inn­flutn­ing­inn en 14 pró­sent þar tóku ekki afstöðu.

Hömlur eiga að falla niður í haust

Krist­ján Þór Júl­í­us­­son, sjá­v­­­ar­út­­­vegs- og land­­bún­­að­­ar­ráð­herra, kynnti í febr­úar frum­varp sem felur í sér að fryst­i­­skylda á inn­­­fluttu kjöti verði afnumin og heim­ilt verði að flytja inn ferskt kjöt, fersk egg og vörur úr óger­il­­sneyddri mjólk.

Á sama tíma kynnti ráð­herra aðgerða­á­ætlun með mót­væg­is­að­­gerðum til þess að verja íslenska búfjár­­­stofna og bæta sam­keppn­is­­­stöðu inn­­­­­lendrar mat­væla­fram­­­leiðslu. ­Nái frum­varpið fram að ganga munu hömlur á inn­­­flutn­ingi falla niður þann 1. sept­­em­ber næst­kom­and­i.

Árið 2007 tóku íslensk stjórn­­völd ákvörðun um að heim­ila inn­­­flutn­ing á ófrystu kjöti frá öðrum ríkjum EES og afnema þannig skil­yrði fyrir inn­­­flutn­ingi á til­­­teknum land­­bún­­að­­ar­af­­urðum innan EES í því skyni að tryggja stöðu Íslands á innri mark­aði EES. Þá skuld­bind­ingu stað­­festi Alþingi árið 2009 en þrátt fyrir það var íslenskum lögum ekki breytt til sam­ræmis við þá skuld­bind­ingu. Á síð­­­ustu tveimur árum hafa bæði EFTA-­­dóm­­stóll­inn og Hæst­i­­réttur Íslands stað­­fest að íslensk stjórn­­völd hafi með þessu brotið gegn skuld­bind­ingum sínum sam­­kvæmt EES-­­samn­ingn­­um. Þá hefur skaða­­bóta­­skylda íslenska rík­­is­ins vegna þessa verið stað­­fest.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Meira úr sama flokkiInnlent