Færri nýbyggingar seldar á höfuðborgarsvæðinu

Mun færri nýbyggingar hafa selst á höfuðborgarsvæðinu í ár samanborið við sama tímabili í fyrra. Það sem af er ári hafa 120 nýbyggingar selst á höfuðborgarsvæðinu en á sama tímabili í fyrra var sá fjöldi um 276.

7DM_3294_raw_170627.jpg húsnæði fólk hús fasteign hús reykjavík
Auglýsing

Hlut­falls­lega færri nýbygg­ingar voru seldar á höf­uð­borg­ar­svæð­inu í febr­úar á þessu ári sam­an­borið við mán­uð­inn á und­an. Í febr­úar voru 11 pró­sent við­skipta á höf­uð­borg­ar­svæð­inu nýbygg­ingar en 16 pró­sent við­skipta í jan­ú­ar. Jafn­framt hafa mun færri nýbygg­ingar selst á höf­uð­borg­ar­svæð­inu það sem af er ári en á sama tíma­bili í fyrra. Utan höf­uð­borg­ar­svæð­is­ins er þró­unin aftur á móti önnur en þar var hlut­fall nýbygg­inga 24 pró­sent í febr­ú­ar. Þetta kemur fram í nýrri mán­að­ar­skýrslu Íbúða­lána­sjóðs. 

Aukn­ing í sölu nýbygg­inga utan höf­uð­borg­ar­svæð­is­ins 

Mynd: ÍbúðalánasjóðurNýbygg­ingar eru skil­greindar af Íbúða­lána­sjóði sem íbúðir með skráð bygg­ing­arár sama og söluár eða árið þar á und­an. Á milli mán­aða og milli ára má sjá hlut­falls­lega minni sölu nýbygg­inga á höf­uð­borg­ar­svæð­inu. Sam­kvæmt skýrsl­unni vor­u 11 pró­sent við­skipta á höf­uð­borg­ar­svæð­inu í febr­úar vegna kaupa á nýbygg­ingum sam­an­borið við 16 pró­sent við­skipta í jan­ú­ar. 

Til sam­an­burðar var hlut­fall nýbygg­inga 17 pró­sent kaup­samn­inga í febr­ú­ar­mán­uði í fyrra og í jan­úar 2018 var hlut­fallið 33 pró­sent. Það sem af er árinu hafa 120 nýbygg­ingar selst á höf­uð­borg­ar­svæð­inu en á sama tíma­bili í fyrra var sá fjöldi um 276.

Auglýsing

Á ákveðnum svæðum utan höf­uð­borg­ar­svæð­is­ins er þró­unin hins vegar önn­ur. Í febr­úar voru 24 pró­sent íbúða­við­skipta utan höf­uð­borg­ar­svæð­is­ins vegna nýbygg­inga og það sem af er ári hafa 119 nýbygg­ingar selst þar en 83 fyrir ári síð­an. Þá var hlut­falls­leg aukn­ing mest í Reykja­nesbæ og Hvera­gerð­i. 

Mesta lækkun vísi­tölu íbúða­verðs í rúm átta ár 

Vísi­tala íbúða­verðs á höf­uð­borg­ar­svæð­inu lækk­aði um 1,0 pró­sent í febr­úar sem er mesta mán­að­ar­lækkun frá des­em­ber 2010 þegar íbúða­verð lækk­aði um 1,2 pró­sent milli­ ­mán­aða. ­Vísi­tala íbúða­verðs mælir breyt­ingu á íbúða­verði sam­kvæmt und­ir­rit­uðum kaup­samn­ingum á höf­uð­borg­ar­svæð­inu hverju sinn­i. 

Í skýrsl­unni segir að nýbygg­ingar séu alla jafna dýr­ari en eldri íbúðir og gæti því hlut­falls­lega minni sala þeirra í febr­úar skýrt lækkun á vísi­tölu íbúða­verðs milli mán­aða.  Árs­hækkun íbúða­verðs mælist nú 3,7 pró­sent á höf­uð­borg­ar­svæð­inu en það er minnsta 12 mán­aða hækkun sem hefur mælst síðan í maí 2011.

6474 íbúðir í bygg­ingu í mars 

Óupp­fyllt íbúða­þörf á land­inu öllu er nú um 5.000 til 8.000 íbúð­ir, sam­kvæmt nið­ur­stöðu átaks­hóps rík­is­stjórn­ar­innar um aukið fram­boð á íbúð­um. Mikil upp­bygg­ing er hins vegar fyr­ir­huguð á næstu árum og er áætlað að um 10.000 íbúðir verði byggðar á árunum 2019 til 2021. Gangi þær áætl­anir eftir mun óupp­fyllt íbúða­þörf verða um 2.000 íbúðir í upp­hafi árs 2022. 

 Sam­kvæmt grein­ingu Sam­taka iðn­að­ar­ins voru 6.474 íbúðir í bygg­ingu í mars 2019 á höf­uð­borg­ar­svæð­inu, í nágranna­sveit­ar­fé­lögum þess og á Norð­ur­landi. Mik­il aukn­ing hefur verið á íbúða­upp­bygg­ingu í ná­granna­sveit­ar­fé­lögum Reykja­vík­ur, sér­stak­lega í Reykja­nesbæ en þar eru nú um 530 íbúðir í bygg­ing­u. 

Fjórir umsækjendur um starf seðlabankastjóra metnir mjög vel hæfir
Forsætisráðherra mun að lokum skipa seðlabankastjóra.
Kjarninn 16. júní 2019
Karolina Fund: Flammeus - „The Yellow“
Akureyringur safnar fyrir plötu.
Kjarninn 16. júní 2019
Listi yfir fyrirtæki án jafnlaunavottunar birtur í lok árs
Einungis 2,8 prósent fyrirtækja með 25-89 starfsmenn hafa hlotið jafnlaunavottun enn sem komið er.
Kjarninn 16. júní 2019
Samskiptaforritum  hefur fjölgað hratt á síðustu árum.
SMS skilaboðum fjölgaði í fyrsta sinn í mörg ár
Þrátt fyrir stóraukna samkeppni frá öðrum stafrænum samskiptaforritum þá fjölgaði SMS skilaboðasendinum sem send voru innan íslenska farsímakerfisins í fyrra. Það var í fyrsta sinn frá 2012 sem slíkt gerist.
Kjarninn 16. júní 2019
Sjálfstæði Grænlands mun verða
Hin 22 ára Aki-Matilda Høegh-Dam er grænlenskur sjálfstæðissinni og komst inn á danskt þing í nýafstöðnum kosningum.
Kjarninn 16. júní 2019
Klikkið
Klikkið
Klikkið - Viðtal við Söndru Sif Jónsdóttur
Kjarninn 16. júní 2019
Dýrasta málverk í heimi fundið
Hver er rétti staðurinn fyrir dýrasta málverk sem selt hefur verið á uppboði? Flestir myndu kannski svara: safn. Kaupandinn, sem borgaði jafngildi 56 milljarða íslenskra króna fyrir verkið, valdi annan stað fyrir þetta verðmæta skilirí.
Kjarninn 16. júní 2019
Höskuldur H. Ólafsson hringir bjöllunni frægu við upphaf viðskipta með bréf í Arion banka fyrir einu ári.
Fyrir einu ári síðan: Arion banki skráður á markað
Á þessum degi fyrir einu ári síðan, þann 15. júní 2018, voru bréf í Arion banka tekin til viðskipta í Kauphöll Íslands. Hann varð þar með fyrsti íslenski bankinn til að verða skráður á markað eftir bankahrunið í október 2008.
Kjarninn 15. júní 2019
Meira úr sama flokkiInnlent