Reykja­vík­ur­borg greiddi rúman millj­arð króna fyrir birt­ingu aug­lýs­inga á árunum 2010-2019. Alls keypti borgin birt­ingar af um 500 birgj­um, þar af keypti hún birt­ingar beint af fjöl­miðlum fyrir 460 millj­ón­ir. 

Þetta kemur fram í svari Fjár­mála­skrif­stofu Reykja­vík­ur­borgar við fyr­ir­spurn Vig­dísar Hauks­dótt­ur, borg­ar­full­trúa Mið­flokks­ins.

Mest keypti Reykja­vík­ur­borg af Frétta­blað­inu, fyrir 191 millj­ónir króna, en 61 milljón króna af Árvakri og 59 millj­ónir króna af Rík­is­út­varp­in­u. ­Sam­tals greiddi Reykja­vík­ur­borg tæpar 12 millj­ónir króna fyrir birt­ingar á aug­lýs­ingum á Face­book.

Birt­ingar verk­fræði­stofu

Athygli vekur að borgin keypti aug­lýs­ingar af fyr­ir­tæk­inu H.Páls­syni fyrir rúmar 57 millj­ónir á tíma­bil­inu. Í svari Fjár­mála­skrif­stof­unnar segir að H. Páls­son sé verk­fræði­skrif­stofa sem sjái um aug­lýs­ingar á aðal- og deiliskipu­lagi borg­ar­inn­ar. Sam­kvæmt heima­síðu sér það hins­vegar um þjón­ustu við ljós­mynd­ara og prent­iðn­að.

Í frétt Kjarn­ans frá 2014 sagði Hákon Páls­son, fram­kvæmda­stjóri H. Páls­son, að við­skipti borg­ar­innar við fyr­ir­tækið byggi á langri hefð. Þar sagði hann fyr­ir­tækið sé hefð­bundið fyr­ir­tæki í prent­iðn­aði og sjái um lög­bundnar aug­lýs­ingar fyrir Reykja­vík­ur­borg. Hann segir þar að fyr­ir­tækið sinni aug­lýs­inga­gerð og birt­inga­þjón­ustu fyrir nokkra aðra við­skipta­vini, en þeir séu ekki marg­ir.