Grein­endur Lands­bank­ans gera ráð fyrir að verð­bólga muni aukast á næstu miss­erum, og muni mæl­ast 3,2 pró­sent í apr­íl. Grein­endur Arion banka spáðu því að verð­bólgan færi í 3,3 pró­sent, en hún mælist nú 2,9 pró­sent. 

Meg­in­á­stæðan fyrir aukn­ingu verð­bólg­unnar er talin vera hækkun á flug­far­gjöld­um, en í spá Lands­bank­ans er gert ráð fyrir að 20 pró­sent hækkun á flug­far­gjöldum muni ýta verð­bólg­unni upp á við.

„Við gerum ráð fyrir 20 pró­sent hækkun á flug­far­gjöldum til útlanda. Þróun flug­far­gjalda til útlanda í mars og apríl fer að mjög miklu leyti eftir því í hvorum mán­uði pásk­arnir lenda. Pásk­arnir eru mik­ill ferða­tími og eft­ir­spurn og verð eftir flugi því hærra. Árin 2015, 2016 og 2018 féllu páskar í lok mar­s/­byrjun apríl og var óveru­leg breyt­ing á þessum lið milli sömu mán­aða. 2017 voru páskar vik­una eftir verð­könn­un­ar­vik­una og hækk­uðu flug­far­gjöld til útlanda þá um tæp 15%. Í ár eru páskar tveimur vikum á eftir verð­könn­un­ar­viku Hag­stof­unnar sem skýrir þessa hækk­un,“ segir í grein­ingu Lands­bank­ans. 

Meg­in­vextir Seðla­banka Íslands eru nú 4,5 pró­sent, en verð­bólgu­mark­miðið er 2,5 pró­sent. 

Í grein­ingu Lands­bank­ans er enn fremur fjallað um áhrif falls WOW air á þróun flug­far­gjalda, og hvernig Hag­stofa Íslands hefur verið að vega þátt WOW air inn í vísi­töl­una. ­Síð­ustu ár hefur Hag­stofan byggt verð­mæl­ingar sínar á flugi til útlanda á verði far­miða hjá Icelandair og WOW air. Hlut­deild WOW air var um þriðj­ungur af vísi­töl­unni.  

„Flug­far­gjöld eru tekin inn í vísi­töl­una mán­uð­inn sem flugið er flog­ið, en ekki mán­uð­inn sem flugið er keypt. Alla jafna hefði flug sem keypt var í febr­úar og mars og flogið hefði í apríl átt að koma inn í vísi­töl­una núna. Hag­stofan er í þeirri mjög svo sér­stöku stöðu að vera með verð­mæl­ingar á flugi sem ekki verður flogið vegna gjald­þrots WOW air. Það er alls óvíst hvernig Hag­stofan mun snúa sér í þessu og þá hvort að ein­ungis verði miðað við verð á keyptum flug­miðum af Icelanda­ir. Flug­far­gjöld til útlanda hafa lækkað mikið síð­ustu ár. Þannig var að með­al­tali 12,8% ódýr­ara að fljúga til útlanda 2018 en 2017 og 15,5% ódýr­ara 2017 en 2016. Við eigum von á að þessi þróun gangi til baka á þessu ári sökum minna fram­boðs og minni sam­keppni í kjöl­far gjald­þrots WOW air en einnig vegna hækk­unar olíu­verðs,“ segir í grein­ingu Lands­bank­ans.