Líkur aukast á verkfallsaðgerðum iðnaðarmanna

Pirrings gætir í baklandi iðnaðarmanna en lítið er að frétta eftir fund þeirra með SA hjá Ríkissáttasemjara í gær.

Menn við vinnu - Hverfisgata
Auglýsing

Krist­ján Þórður Snæ­bjarn­ar­son, for­maður Raf­iðn­að­ar­sam­bands­ins, segir að mik­ils pirr­ings gæti í bak­land­inu að ekki sé komið lengra með kjara­samn­inga en iðn­að­ar­menn fund­uðu með Sam­tökum atvinnu­lífs­ins hjá Rík­is­sátta­semj­ara í gær. Þetta kemur fram í Morg­un­blað­inu í dag.

Kristján Þórður SnæbjarnarsonHann segir í sam­tali við blaðið að lík­urnar hafi auk­ist að farið verði í aðgerð­ir. „Auð­vit­að, ef menn fara ekki að ná að semja sem fyrst þá mun það þýða það að menn fari í ein­hverjar aðgerð­ir. Mark­mið okkar er auð­vitað að ná samn­ingum en við munum grípa til ein­hverra aðgerða ef ekk­ert fer að breyt­ast.“

Enn fremur segir Krist­ján Þórður erfitt að segja hvað það er sem skilur samn­ings­að­il­ana að. „Þetta er fljótt að ger­ast þegar menn setj­ast niður og vinna almenni­lega. Það þarf ekk­ert að vera svo svaka­lega langt bil á milli manna.“

Auglýsing

­Kröfur iðn­að­ar­manna snú­ast aðal­lega um þrennt. Í fyrsta lagi vilja þeir auk­inn kaup­mátt launa, í öðru lagi stytt­ingu vinnu­vik­unnar og í þriðja lagi breyt­ingar á til­teknum ákvæðum kjara­samn­inga en sam­kvæmt Morg­un­blað­inu hafa nokkrir veik­leikar komið fram í túlkun samn­ing­anna. Spurður um nán­ari útlistun á kröf­un­um, segir Krist­ján þær vera trún­að­ar­mál en ljóst sé að laun þurfi að hækka meira en verð­lag.

Iðn­­að­­ar­­menn slitu samn­inga­við­ræðum við Sam­tök atvinn­u­lífs­ins þann 19. mars síð­ast­lið­inn en í síð­ustu viku virt­ist vera stutt í und­ir­ritun kjara­samn­inga hjá Rík­is­sátta­semj­ara.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Meira úr sama flokkiInnlent