365 miðlar hf., félag í eigu Ingi­bjargar Pálma­dótt­ur, verður stærsti ein­staki eig­andi Skelj­ungs með 10,01 pró­sent hlut í nán­ustu fram­tíð. Þetta kemur í til­kynn­ingu til Kaup­hall­ar.

Sam­kvæmt til­kynn­ing­unni eiga 365 miðlar 4,32 pró­sent hlut í Skelj­ungi en auk þess hefur félagið gert tvo fram­virka samn­inga um kaup á hlutum í félag­inu fyrir sam­tals 5,69 pró­sent.

Annar fram­virki samn­ing­ur­inn er upp á 4,65 pró­sent hlut, var gerður 11. apríl síð­ast­lið­inn og gildir til 30. apr­íl. Hinn er upp á 1,05 pró­sent hlut, var gerður 17. apríl og gildir til 24. maí.

Mark­aðsvirði Skelj­ungs er um 16,5 millj­arðar króna og því er virði hlut­ar­ins sem 365 miðlar gætu eign­ast tæp­lega 1,7 millj­arðar króna gangi við­skiptin öll eft­ir. Vefur Frétta­blaðs­ins greinir frá því að hluti við­skipt­anna fari í gegnum fjár­mögnun hjá Kviku banka. Í dag er Gildi líf­eyr­is­sjóður skráður stærsti eig­andi Skelj­ungs með 9,2 pró­sent hlut.

365 miðlar voru einu sinni fjöl­miðla­fyr­ir­tæki en er nú að mestu fjár­fest­ing­ar­fé­lag. Félagið seldi stærstan hluta fjöl­miðla­veldis síns til Sýnar í lok árs 2017 og fékk meðal ann­ars greitt fyrir með hluta­fé, en hélt eftir Frétta­blað­inu. Það er nú rekið af Torgi ehf., dótt­ur­fé­lag 365 miðla.

Í októ­ber 2018 seldu 365 miðlar allan hlut sinn í Sýn fyrir tæpa tvo millj­arða króna og keyptu í stað­inn hluti í Hög­um. Um tíma nam eign­ar­hlutur 365 miðla tæp­lega fjórum pró­sentum en á nýjasta birta hlut­haf­alista Haga er félagið ekki á meðal 20 stærstu hlut­hafa.