„Það mátti gera ráð fyrir því fyrir fram að í þeim hópi myndi Sam­keppn­is­eft­ir­litið kannski líta út fyr­ir, eða koma illa út, í sam­an­burði ein­fald­lega vegna þess að Sam­keppn­is­eft­ir­litið er frá­brugðið öðrum stofn­unum sem spurt var um vegna þess að við erum brota­eft­ir­lit. Þar sem er ves­en, þar erum við.“

Þetta segir Páll Gunnar Páls­son, for­stjóri Sam­keppn­is­eft­ir­lits­ins, í við­tali við Þórð Snæ Júl­í­us­son, rit­stjóra Kjarn­ans, í sjón­varps­þætt­inum 21 á Hring­braut sem sýndur verður klukkan 21:00 í kvöld. Hægt er að sjá stiklu úr þætt­inum hér að neð­an:

Þar ræða þeir meðal ann­ars um nýbirta könnun sem ráð­gjafa­nefnd um opin­berar eft­ir­lits­reglur lét Mask­ínu gera til að kanna eft­ir­lits­menn­ing­una á Íslandi, og var birt nýver­ið. Í nið­ur­stöð­unum kemur fram að af mati á 16 mis­mun­andi eft­ir­lits­stofn­unum kom Sam­keppn­is­eft­ir­litið hvað verst út.

Páll Gunnar segir að það sé jákvætt að kann­anir sem þessar séu gerð­ar. „Við erum alltaf að hlusta eftir því hvernig hægt sé að gera hlut­ina bet­ur. Í þessi til­viki þá er ein­hver hópur fyr­ir­tækja á ein­hverjum lista hjá Sam­tökum atvinnu­lífs­ins spurð­ur. Það eru all­nokkrar eft­ir­lits­stofn­anir þarna und­ir.“

Gera mætti ráð fyrir því að Sam­keppn­is­eft­ir­litið kæmi illa út vegna eðlis starf­semi þess, sem snýst um brota­eft­ir­lit. „Við erum að grípa inn í þegar okkur sýn­ist að ein­hver brot eða sam­keppn­is­hindr­anir séu í gangi. Það leiðir af eðli máls að fyr­ir­tæki sem lendir í rann­sókn hjá Sam­keppn­is­eft­ir­lit­inu er ekk­ert sér­stak­lega ánægt með það.“

Hann segir að það hafi valdið sér von­brigðum hversu tak­mörkuð könn­unin sé. „Það kemur í ljósi að 21 fyr­ir­tæki af þessum hópi seg­ist hafa verið í sam­skiptum við sam­keppn­is­eft­ir­litið á síð­ustu tólf mán­uð­um. Það er afar lit­ill hóp­ur. Okkur sýn­ist að á árinu 2018 höfum við verið í form­legum sam­skiptum við upp undur 450-500 fyr­ir­tæk­ið.“

Þorri þeirra sam­skipta séu góð. „Þannig að það er erfitt að sjá hvað sé hægt að lesa út úr þessu, alla­vega í augna­blik­in­u.“