Fylgi Sjálfstæðisflokks og Framsóknar minnkar en Vinstri græn og Viðreisn bæta við sig

Sjálfstæðisflokkur og Framsókn tapa fylgi milli mánaða. Píratar, Samfylking, Miðflokkur og Flokkur fólksins standa nánast í stað en Vinstri græn og Viðreisn bæta við sig fylgi.

flokksforingjar
Auglýsing

Sjálf­stæð­is­flokk­ur­inn mælist með 20,2 pró­sent fylgi í nýj­ustu könnun MMR sem birt var í dag og er sem fyrr stærsti flokkur lands­ins sam­kvæmt mæl­ing­um.  Þetta er samt sem áður næst minnsta fylgi sem flokk­ur­inn hefur mælst með í könn­unum MMR það sem af er kjör­tíma­bili. Lægst mæld­ist fylgi hans í nóv­em­ber 2018, eða 19,8 pró­sent. Fylgi Sjálf­stæð­is­flokks­ins minnkar um 2,3 pró­sentu­stig milli mán­aða. Flokk­ur­inn fékk 25,2 pró­sent atkvæða í kosn­ing­unum í októ­ber 2017.

Sam­fylk­ingin er næst stærsti flokkur lands­ins sam­kvæmt MMR með 14,1 pró­sent fylgi, sem er nán­ast sama fylgi og flokk­ur­inn mæld­ist með fyrir mán­uði, þegar það var 14,3 pró­sent. Sam­fylk­ingin fékk 12,1 pró­sent fylgi í kosn­ing­unum 2017.

Vinstri græn end­ur­heimta stöðu sína sem þriðji stærsti flokkur lands­ins, þótt þau deili því sæti með öðrum, og mæl­ast nú með 13,4 pró­sent fylgi og bæta við sig 3,3 pró­sentu­stigum milli mán­aða. Fylgi flokks­ins hefur ekki mælst meira frá því í maí í fyrra, eða í eitt ár. Vinstri græn eru þó enn tölu­vert frá kjör­fylgi sínu, sem var 16,9 pró­sent.

Auglýsing

Píratar mæl­ast með jafn mikið fylgi og Vinstri græn. Það er nán­ast sama fylgi og flokk­ur­inn fékk í síð­ustu könn­un, og 4,2 pró­sentu­stigum meira en flokk­ur­inn fékk í kosn­ing­unum 2017.

Fylgi Fram­sókn­ar­flokks­ins heldur áfram að dala hægt og rólega eftir að hafa tekið kipp upp á við í kjöl­far Klaust­ur­máls­ins. Nú segj­ast 9,8 pró­sent lands­manna að þeir myndu kjósa flokk­inn sem er 1,4 pró­sentu­stigum færri en fyrir mán­uði síðan og tæpu pró­sentu­stigi minna fylgi en í síð­ustu kosn­ing­um.

Mið­flokk­ur­inn kemur á hæla Fram­sókn­ar­flokks­ins með 9,2 pró­sent fylgi sem er nákvæm­lega sama hlut­fall og sagð­ist fylgja flokknum að málum fyrir mán­uði síð­an, en 1,7 pró­sentu­stigi frá kjör­fylgi hans.

Við­reisn mælist nú jafn stór og Mið­flokk­ur­inn hjá MMR með 9,2 pró­sent fylgi, sem er 1,4 pró­sentu­stigum meira en í síð­ustu mæl­ingu og 3,5 pró­sentu­stigum meira en í kosn­ing­unum 2017.

Flokkur fólks­ins myndi rétt sleppa yfir fimm pró­sent þrösk­uld­inn, og inn á þing, ef kosið yrði núna með 5,1 pró­sent fylgi. Það er nán­ast sama fylgi og hann mæld­ist með síð­ast en 1,8 pró­sentu­stigi undir árangri flokks­ins í síð­ustu kosn­ing­um.

Sós­í­alista­flokkur Íslands heldur áfram að mæl­ast ágæt­lega og er nú með 4,2 pró­sent fylgi, sem er 1,4 pró­sentu­stigi meira en í könnun MMR sem birt var í apr­íl.

Stuðn­ingur við rík­is­stjórn 40 pró­sent

Sam­an­lagt fylgi stjórn­ar­flokk­anna þriggja er 43,4 pró­sent og dregst saman 2,4 pró­sentu­stig milli mán­aða. Alls hafa Sjálf­stæð­is­flokk­ur, Vinstri græn og Fram­sókn tapað 9,4 pró­sentu­stigum af fylgi frá síð­ustu kosn­ing­um, sam­kvæmt könn­unum MMR.

Sam­fylk­ing­in, Píratar og Við­reisn mæl­ast nú saman með 36,7 pró­sent fylgi í könn­unum MMR en fengu 28 pró­sent í kosn­ing­unum 2017. Fylg­is­aukn­ing Við­reisnar milli mán­aðar hækkar sam­eig­in­legt fylgi þeirra lít­il­lega.

Mið­flokk­ur­inn og Flokkur fólks­ins mæl­ast saman með 14,3 pró­sent fylgi hjá MMR, sem er tölu­vert frá þeim 17,8 pró­sentum sem flokk­arnir tveir fengu í síð­ustu kosn­ing­un­um.

Eftir að hafa risið á und­an­förnum mán­uðum fellur stuðn­ingur við rík­is­stjórn­ina niður í 40,4 pró­sent í könn­unum MMR. Það er minnsti stuðn­ingur við hana sem mælst hefur á þessu ári.

Munur á könn­unum

Athygli vekur að könnun MMR sýnir aðeins aðra stöðu en nýjasta könnun Gallup, sem birt var um helg­ina. Þar mæld­ist sam­eig­in­legt fylgi stjórn­ar­flokk­anna aðeins meira, eða 44,9 pró­sent, en staða Sjálf­stæð­is­flokks­ins (23,5 pró­sent) mælist sterk­ari og fylgi Fram­sókn­ar­flokks­ins (8,0 pró­sent) umtals­vert minna. 

­Sam­fylk­ingin mælist líka stærri hjá Gallup en MMR (16,2 pró­sent) sem og Við­reisn (11,0 pró­sent) en fylgi Pírata mælist þar minna (11,1 pró­sent). 

Fylgi Mið­flokks­ins (8,9 pró­sent) er á mjög svip­uðum slóðum hjá Gallup og MMR en fyrr­nefna fyr­ir­tækið mælir Flokk fólks­ins (4,0 pró­sent) með það lítið fylgi að hann næði ekki inn manni á þing. 

Mestu munar þó um mæl­ingu á stuðn­ingi við rík­is­stjórn­ina. MMR mælir hann, líkt og áður sagði, sem 40,4 pró­sent og á nið­ur­leið en Gallup segir hann vera 51,6 pró­sent og á upp­leið. 

Í könnun MMR var fram­kvæmdin þannig að ein­stak­lingar eldri en 18 ára voru valdir handa­hófs­kennt úr hópi álits­gjafa MMR. Alls svör­uðu 941 könn­un­inni sem var fram­kvæmd 30. apríl til 3. maí 2019. 

Nið­ur­stöður Gallup eru úr net­könnun sem fyr­ir­tækið gerði dag­ana 5. til 30. apríl 2019. Heild­ar­úr­taks­stærð var 5.189 og þátt­töku­hlut­fall var 57,7 pró­sent. Ein­stak­lingar í úrtaki voru handa­hófs­valdir úr Við­horfa­hópi Gallup.



Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Ásta Sigríður Fjeldsted
Ásta Sigríður Fjeldsted nýr framkvæmdastjóri Krónunnar
Ásta Sigríður Fjeldsted hefur verið ráðin framkvæmdastjóri Krónunnar.
Kjarninn 14. júlí 2020
Atvinnuleysi komið undir tíu prósent
Atvinnuleysi hérlendis hefur lækkað hratt að undanförnu en þar skiptir mestu hröð lækkun atvinnuleysis vegna minnkaðs starfshlutfalls. Almennt atvinnuleysi mælist 7,5 prósent og hefur lítið sem ekkert breyst frá því í apríl.
Kjarninn 14. júlí 2020
Salt Pay talið hæft til að fara með virkan eignarhlut í Borgun
Fjármálaeftirlitsnefnd Seðlabanka Íslands hefur komist að þeirri niðurstöðu að Salt Pay, með skráð aðsetur á Caymaneyjum, sé hæft til að fara með yfir 50 prósent virkan eignarhlut í Borgun.
Kjarninn 14. júlí 2020
Frá fundinum í dag
Fjögur lönd til viðbótar ekki talin áhættusvæði
Alls eru sex lönd sem ekki eru talin áhættusvæði; Danmörk, Noregur, Finnland, Þýskaland, Grænland og Færeyjar. Fólk sem kemur þaðan og hefur dvalið þar í tvær vikur samfleytt þarf ekki að fara í skimun við komuna til landsins frá og með 16. júlí.
Kjarninn 14. júlí 2020
Bjarni Benediktsson, fjármála- og efnahagsmálaráðherra.
227 stuðningslán fyrir tæpa 2,2 milljarða
Alls hafa fyrirtæki hér á landi sótt um 227 stuðningslán fyrir tæpa 2,2 milljarða króna síðan opnað var fyrir umsóknir þann 9. júlí.
Kjarninn 14. júlí 2020
Sólveig Anna Jónsdóttir, formaður Eflingar.
„Vissuð þið að það er ekki refsivert á Íslandi að stela launum af vinnuaflinu?“
Formaður Eflingar hefur gert kröfu á stjórnvöld og stílað á fimm ráðuneyti. Hún vill að þau standi við gefin loforð um að heimildir til refsinga verði auknar, í samráði við aðila vinnumarkaðarins, ef atvinnurekandi brýtur gegn lágmarkskjörum launamanns.
Kjarninn 14. júlí 2020
Þinglýstum kaupsamningum fækkaði á milli ára í flestum sveitarfélögum á höfuðborgarsvæðinu. Smávægileg aukning varð í Mosfellsbæ og á Seltjarnarnesi.
Þinglýstum kaupsamningum á höfuðborgarsvæðinu fækkar milli ára
Þinglýstum kaupsamningum fjölgar víða utan höfuðborgarsvæðisins á öðrum ársfjórðungi miðað við sama tíma í fyrra. Alls fækkaði þeim um 31 prósent innan höfuðborgarsvæðisins en fjölgaði um 0,5 prósent utan þess.
Kjarninn 14. júlí 2020
Lilja D. Alfreðsdóttir, mennta- og menningarmálaráðherra.
Ráðherra óskaði eftir flýtimeðferð á boðuðu dómsmáli
Mennta- og menningarmálaráðherra hefur óskað eftir flýtimeðferð á dómsmáli sínu gegn skrifstofustjóra í forsætisráðuneytinu til að fá hnekkt úrskurði kærunefndar jafnréttismála.
Kjarninn 14. júlí 2020
Meira úr sama flokkiInnlent