Um 2400 ung­menni, þ.e. um sex pró­sent ung­menna á Íslandi, á aldr­inum 16-24 ára voru hvorki í námi, vinnu né starfs­þjálfun árið 2018. Hlut­fallið er lágt sam­an­borið við önnur Evr­ópu­ríki. Þetta kemur fram í til­kynn­ingu Hag­stof­unnar.

Bent er á í til­kynn­ing­unni að Alþjóð­lega vinnu­mark­aðs­stofn­unin (ILO) telji hóp­inn vera í sér­stakri hættu á félags­legri ein­angrun og skorti á efn­is­legum gæðum þar sem ung­mennin hljóti ekki menntun eða þjálfum jafn­framt sem þau afli sér ekki tekna.

Hlutfall ung­menna á Íslandi sem til­heyrir þessum hópi hefur sveifl­ast tölu­vert síð­ast­lið­inn ára­tug. Árið 2008 til­heyrðu undir fimm pró­sent ung­menna þessum áhættu­hópi en hækk­aði árið 2009 í 8,3 pró­sent ung­menna. Hlut­fallið hélst hátt næstu árin eftir hrun. Í til­kynn­ing­unni segir að hlut­fall ung­menna sem ekki eru í vinnu, námi eða starfs­þjálfun nú og fyrir hrun sé svip­að.

Hlut­fallið með því lægsta í Evr­ópu

Ein­ungis tvö Evr­ópu­ríki hafa lægra hlut­fall ung­menna sem ekki eru í námi, vinnu eða starfs­þjálfun, þ.e. Nor­egur og Hol­land. Annað er uppi á ten­ingnum fyrir Tyrk­land, Norð­ur­-Ma­kedóníu og Ítal­íu. Hlut­fallið í Tyrk­landi nær 24,4 pró­sent ung­menna, Norð­ur­-Ma­kedóníu 24,1 pró­sent ung­menna og Ítalíu tæp 20 pró­sent ung­menna.

Frá árinu 2013 hefur bilið á milli karla og kvenna án vinnu, náms eða starfs­þjálfun á Íslandi auk­ist og stóð í 6,4 pró­sent meðal karla en 8,5 pró­sent meðal kvenna árið 2018. Mun­ur­inn á milli kynja var minnk­aði hins vegar á árunum 2003-2008. Á vef Hag­stof­unnar er mun­ur­inn skýrður á þann veg að konur á aldr­inum 20-34 ára séu frekar utan vinnu­mark­aðar en ungir karl­ar. Mögu­lega sé það vegna þess að ungar konur taki frekar fæð­ing­ar­or­lof áður en þær byrji í starfi, þær séu frekar öryrkjar, tíma­bundið ófærar til vinnu og lík­legri til að vera heima­vinn­andi. Engu að síður er kynja­mun­ur­inn minni en í öðrum ríkjum Evr­ópu­sam­bands­ins þar sem með­al­talið er 8,7 pró­sentu­stiga munur á milli kynja.