Alþýðu­sam­band Íslands telur Skúla Mog­en­sen, stofn­anda WOW air, hafa kastað afar köldum kveðjum til starfs­manna sinna og í raun sam­fé­lags­ins alls þegar hann sagði í kvöld­fréttum RÚV í gær að kjara­samn­ings­bundin laun og leik­reglur á íslenskum vinnu­mark­aði hefðu verið of íþyngj­andi fyrir rekstur flug­fé­lags­ins WOW.

Þetta kemur fram á Face­book-­síðu sam­bands­ins í dag.

„Það voru ekki mann­sæm­andi laun sem settu fyr­ir­tækið á hausinn! Að koma núna og kenna starfs­mönnum og launa­kjörum þeirra um gjald­þrotið er allt annað en stór­mann­legt og kaldar kveðjur til starfs­fólks­ins sem stóð með félag­inu þar til yfir lauk,“ segir í færslu ASÍ.

Skúli sagði í kvöld­fréttum RÚV í gær að hann teldi það vera alveg ljóst ef byggja ætti upp WOW air aftur þá þyrfti að vera öðru­vísi sam­setn­ing á kjara­samn­ing­un­um. „Það þyrftu að vera opn­ari tæki­færi til að nota erlenda starfs­menn heldur en hefur verið og hefur tíðkast,“ sagði hann. 

Hann sagði jafn­framt að hörð kjara­bar­átta í miðri upp­bygg­ingu hefði einnig haft áhrif. „En ég vill líka leggja áherslu á að þetta snýst ekki um þjóð­erni. Ég er alveg sann­færður um það að við myndum fylla nýtt félag með Íslend­ingum en það er hvernig samn­ing­arnir voru og eru settir upp sem er til trafala. Við sjáum bara hvernig það hefur verið í gegnum tíð­ina, að það gengur ekki að þú sért að horfa fram á verk­föll – jafn­vel á krítískum tímum – þegar þú ert að byggja svona félag upp. Það gengur ekki,“ sagði Skúli. 

Þeir sem ætla að vera með í leiknum verða að spila eftir regl­unum

Þá kemur fram hjá sam­band­inu að á íslenskum vinnu­mark­aði gildi lög, reglur og kjara­samn­ingar sem tryggi vel­ferð launa­fólks. „Þetta vita flestir þeir sem hafa staðið í atvinnu­rekstri. Und­ir­staða vel­ferðar okkar sem þjóðar er þetta skipu­lag og kröftug bar­átta gegn und­ir­boðum á vinnu­mark­aði. Við köllum þetta nor­rænt vel­ferð­ar­sam­fé­lag.

Fyr­ir­tæki sem eru til­búin til að starfa á þessum for­sendum eru vel­komin – önnur ekki. Þeir sem ætla að vera með í leiknum verða að spila eftir regl­un­um. Hinum sem ætla að svindla er mætt af fullri hörku,“ segir í færsl­unni.

Enn fremur telja þau hjá ASÍ að hug­mynd um nýtt lággjalda­flug­fé­lag sem skapi sér sam­keppn­is­for­skot með því að troða á launa­fólki sé vond hug­mynd. Íslensk verka­lýðs­hreyf­ing muni aldrei sam­þykkja slíkt.