Skúli vill fá annað tækifæri til að stofna flugfélag – Myndi kalla það WOW air

Stofnandi WOW air segir það mikilvægt að á Íslandi sé lággjaldaflugfélag og telur hann að nýtt félag eigi erindi hér á landi undir formerkjum WOW air.

WOW air 2
Auglýsing

Skúli Mog­en­sen, stofn­andi og fyrr­ver­andi for­­stjóri flug­­­fé­lags­ins WOW a­ir, segir að ef hann fengi tæki­færi til að stofna annað flug­fé­lag þá myndi hann gera það, þó ekki endi­lega sem for­stjóri. Nýja flug­fé­lagið myndi hann kalla WOW air, „enda frá­bært vöru­merki“ að hans mati.

Þetta kom fram í erindi hans á við­burði Startup Iceland í Hörpu í dag. Við­burð­ur­inn er hald­inn í átt­unda sinn og er þemað í ár Stofn­endur og und­ir­stöð­ur.

Eftir mik­inn upp­­­gang árum saman lenti íslenska lág­far­gjald­­ar­flug­­fé­lagið WOW air í veru­­legum vand­ræð­um og dugði skulda­bréfa­út­­­­­boð upp á 50 millj­­­ónir dala sem félagið fór í í sept­­­em­ber 2018 ekki til að laga stöð­una. Í kjöl­farið var reynt að selja WOW air til Icelandair og Indigo Partners en þau áform gengu ekki eft­­­ir. Íslenska ríkið taldi sig jafn­framt ekki hafa neinar for­­sendur til að ganga inn í rekstur WOW air og að morgni 28. mars síð­ast­lið­ins fór félagið í þrot.

Auglýsing

Fólk taldi hann óðan

Í erindi Skúla kemur fram að eftir OZ-æv­in­týrið hafi hann ætlað sér að verða fjár­festir og stjórn­ar­maður fyr­ir­tækja en hann segir að honum hafi hins vegar leiðs í þeim störf­um. „Ég var ekki góður fjár­festir og stjórn­ar­mað­ur,“ segir Skúli. Hann hafi viljað finna nýjar áskor­anir og taldi hann það ekki vera góða hug­mynd að hætta að vinna fer­tug­ur. Svo hann spurði sig hvað hann gæti gert í stað­inn en þá vakn­aði upp sú hug­mynd að stofna flug­fé­lag. Hann hafði flogið mikið og trúði því að Íslend­ingar gætu gert betur í þessum mál­um.

Við­brögðin létu ekki á sér standa en sam­kvæmt Skúla töldu margir hann vera óðan en hann leit svo á að þetta verk­efni væri eitt­hvað sem hann yrði að fram­kvæma. 

Ekk­ert sem heitir „auð­velt“ í flug­brans­anum

Rekstur WOW air fór vel af stað og segir Skúli að mark­aðs­setn­ing hafi gengið ein­stak­lega vel. Þau hafi haft gott teymi sem vann vel og hafi þau eytt miklum tíma í þá mark­aðs­setn­ingu.

„Ég vildi hafa áhrif. Á mörgum stöðum í heim­inum er það mun­aður að fljúga en ég vildi að allir hefðu mögu­leika á að gera það,“ segir Skúli. Hann segir það enn fremur mis­skiln­ing að sá sem eyðir litlu í flug­far sé versti kúnn­inn. „Það er rugl, algjört rugl. Ég tel að þeir séu þeir kláru,“ segir hann.

Hann talar jafn­framt um þau mis­tök sem gerð voru árið 2018 í rekstri WOW air. Hann segir að fyr­ir­tækið hafi misst sjónar á mark­miðum þess það árið. „Ég hélt að þetta væri auð­velt en það er ekk­ert sem heitir „auð­velt“ í flug­brans­an­um,“ segir hann.

Skúli Mogensen Mynd: WOW air

Hefði átt að vera þol­in­móður

Eins og fram hefur komið í umfjöllun fjöl­miðla eftir gjald­þrot WOW air þá segir Skúli að helstu mis­tökin hafi verið að stækka vél­arn­ar. Í tölvu­pósti sem Skúli sendi starfs­mönnum sínum des­em­ber síð­ast­liðnum kemur þetta einnig fram en þar sagði hann: „Í stuttu máli misstum við ein­beit­ing­una og byrj­uðum að hegða okkur eins og hefð­bundið flug­fé­lag. Þessi mis­tök hafa næstum því kostað okkur fyr­ir­tækið þar sem tapið árið 2018 hefur stig­magn­ast und­an­farna mán­uði vegna slæmrar fjár­hags­legrar afkomu. Það er afar mik­il­vægt að taka fram að ég kenni engum nema sjálfum mér um þessi mis­tök.“

Hann segir í erindi sínu að hann hafi átt að bíða og vera þol­in­móður en hann hafi verið óþreyju­fullur að stækka. Það hafi ekki verið rétt ákvörð­un, svona eftir á að hyggja.

Vill fá annað tæki­færi

Skúli segir í erindi sínu að við fall WOW air hafi hann orðið mjög reið­ur. Og að hann sé enn reið­ur. „Það er ekki dagur – eða klukku­tími – sem ég hugsa ekki um þetta,“ segir hann. En að því sögðu þá veltir hann því fyrir sér hvað taki nú við. „Hvað getum við gert núna? Hver eru tæki­fær­in,“ spyr hann.

Hann segir að það yrði slæmt ef þekk­ingin og reynslan sem afl­að­ist við rekstur og upp­bygg­ingu WOW air yrði ekki nýtt. Ekki væri hægt að byggja upp slíka þekk­ingu auð­veld­lega aftur og því telur hann að nú ætti að nýta tæki­fær­ið. Ísland verði að vera með lággjalda­flug­fé­lag.

„Ég ætla ekki endi­lega að gera þetta á morgun en ég vil fá tæki­færi til að gera þetta aft­ur,“ segir Skúli og bætir því við að honum sé aftur farið að leið­ast. Hann bendir enn fremur á að nú sé sam­dráttur í íslensku sam­fé­lagi og að ein­hver verði að gera eitt­hvað í þessum mál­um.

Hægt er að horfa á streymi frá Startup Iceland hér.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Réttast að senda pöndubirnina heim
Upplýsingar um fund kínverska sendiherrans í Danmörku með færeyskum ráðamönnum um fjarskiptasamning hafa valdið fjaðrafoki í Færeyjum og meðal danskra þingmanna. Sendiherrann neitar að reyna að beita Færeyinga þrýstingi.
Kjarninn 15. desember 2019
Lilja D. Alfreðsdóttir, mennta- og menningarmálaráðherra.
Drög að nýjum þjónustusamningi við RÚV kynnt
Mennta- og menningarmálaráðherra hefur kynnt nýjan þjónustusamning við Ríkisútvarpið fyrir ríkisstjórn en núgildandi samningur rennur út um áramótin.
Kjarninn 14. desember 2019
Agnar Snædahl
Frá kreppuþakuppbyggingu og myglu
Kjarninn 14. desember 2019
Undraheimur bókmenntanna: Veisla Soffíu Auðar Birgisdóttur
Gagnrýnandi Kjarnans skrifar um „Maddama, kerling, fröken, frú. Konur í íslenskum nútímabókmenntum".
Kjarninn 14. desember 2019
Jón Baldvin Hannibalsson
Norrænt velferðarríki eða arðrænd nýlenda?
Kjarninn 14. desember 2019
Björgólfur Jóhannsson, tímabundinn forstjóri Samherja, þegar hann tók við starfinu.
Björgólfur efast um að mútur hafi verið greiddar og telur Samherja ekki hafa brotið lög
Forstjóri Samherja telur Jóhannes Stefánsson hafa verið einan að verki í vafasömum viðskiptaháttum fyrirtækisins í Afríku. Greiðslur til Dúbaí eftir að Jóhannes hætt,i sem taldar eru vera mútur, hafi verið löglegar greiðslur fyrir kvóta og ráðgjöf.
Kjarninn 14. desember 2019
Litla hraun
Vilja að betrun fanga hefjist strax frá dómsuppkvaðningu
Starfshópur félagsmálaráðherra hefur lagt til unnið sé að bataferli einstaklinga sem hlotið hafa refsidóm strax frá uppkvaðningu dóms, á tímabilinu áður en afplánun refsingar hefst, á meðan afplánun varir og einnig eftir að afplánun lýkur.
Kjarninn 14. desember 2019
Síminn að festa sig aftur í sessi sem sá stærsti á markaðnum
Gagnamagnsnotkun Íslendinga á farsímaneti heldur áfram að aukast ár frá ári. Hún hefur 265faldast á áratug. Síminn hefur styrkt stöðu sína sem markaðsleiðandi á farsímamarkaði en tekjur vegna sölu á slíkri þjónustu hafa dregist verulega saman.
Kjarninn 14. desember 2019
Meira úr sama flokkiInnlent