Ein­angr­un­ar­hyggja í við­skiptum og auk­inn efna­hags­legur óstöð­ug­leiki hægðu á hag­kerfi heims­ins árið 2018. Vöru­við­skipta­vöxtur var 3 pró­sent 2018 sam­an­borið við 4,6 pró­sent árið 2017. Búist er við að sú þróun haldi áfram árið 2019, þar sem áætl­aður vöru­við­skipta­vöxtur er 2,6 pró­sent. Þetta kemur fram í árlegri skýrslu Alþjóða­við­skipta­stofn­un­ar­innar (e. WTO).

Sam­kvæmt skýrsl­unni reynir stofn­unin nú að draga úr spennu í við­skipt­um. Sem dæmi hafa Banda­ríkin átt í harð­vígum deilum við Kína, Kanada og Mexíkó. Árið 2018 var met slegið í fjölda mála sem sett voru fyrir deilu­mála­kerfi stofn­un­ar­inn­ar.

Bandaríkin er það ríki sem flest mál hefur sett í ferli innan deilu­mála­kerfi stofn­un­ar­innar frá árinu 1995 til 2018, það eru alls 123 mál, auk þess sem þau eru það ríki sem flest mál hafa verið höfðað gegn innan þessa kerfis eða 152 tals­ins. Næst á eftir kemur Evr­ópu­sam­bandið með 99 mál og 85 mál höfðað gegn því.

Taka þarf á málum innan stofn­un­ar­innar

Roberto Azevêdo, fram­kvæmda­stjóri Alþjóða­við­skipta­stofn­un­ar­inn­ar, sagði brýnt að taka á málum innan stofn­un­ar­inn­ar, starf innan hennar gæti ekki haldið áfram líkt og ekk­ert hefði í skorist.

Fyrir utan aukna spennu í við­skiptum milli ríkja og ein­angr­un­ar­hyggju þyrfti sér­stak­lega að taka á nið­ur­greiðslum ríkja á land­bún­að­ar- og sjáv­ar­út­vegs­vör­um.

Sér­stök umfjöllun var árið 2018 innan stofn­un­ar­innar um áhyggjur af afleið­ingum Brexit á tolla Evr­ópu­sam­bands­ins. Alls lýstu tólf ríki yfir sér­stökum áhyggjum af afleið­ingum toll­anna á Bret­land.